Registers van de Hollandse grafelijkheid 1299-1345

Graaf Willem III schenkt Pouwels van Strijen, zijn poorter van Dordrecht, 7 morgen land tussen de ambachten Arnoudswaard en Hakenisse in vrij eigendom.

Vgl. de in het register voorafgaande oorkonde nr. ZH 147.

De onderstaande tekst is gebaseerd op afschrift B.

Wi Willaem^a grave etc. maken cond etc. dat wi Pouwels van Striene^b, onsen poirter van Dordrecht^c, om menighen dienst die hi ons ghedaen hevet ende noch doen zal hebben ghegheven ende gheven mid desen brieve onse zeven morghen lands die ^d gheleghen zien tuyschen den ambocht Harnaerswairt^e an die ene zide ende den ambocht van Hakenisse andie ander zide tote sinen vrien eyghen, sinen vrien wille mede te doene ghelike anders sinen goede dat hi in onsen lande heeft, onverzeyd van ^f ons of van yemand van onsen weghen; ende wi warense hem in allen manieren als voirscreven is mid desen openen brieve bezeghelt mid onsen zeghel.

Ghegheven in Middelburch^g des donresdaghes na sente Lucas dach int jaer XXIII^o.