Registers van de Hollandse grafelijkheid 1299-1345

Graaf Willem III verklaart dat Jan Westfaling met zijn toestemming aan diens echtgenote Belie als lijftocht de buitendijkse landen en vervallen dijken in het ambacht van Gijsbrecht Bot heeft geschonken, welke Jan van hem in leen houdt.

Wi Willem^b grave van Henegouwen^c, van Holland, van Zeeland ende here van Vrieseland^d maken cont allen luden^e dat Jan Westfalinc med onser hand ghemaket hevet joncvrouwe Belien sinen wive toit haerre lijftochte alle die uyt lande ende alle die vervallen dike die gheleghen sien in Ghisebrechts des Bots^f ambochten, alzoe groet ende alze cleene als hize van ons houd te liene; in wilker lijftochte voirscreven wi gheloven joncvrouwe Belien^g voirseyt te houden als wi sculdich sijn te doene na zede ende costume^h van onsen lande.

In orkonde desen brieve beseghelt med onsen zegheleⁱ. Ghegheven te Sente^j Gheerden berghe des dinxendaghes na sente Servais^k dach int jaer ons Heren M CCC vijfendetwintich.