Registers van de Hollandse grafelijkheid 1299-1345

Graaf Willem III verklaart dat Willem Arnoudsz. met zijn toestemming diens echtgenote jonkvrouw Elizabeth Jan Westfalingsdr. als lijftocht de tienden in Achthoven te Wieldrecht heeft geschonken, welke Willem van hem in leen houdt.

Wi Willaem^b grave van Henegouwen^c, van Holland, van Zeeland ende here van Vrieseland^d maken^e cont allen luden^f dat Willaem Arnouds^g sone med onser hand ghemaect hevet joncvrouwe Lizebetten Jan Westfalincs dochter, sinen wive, toit haerre lijftochte den tiende die gheleghen es in Achte hoeven te Wieldrecht twisken den tienden die Gherets^h van Wieldrechts waren an beyden siden ende streckende van der Maze toit an dienⁱ veen, alzoe groet ende alzoe clene als hien van ons te lene houd; in wilker^j lijftochte voirscreven wi gheloven joncvrouwe Lizebetten voirseyt te houden als wi sculdich sien te doene na zede ende costume van onsen lande.

In orkonde desen brieve bezeghelt med onsen seghele^k. Ghegheven te Sente^l Gheerden berghe des anders daghes na sente Servaes^m dach int jaer ons Heren M CCC vijfendetwintich.