Registers van de Hollandse grafelijkheid 1299-1345

Rudolf hertog van Saksen en zijn echtgenote hertogin Jutte verklaren in te stemmen met de door graaf Willem III in overleg met hun gevolmachtigden getroffen betalingsregeling betreffende de achterstallen van de jaarrente die Jutte toekomt uit de tollen van Geervliet en van Ammers.

Vgl. het in het register voorafgaande nr. ZH 192. Aangezien die oorkonde is gegeven in Den Haag op de dag vóór de onderhavige, zal de laatste vermoedelijk niet door de hertog en hertogin van Saksen zijn uitgevaardigd maar door de gevolmachtigden van de hertogin, en waarschijnlijk zijn vervaardigd door personeel van de Hollandse kanselarij; ook de taal van het stuk doet zulks vermoeden.

Wi ..Rodolf^b bi der ghenaden Goids hertoghe van Zassen, van Angheren^c, van Westvalen, grave te Bren, burchgrave te Madenborch^d ende overste maerscalc des Rijcs, ende wi Jutte bi der selver ghenaden hertoghinne van Zassen, van Angheren^e, van Westvalen, gravinne te Bren ende burchgravinne van Madenburch, die wijf es heren Rodolfs voirs., maken kond allen luden dat wi voir ons ende voir onse nacomelinghen ane ghenomen hebben ende gheloven wittelike ende trouwelike ewelike te houden alsulke effeninghe als onse trouwe lude broeder Ludolf van Bodenrode commenduer van den Duytshenhuse^f van Daensdorp, hair Henric^g van Roestocke ende Pieter onse capelain over een ghedraghen zien met enen edelen moghenden manne, onsen lieven neve heren Willame^h grave van Heynnegouwenⁱ etc., van allen eysche die wi hem eyschende waren tesen daghe toe van jaerlixen renten ende van versetene scout die wi tafter waren ende die wi ende onse erfname hebben souden uten tollen tote Ghervliet^j ende te Ammers, ende ons Jutten voirs. ane ghearft sijn van veren Margrieten^k der gravinnen van Hennenberch onser oudermoeder, die suster was eens edels vorsten heren Willems^l wilenneer Roemsch coning, daer God die ziele of hebben moet, in aldusdanigher manieren als hier na ^m ghescreven staet. ⁿ Dats te verstane dat wi vor ons ende onse naecomelinghe quite scelden ende los ewelike heren Willame^o grave van Heynegouwen^p etc. ende sine nacomelinghe van al diere versetene scout die wi hem manen jof eyschen mochten uten vorsproken tollen te Ghervliet^q ende te Ammers^r van zes jaren die gheleden sijn; ende here Willaem^s grave etc. vors. hevet ghelovet voer hem ende sinen nacomelighen met goden^t trouwen ons ende onsen nacomelighen ende rechten erfnamen te gheven ende te betaelne van desen naesten jare, dat ingaen zal in sente Andries daghe^u int jaer ons heren M^v CCC vive ende twintich, anderhalf hondert march ghenghe ende gaver Coelscher penninghe, twaelf scellinghe te telne vor den march, uten tollen te Ghervliet^w ende te Ammers^x vors., ende dan voerdmeer alle jare zullen wi jof onse ^y warachtighe boden met onsen opene brieven jof onser rechter erfname opene^z brieve erflike zestalf hondert march ghenghe ende gaver Coelscher penninghe ontfaen, ende in te nemen uten tollen tote Ghervliet^a' ende te Ammers^b' vornoemt; in dusdanigher manieren dat onse bode^c' vors. in sente Andries daghe in zal gaen in die tollen te Gheervliet vorscreven ende zal hebben den enen slotel van den tollenscrien ende des graven bode van Heynegouwen^d' ende van Holland^e' vors. den anderen slotel, ende onse bode zal met sinen bode legghen in die tollen vors. up onsen^f' cost; mar sijn bode zal tolnaer wesen ende^g' dat ghelt ontfaen met wetenthede ons boden ende dat ghelt in dat tollenscrien doen tonser behoif, ende tote elken viertienachten ons te ghelden metten penninghen die daer in comen in minderighe van onsen renten van dien jare. Ghebrake ons yet van onsen vollen ghelde tote den ende van den jare, zo zoude onse bode varen in die tollen tote Ammers^h' ende daer legghen up sgraven cost vors., in te nemen ende tontfane in sente Stephaens daghe nae middewinter^i' alle die ghebreckenesse van onsen penninghen van den jare vors.; ende waer dat zake dat men daer alse vele reder penninghe niet ene vonden als ons onbrake, zo zoude onse bode bliven legghen in die vorseyde tollen tote Ammers^j' up sgraven cost vors., in te nemen ende tontfane al dat ons ombrake van onsen penninghe, tote diere tijt dat ons volcomelike betaelt waeren van den jare vors. Voert hevet die grave vors. vor hem ende sine nacomelinghe ons ende onsen rechten erfnamen ghelovet ewelike van desen tollen tote Ghervliet^k' ende tote Ammers^l', dat hi daer en gheenre hande penninghe uyt doen zal jof uyt doen nemen na dien dat onse boden daer in comen te legghen, eer ons jof onsen erfnamen jof boden vorscreven jaerlix zestehalf hondert march ghenghe ende gaver Coelscher penninghe te vollen vergouden sijn, sonder arghen list, tote alsulken daghen als voer sproken es; ende wat cost onse boden doen zullen tote hem te comen om onse ghelt, waer dattet hem ghebrake in den tollen daert ons ghewiset es, dien^m' cost soude die grave vors. ghelden alse verre als hi redelike ware na den belope der tijt van den lande, sonder onsen jaerlixen renten vorscreven yet te verminderen, sonder arghenlist. Ende hier bi zoe sijn alle dinghe vereffent tuschen onsen lieven neve den grave van Heynegouwen^n' ende van Holland^o' vors. ende sine nacomelinghen ende ons ende onsen nacomelinghen ende rechten erfnamen tote desen daghe toe van huden, oec warof datse roren^p'; ende scelden hem ende sinen naecomelinghe^q' vor ons ende vor onsen naecomelinghen^r' ewelike daer of quite. Ende waer dat zake dat dese lettre in enigher manieren ghearghert^s' jof verwaerloest worden, zo gheloven wise hem te vernuwen, ende vaste ende ghestade te houden al dat hier vorscreven es.

In orconde etc. Ghegheven des zonnendaghes nae sente Victors^t' dach int jaer ^u' XXV^o.