Registers van de Hollandse grafelijkheid 1299-1345

Graaf Willem III verklaart zijn knaap heer Wouter Bau, wisselaar te Mechelen, 2.200 pond Tournois schuldig te zijn, welk bedrag hij belooft binnen twee jaar te zullen terugbetalen, in verband waarmee hij elf met name genoemde borgen noemt die bij niet naleving van die termijn in persoon of via vervangers te Mechelen in leisting zullen gaan; de borgen zegelen de oorkonde mede.

Vgl. de in het register volgende nrs. ZH 198 en 199.

Wi Willem^a grave etc. ^b maken cont allen luden dat wi scoudich sijn onsen goeden vrient ende trouwen knape heren Wouter Bau, wisselaer van Machelen, die hi vor ons betaelt hevet ende ghefiniert jeghens Palmerijn^c den Lombaert^d van Gorinchem^e ende sine ghesellen, alse van haren Pieter den here van der Lecke diese desen Lombaerders^f vorscreven scoudich was ende wise hem jeghens desen Lombaerders^g of deden bi heren Wouter Bau vors., twie ende twintich hondert pond Tornoyse^h, den ouden groten coninx Tornoyseⁱ of drie Enghelse^j van Engheland^k over zestien penninghe gherekent of payement dat daer jeghens alsoe goit es, wilke somme van penninghe vorscreven wi hebben belovet ende beloven met desen brieve vor ons ende vor onse nacomelinghe heren Wouter Bau vors. jof sinen erfnamen of den zekeren bode die desen brief toghet te betalen van sente Martijns^l messe^m die nu leste verleden es over twie jaren naest comende of binnen viertienachten daer nae naest comende ombegrepen. Ende waer dat zake dat wi des niet en deden, zoe zoude wi vor ons zelven twie ridders, onsen broder heren Janⁿ van Heynegouwen^o here van Byamond^p jof twie ridders vor hem, here Gheraerd^q van Pottes, heren Daniel van der Merewede^r, heren Jan^s van der Dussen, here Jan^t van Steenvoerde^u, here Arnoud^v van Gronevelt^w, onse ridders, jof vor elken ridder twie wel gheboren knapen, Daniel van der Merewede^x, Mathijs Renghers^y sone, Gillijs^z Boudwijns^a' sone, Jan Henrix^b' sone ende Jan ser^c' Gillijs^d' sone, onse knapen, of vor elken knape enen anderen wel gheboren knap^e', doen in comen tote Machelen sonder vermaninghe, aldaer te leesten ende te bliven up onsen cost in eene herberghe daer si hem wisen zullen^f', ende niet van dane te sceyden vor die tijt dat wi jof onse nacomelinghe heren Wouter vors. jof sinen erfnamen jof den zekeren bode die desen brief brenghet vol ende al betaelt hadde die XXII hondert pond Tornoyse^g' vorscreven, met al den coste ende al den scade die si daer omme ghedaen of gheleden hadden metten^h' hoeft ghelde tote haers zelves zegghen, zonder arghenlist.

In kennesse hier of zoe hebben wi desen brief opene bezeghelt met onsen zeghele. Ende wi Jan van Heynegouwen^i' here van Byaumond, Gheraerd^j' van Pottes, Daniel van der Merewede^k', Jan van der Dusse^l', Jan van Steenvorde^m', Arnt^n' van Gronevelt^o', ridders, Daniel van der Merewede^p', Mathijs Reynghers^q' sone, Gillijs^r' Boudwijns^s' f., Jan Henrix^t' sone ende Jan ser^u' Gillijs^v' sone, knapen, om bede ende versoic van onsen lieven here den grave van Heynegouwen^w' ende van Holland^x' vors. maken ons zelven met hem sine borghe ende zakeweldich van deser scout vorscreven, ende elc vor al. Alsoe waer dat zake dat onse here die grave vors. jof sine nacomelinghe niet ene^y' betaelden noch en voldeden dese somme van penninghe vors. tote zulken daghe als vors. es met allen coste ende scade dier up gheleden^z' ware, zoe beloven wi ^a'' bi onser zekerhede ende in goden trouwen dat wi Jan van Heynegouwen^b'' here van Byamond^c'' zelve jof twie ridders vor ons, ende wi ander ridders borghe vorscreven zelve in comen zullen jof vor onser elkerlike zenden twee wel gheboren knapen, ende wi Daniel van der Merewede^d'' ende anders knapen borghe vorscreven zelve in comen zullen jof vor ons elkerlike zenden enen wel gheboren^e'' knape binnen Macheline, onvermaent daer te bliven, niet van dane te sceyden vor die tijt dat heren Wouter Bau vors. jof sinen erfnamen jof den zekeren bode die desen brief toghet vol ende al betaelt ware dese somme van penninghe vorscreven ende alle cost ende scade die sier omme gheleden hadden, ende alle vorwaerde voldaen alse vorscreven es. Ende waer dat zake dat enich van desen borghen vorscreven storve jof ghebrake vor die tijt dat dese summe van penninghen vors. vol ende al betaelt ware ende alle vorwaerde voldaen als si vorscreven sijn, zoe beloven wi Willem^f'' grave van Heynegouwen^g'' ende van Holland^h'' vors. dat wi enen anderen borghe alsoe goit zetten zullen in sinen stede, die verbonden si in alre maniere als onse ander borghe vorscreven sijn.

In kennesse hier of ende om die mere zekerhede zoe hebben wi^i'' Jan van Heynegouwen^j'', here van Byamond^k'' ende anders alle dese borghe vorscreven met onsen lieven here den grave vors. desen lettre open beseghelt met onsen zeghelen bi den zinen. Ghedaen ende ghegheven tote Valenchien^l'' des donresdaghes nae sente Martijns^m'' dach in den winter int jaer ons Heren M CCC ende^n'' XXV^o.