Registers van de Hollandse grafelijkheid 1299-1345

Graaf Willem III belooft dat hij de twaalf met name genoemde mannen die voor hem borg zijn geworden voor de 2.200 pond Tournois die hij heer Wouter Bau, wisselaar te Mechelen, schuldig is, schadeloos zal houden.

Vgl. de in het register voorafgaande nrs. ZH 197 en 198.

Wi Willem^b grave ^c etc. maken cont allen luden^d. Want onse lieve ende ghetrouwe here Jan van Heynegouwen^e, here van Byaumond, onse lieve broder, here Gheraerd^f van Pottes, haer Daniel van der Merewede^g, here Jan van der Dussen, here Jan van Steenvoerden^h, haer Arntⁱ van Gronevelt^j, ridderen, Daniel van der Merewede^k, Willem^l onse camerleng, Mathijs Reynghers^m f., Gillijsⁿ Boudwijns^o sone, Jan Heynrix^p sone ende Jan ser Gillijs^q sone, knapen, onse borghen gheworden sijn jeghens haren Wouter Bau wisselaer van Macheline^r, onsen trouwen knape, alse voer twie ende twintich hondert pond Tornoyse^s, den ouden groten coninx Tornoyse^t of drie Enghelse^u van Engheland^v over zestien penninghe gherekent jof payement dat daer jeghens alsoe goit es, te betalen heren Wouter voers. jof sinen erfnamen jof den zekeren bode die den brief brenghet die si beseghelt hebben onse borghe vorscreven van sente Martijns^w messe^x die nu leste leden es over twie jare naest comende jof binnen viertien nachten daer nae naest comende ombegrepen; jof betaelden wi up die tijt niet, zoe zoude hare Jan onse broder jof twie ridders vor hem, ende elc ridder vorscreven jof twie wel gheboren knapen vor hem, jof elc knaep vorscreven jof een wel gheboren knaep voer^y hem, in comen te Machelen^z sonder vermaninghe, ende daer te leesten up onsen cost ter tijt toe dat heren Wouter vorseyt van den vorscreven ghelde ende cost dier up ghinghe voldaen ware, alsoe alse die brief houd die onse borghe vorscreven met ons daer of beseghelt hebben. Zoe hebben wi onse borghen vorscreven ghemenelike ende elken bezonder van desen ghelde vorscreven, ende van allen cost ende scade die hem daer of comen mach, ghelovet ende gheloven met desen brieve scadeloes te quiten.

In orconde etc. Ghegheven in Middelburch^a' up sente Katerinen^b' dach int jaer ons Heren M CCC XXV^o.