Registers van de Hollandse grafelijkheid 1299-1345

Graaf Willem III beleent jonkvrouw Aleid van Barendrecht, echtgenote van Engebrecht van Voorschoten, met de korentienden en smaltienden in Riede die hem waren toegevallen na het overlijden van haar vader Gijsbrecht heer Jansz. van Zwijndrecht; voorts regelt hij de vererving van dit leen.

Wi Willaem grave van Henegouwen^b etc. maken cond allen luden. Want Ghizebrecht heren^c Jans sone van Swindrecht^d van ons helt te liene corentienden ende smaltienden gheleghen in Riede, die ons ane bestorven waren bi Ghizebrechts doet voers., zo hebbe wi joncfrou Aleyden van Barendrecht^e zire zuster, Enghebrechts wive van Voerscoten^f, alsulke gratie ghedaen dat wi haer die tienden voers. verliet hebben ende verlien ten rechten liene van ons te houden, in deser manieren: dat dese tiende voers. na haerre doet comen zullen op die kinder die si winnen zel bi Enghebrecht^g voerscreven op den ousten sone, of op die ouste dochter waerd dat si ghienen sone en wonne; ende ward dat si storve zonder kint bi Enghebrecht^h te winnen, so soudet comen up den ousten zone die si na haer liete, also alse recht lien scoudich es tegaen.

In orkonde etc. Ghegheven in die Haghe des zonnendaghes voer sinte Jans misse te middezomer int jaer ons Heren M CCC zes ende ⁱ twintich.