Registers van de Hollandse grafelijkheid 1299-1345

Graaf Willem III beleent Beatrijs, echtgenote van Willem Tielmansz. uten Campe, met een lijftocht van 8 morgen land op de Haar in het gerecht van Gorinchem, welk goed Tielman van hem in leen houdt.

Vgl. nrs. ZH. 50 en 223.

Wi Willaem^a grave etc. doen cont allen den ghenen die desen brief sullen zien ofte horen lesen dat wi verliet hebben ende verlien Beatrisen^b Tielman Willems^c soens wijf uten Campe hoere lijftocht ane acht morghen lands die in den ghericht van Gorichem^d gheleghen sijn op die Hare, die die selve Tielman van ons houdt.

Ende om dat wi willen dat hore dit vast ende ghestade si, so hebben wi desen brief ^e open doen beseghelen met onsen zeghele int jaer ons Heren dertien hondert ende ses ende twintich op sinte Jans dach Baptiste te midde zomere.