Registers van de Hollandse grafelijkheid 1299-1345

Graaf Willem III schenkt Fie Gerardsdr. van Wieldrecht, non in Rijnsburg, voor de duur van haar leven een jaarrente van 7 pond Hollands, op te brengen uit de pacht van 8 pond Hollands uit 20 hoeven veengrond geheten de Sprang die haar broer Nicolaas Gerardsz. hem jaarlijks schuldig is; mocht zij door Nicolaas of de volgende pachter niet op tijd betaald worden, dan zal de baljuw van Zuidholland voor haar de gelden innen.

Vgl. nr. WI 298.

Wi Willaem^a grave etc. maken cont allen luden dat ^b wi Fien Gherijts ^c dochter van Wildrecht, die te Reynsburch in den cloester es, ghegheven hebben ende gheven seven pond Hollands^d des jaers, yenen^e groeten ^f Tornoyse^g voir achte penninghe gherekent jof peyment dat also goet es, alleyaer te sinte Maertijns misse te betalen in den winter^h alsoⁱ langhe als sij^j levet, ende dair tenden sullen die renten voirscreven vri an ons comen; wilke renten wi hoir bewisen in te nemen van achte ponden Hollands^k zjaers die ons Clais^l Gherijts zone voirs., hoir broder, sculdich es ellix jaers tote sinte Maertijns misse van twintich hoeven moers die die Spranghe hieten, ende hi van ons in enen erfpacht hevet. Ende so wat Clais^m jof die na him besitter woert van desen twintich hoeven der voirseyder Fienⁿ jaerlix ghevet tote seven pond Hollands^o toe, des sellen wi hem ghewaert houden; ende waer dat sake dat mense hoir niene ghave toet harer tijd voirscreven, so bivellen^p wi onsen baeliu van Zuidholland^q, oec wie hi si, dat hise hoir uut pande alle yare ende hebben doe, sonder ander ghebot van ons dair of te hebben.

In orcunde desen brieve beseghelt met onsen zeghel^r. Ghegheven toet Sinte^s Gheerden berghe des donresdaghes na sinte Jans dach int jaer ons Heren M^o CCC^o ses ende twintich.