Registers van de Hollandse grafelijkheid 1299-1345

Graaf Willem III beleent Jan de Kok van Wordragen met het huis en de hofstede te Wordragerweide in het ambacht Ammerzoden, welk goed deze hem in vrij eigendom had opgedragen.

Wi Willaem^a grave van Heynnegouwen^b etc. maken cond allen luden dat ons Jan die Cocke van Wordraghen^c ons op ghedraghen hevet sijn huys ende sine hofstat tote Wordraghen^d weyde binnen den achterdijc in rechten eyghen, legghende in den ambochte van Ammershoye, wilc huys, land ende hofstede voirscreven wi verliet ende verlient hebben Janne den Coc^e voirs. van ons ende van onsen nacomelinghen in rechten erfliene te houde, ende te verherwaden^f met enen groten gulden.

In oirkonde etc. Ghegheven tote Sinte Gherden^g berghe^h des manendaghes voir meye dach int jaer ons Heren M^o CCC^o zeven ende twintich.