Registers van de Hollandse grafelijkheid 1299-1345

Graaf Willem III beleent heer Arnoud van Heukelum, ridder, met de goederen in Tieselenswaard die hem daartoe waren opgedragen door Jan Wissenz. uit Duiveland, welke goederen eertijds van heer Willem van Wijtvliet waren; voorts regelt hij de vererving van het leen.

Vgl. nr. ZH 273, alsmede nr. ZH 27.

Wi Willaem^a grave ^b etc. maken cond allen luden^c dat Jan Wissen sone ute Duveland^d voer ons quam ende voir onsen ghetrouwen mannen den here van der Lecke ende heren Janne van den Zile, ridders^e, ende droch ons op al sulc goed als hi hadde in Tieselijns wairt^f dat heren Willaems^g van Wijfvliet was ende die brief hout dair dese doir ghesteken es, tot heren Arnouds behoef van Hoeclem ons trouwen ridders, wilc goed voirscreven wi verliet ende verlien heren Arnoude voirs. ende sinen nacomelinghen van ons ende van onsen nacomelinghen te houden te leene, in manieren dat na siere doet comen zal op sinen outsten sone dien hi hevet bi Gertruden^h sinen wive, heren Willaemsⁱ dochter van Wijfvliet voirs., ende storve die sonder wittachtighen sone dat comen soude up heren Arnouds ander sone, ende also van den enen kinde op tander, wart sone, wart dochter, die hi hadde bi ver Gheertruden voirs., ende dair tenden ten rechten liene; ende gheloven heren Arnoude voirs. in desen goede te houden in allen manieren alse die brief hout voirscreven.

In orkonde etc. Ghegheven tote Dordrecht^j des manendaghes na sinte Jacobs dach int jaer ons Heren M CCC zeven ende twintich.