Registers van de Hollandse grafelijkheid 1299-1345

Graaf Willem III schenkt zijn knaap Dirk Jan Plaistriersz. het schroodambacht te Dordrecht dat was vrijgekomen door de dood van Jan Oom, aangezien Dirk op basis van een eerdere schenking de eerste van alle rechthebbenden was.

Wi Willaem grave van Heynnegouwen^b etc. maken cond etc. Want wi Dieric^c Jan Plaistriers^d zone ons knapen hier voermaels^e ghegheven hebben met onsen opene brieve ene van onsen scroid ambochten te Dordrecht^f, dat eirste dat open worde ende verscene, behouden onsen beloiften die wi dair te^g voiren ghedaen hadden alzoe als die brief wel houd die hi van ons heft van den scroid ambocht voirs., ende wi verstaen dat nu ene van onsen scroidambochten te Dordrecht^h open es ende verscenen alze van Janⁱ Oem diere ene hadde ende ghestorven^j es, ende Dieric Jans zone voirs. die eerste es diet sculdich es te hebben van allen den ghenen dien wiet hier voermails beloeft ende ghegheven hebben^k met onsen brieven, zoe hebben wi noch ghegheven ende gheven met desen jeghenwoirdighen brieve Dieric^l Jan Plaistriers^m zone ditⁿ voirseide scroidambocht dat bi Jan Oems doit open es ende verscenen wair^o; ombieden ende ghebieden allen onsen scroiders van onser stede van Dordrecht^p dat zi Dieric voirs. ontfaen toit horen gheselle ende hem mede deelen ende gheven alle renten ende vervalle die verscinen ende vervallen moghen van den scroidambocht voirs., over mids dat Dieric^q voirs. doe alzulken dienst ende arbeid bi hem zelven jof bi den ghenen die hire van sinen weghen toe setten zal als hi^r sculdich es te doene, ende onse ander scroiders dair of doen ende ghedaen hebben, sonder archlist.

In orkonde etc. Ghegheven tote Valenchijn op sinte Symon^s ende Juden avond int jaer ons Heren M^o CCC^o XXVII^o.