Registers van de Hollandse grafelijkheid 1299-1345

Graaf Willem III schenkt Elizabeth van Waarde voor de duur van haar leven 5 pond Hollands per jaar uit de botermaat van Dordrecht.

Vgl. nr. ZH 300.

Wi Willaem grave etc. maken cond etc. dat wi ghegheven hebben ende gheven met desen brieve Lizebetten^a van Wairden toit horen live vijf pond Hollands^b sjaers, tontfaen jairlix van onser botermate tote Dordrecht^c alsoe alst dair of jairlix vervallen sal; ende onbieden onsen rente meister die nu is jof  hier namails wesen sal dat hi Lizebetten voirscreven jairlix betale ende gheve toit horen live, ende niet langher, dese vijf pond Hollands^d voirscreven toit alsulken termine alst ons vervallen sal jairlix van onser botermate voirscreven.

Ghegheven tote Loven des donresdaghes nae Belokene Paisken^e int jair ons Heren M^o CCC^o acht ende twintich.