Registers van de Hollandse grafelijkheid 1299-1345

Schepenen, Raad en gemene poort van Geertruidenberg verpachten Willem van Duivenvoorde, kamerling van graaf (Willem III) van Henegouwen en Holland, alle rechten van alle bunders en wildernis tussen Steelhoven en Oosterhout waarop de stad aanspraak maakt, voor 25 pond Tournois per jaar, totdat de graaf en de hertog van Brabant een regeling zullen hebben getroffen.

De datering van de inschrijving van deze tekst in het register A is afgeleid van de omringende primaire registraties (nrs. ZH 299 en 303).

Vgl. nr. ZH 302.

Wi scepen, Raed ende ghemeene porte van Sinte^a Gheertruden berghe^b maken cond ende kenlic allen luden die desen brief zullen sien ofte horen lesen dat wi onsen goeden vriend Willame^c van Duvoirde^d, camerlenc ons liefs heren sgraven van Heynnegouwen^e ende van Holland^f, ende sinen erfnamen verpacht hebben alle dat recht van alle den buunren^g ende wildert die wi eyschen ende calengierende sien van onser poirte weghen voirnoemt ende gheleghen sien tusken Stienloe^h ende Oisterhouteⁱ alse verre als si ons toe behoeren, elcs jaers omme vijf ende twintich pond Tornoyse^j, enen^k grote coninx Tornoyse^l voir sestien penninghe gherekent, te betalen alle jare te Karsavond toit der tijd toe dat besceyden ende gheeffent es bi onsen lieven here den grave voirnoemd ende bi den hertoghe van Braiband^m jof bi den ghenen die si dair toe voeghen sullen.

In orkonde endeⁿ in kennesse der wairheit hebben wi desen brief bezegheld med onser ghemeenre poirte zeghel. Ghegheven int jaer ons Heren M^o CCC^o XXVII des sonnendaghes nae sinte Marcus^o dach ewangheliste.