Registers van de Hollandse grafelijkheid 1299-1345

Graaf Willem III verpacht heer Willem van Duivenvoorde, heer van Oosterhout, 15 hoeven moerland en wildernis bij Waalwijk voor een bedrag van 18 groten Tournois per hoeve per jaar.

Wi Willaem^a grave van Heynnegouwen^b etc.^c maken cond allen luden^d dat wi hebben verpacht onsen trouwen man heren Willame^e Duvenvoirde, here van Oisterhout^f, vijftien hoeven moers lettel mijn of meer legghende tuysken Jans ambocht van der Zijdwinde ende Waelwiker kerke ende tuysken die Bysoye ende die Spranghe, elke hoeve omme XVIII grote Tornoyse^g, jaerlix te betailen toit onser Vrouwen lichtmisse^h; ende desen voirscreven moeurⁱ ende wildert hebben wi verpacht heren Willame^j voirscreven ende sinen erfnamen in alle der manieren ende in allen den rechte dat Steven van Wailwijc^k ende Pieter Wairt^l hoiren moeur houden ende verghieden alse voirs. es, ende gheloven him ende sinen erfnamen te wairne desen voirs. moeur in allen manieren alse voirs. es ende vriheden jeghens elken man. Ende den^m ersten pacht van desen voirscrevenⁿ goide zel hair Willaem^o voirs. betailen van onser Vrouwen lichtmisse naist comende over een jair.

In oirkonde etc. Ghegheven toit Sente Gherden^p berghe^q des zonnendaghes na sente Servaes^r dach int jaer ons Heren M^o CCC^o XXIX^o.