Registers van de Hollandse grafelijkheid 1299-1345

Graaf Willem III bevestigt dat met zijn toestemming Jan van der Dussen, knaap, verschillende grafelijke leengoederen in Arnoudswaard als lijftocht heeft geschonken aan diens echtgenote jonkvrouw Baarte, dochter van Arnoud van den Dorp; voorts regelt hij de vererving van de lijftocht.

Wi Willaem^b grave van Heynnegouwen^c etc. maken cond allen luden^d dat Jan van der Dussen, onse trouwe knape, voir ons quam in der jeghen woirdichede van onsen mannen ende maecte bi onsen wille ende mit onser hand joncfrou Bairten Arnouds dochter van der Dorp^e, sinen wive, toit haire lijftocht alsulc goid als^f hi van ons houd, dat hier na volghet: in den ersten een stuc lands legghende in Arndswairt^g datmen hiet den Groeten^h Polre, ende houd omtrent XXII morghen lands; item dat vere in Arnds wairdⁱ; item die viskerie in Arndswaird^j op die Mase^k; item in Jans ambocht voirs. tote Mulkerke I stuc lands dair Heyne Penning nu op wonet, leghende tuysken Jans kinder land van Malland ane der ^l ere syde ende Lisebet^m Staten ane der ander side, ende hout omtrent elf morghen lands met werve ende huysinghe diere op staen; item die gruyte tote Muylkerke; item dat ambocht vanⁿ Arndwairt^o; in der manieren, ware dat si enen erfsone hadde bi Janne voirs. na siere doet, so soude die sone dat ambocht volghen ende houden van ons, ende haire lijftochte also vele dair of minderen. Ende in deser lijftocht zo zullen wi joncfrou Bairten voirscreven houden doen ende ghewairen na den rechte ende coustume van onsen lande.

In oirkonde etc. Ghegheven te Sente Gherdenberghe^p des woensdaghes na sente Servaes^q dach int jaer ons Heren M^o CCC^o XXIX^o.