Registers van de Hollandse grafelijkheid 1299-1345

Twaalf met name genoemde personen beloven in Dordrecht als gijzelaars te zullen gaan inliggen wanneer de heer van Putten niet binnen veertien dagen na ontvangst van de uitspraak van graaf (Willem III) van Holland de laatstgenoemde schadeloos zal hebben gesteld voor de misdrijven die hij of zijn mannen zouden hebben gepleegd met betrekking tot het vee op de vanwege het gemene land verhuurde avelingen, de zoutketen, en de moerdijken die zij te dicht bij het grafelijke gemene land hadden gelegd.

MNW s.v. avelinge: 'de strook lands ter zijde van den dijk, die bij den dijk behoorde, en door de dijksloot van de aangrenzende akkerlanden was afgescheiden'.

Wi Jan Alaerds^a sone bailiu van den lande van Putte ende van Striene, Jacob Gheraerds^b sone rentemester van den lande voirs., Arnoud^c Boudijns sone van Wieldrecht, Dieric Hughen sone, Heyne Arnouds^d f.^e, Jan die Coper, Ghise Stevens f.^f, Willlaem^g Willaems^h sone, Zoetman Gheraerdsⁱ f.^j, Allaerd^k Gheraerds^l sone, Hughe Loef ende Clays Eliaes soen maken cond allen luden dat wi ghelovet hebben alle ghesamender hant Arnoud^m van den Dorpe, bailiu van Suithollandⁿ, tote des graven behoef van Holland^o alle broke die die here van Putte of sinen lude mesdaen mochten hebben an die beste die ghehalt^p worden uyt avelinghe^q die die heemraeds uyt den Groten^r Wairde verhurt hadden van des meenslands weghen, ende an die kerrekoten, ende an die moerdike also verre als si den grave voirs. jof sinen menenlande te na ghedolven hebben, dat die here van Putte den grave van Holland^s dat verbeteren sal toit sijns selves segghen jof toit sinen wille binnen viertiendaghen dair na dat die grave in Holland^t jof in Zeeland coemt; ende waer dat sake dat die here van Putte binnen dien viertien daghen^u voirscreven^v sgraven wille voirscreven niet en hadde jof sijn segghen niet en helde als voirscreven is, so souden wi voerghenomde^w persoen^x des anders daghes na dien viertiendaghen onvermaent in comen Tordrecht^y te Godscals^z Wissen soens als ghisels, ende niet uyt Dordrecht^a' te sceyden den grave van Holland^b' en ware voldaen als hier voirscreven is, ende den wairt vol te doene van sinen coste, ende des niet te laten bi onser trouwen ende bi onser sekerhede. Ende alle dinghen voirscreven sullen wesen^c' sonder archlist.

In orkonde desen brieve beseghelt mit onsen seghel; ende want wi Jan die Coper ende Soeteman voirghenoemd gheen seghel en hebben, so hebben wi ons verwilcoirt alre saken voirs. onder die seghele der voirghoemder persoen^d', ghelijc jof wijt selve beseghelt hadden. Ghegheven int jaer ons Heren M CCC^o ende dortich, des sonnendaghes op sente Jans dach mid somer.