Registers van de Hollandse grafelijkheid 1299-1345

Graaf Willem III, die aan de jonkvrouwen Harburch Tasse en Aleid, kinderen van heer Jan van Brandenburg, ridder, in totaal 2.500 pond Tournois schuldig is, kent hen jaarlijks 250 pond Tournois toe uit de tol van Ammers, uit te keren totdat de schuld zal zijn afbetaald, welke jaarrente door jonkvrouw Harburch en Aleid met zijn toestemming als een lijftocht wordt geschonken aan hun moeder vrouw Jutte, vrouwe van Brandenburg, met de bepaling dat dezen aan haar 250 pond Tournois per jaar zullen uitkeren uit andere opbrengsten vanaf het moment dat hij de genoemde 2.500 pond heeft afbetaald.

De oorkonde ontbreekt in het kopie-register B. De cancellering in A was derhalve al geschied toen dit gedeelte van B werd geschreven, hetgeen waarschijnlijk gebeurde tussen 1331 april 24 en 1334 juni 10. Deze cancellering zal samenhangen met de heruitvaardiging van deze oorkonde, in licht gewijzigde vorm, in oorkonden van 23 en 24 april 1331; zie nrs. ZH 384 en 385.

Wi Willaem^a grave etc. maken cond allen luden dat wi sculdich sien joncfrou Harburch Tasken ende Aliden, heren Jans kinderen van Brandenburch ridders, XXI^C lb. zuarter Tornoyse^b, enen^c groeten over sestien penninghe gherekent, dair si onse opene brieve of hebben ende onser borghe; voirt sien wi hem sculdich vier hondert pond, payements voirs., die wi hem over scoud bewijst hadden ende wi selve innemen deden heren Janne onsen capellaen. Over wilke vijf ende twintich hondert pond Tornoyse wi bewisen joncfrou Harburch Tasken ende Aliden voirscreven dordalf hondert pond Tornoyse sjaers, payements voirscreven, hem die tontfane jaerlix ute onser tolne tAmmers, die ene helft te sente Martijns^d misse in den winter^e ende die ander helft te sente Pieters daghe inghaende lenten^f, ende die erste termijn ende dat erste payement sullen in ghaen te sente Martijns misse in den winter int jaer van XXXI^o ende die ander dair na te sente Pieters misse inghaende lenten, ende also voirt van jare te jare; mair so wilke tijd dat wi hem gheven dese voirs. XXV^C lb. Tornoyse, so sullen si ons alle onse brieve, beyde desen ende die andere, wedergheven ende dese III^C lb. Tornoyse sjaers sullen quite wesen. Ende ombieden onsen rentemeester van Suitholland^g die nu es jof namaels wesen sal dat hi desen joncfrou voirs. dese II½^C lb. Tornoyse sjaers uyt reke ende betaile ter tijd toe dat wisse lossen alse voirscreven. Voirt hebben joncfrou Harburch ^h ende Alijd voirscreven ⁱ bi onsen goedenken ghemaket veren Jutten hare moeder, den vrouwen^j van Brandenburch, tote hore lijftocht dese dordalf hondert pond Tornoyse^k sjaers voirs. in sulker manieren: wair dat wi die XXV^C lb. betailden heren Jans kinderen voirscreven, so souden si joncfrou Jutten hore moeder II½^C lb. Tornoyse sjaers elwair bewisen toit hare lijftocht, dair si wel in bewaert ware ende hoir ghenoeghede^l, ende wi souder of verdraghen ende quite wesen.

In oirkonde etc. Ghegheven Tordrecht^m op Alreheylighen avond int jaer ons Heren M^o CCC^o XXX^o.