Registers van de Hollandse grafelijkheid 1299-1345

Graaf Willem III verkoopt de goede lieden wonend in het ambacht Raamsdonk de overmaat, zoals die aldaar is gevallen bij de laatste opmeting, uitgezonderd zijn buitendijkse landen en dijken; voorts schenkt hij hun de vrije afwatering van de betreffende gronden.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nr. ZH 332. – Vgl. voorts nrs. ZH 374 en 376-377.

Wi Willaem^a grave etc. maken cond etc. dat wi vercoft hebben onsen goeden luden ghemeenlike die wonachtich sien ende gheervet sien in den ambocht van Raemsdonc alsulke overmate als dair ghemeten was doemen dair achterste mat, dair die mate of beghonde int oystende van den ambochte voirnoemd streckende van der Donghe toter Mase dike toe ende voirt van der eenre Donghe toter ander Dongha^b toe, behoudelijc ^c onser uytlande ende ons dijx alst tote hair comen es; ende dese voirs. overmate alse^d groet ende alse^e cleyne alse dair ghevallen es zullen wi ende onse nacomelinghe hem ende den ghenen die na hem comen sullen^f waren alse een vri eyghen erve, ende dair of en zullen si^g diken noch damme. Voirt zo gheven wi hem enen waterganc dat erve te wateren vrilike dair hoir ander erve water^h, sonder horen cost; ende dat wi noch onse nacomelinghe nimmermer gheen ⁱ overmate mer hebben en sullen binnen desen palen voirscreven, sonder archlist.

In orkonde etc. Ghegheven toit Sente Gerden^j berghe des satersdaghes voir ^k onser Vrouwen dach verholen^l int jaer ons Heren M CCC ende dortich.