Registers van de Hollandse grafelijkheid 1299-1345

Graaf Willem III verleent de inwoners van de ambachten 's-Heer-Aartsberg en Bergambacht, Nieuwe Kadijk, Koolwijk, Stolwijk en Het Beiersche, voorzover vallend onder de ambachten van heer Jan heer van Arkel, ridder, en diens broer Jan, het recht dat zij voor doodslag en verminking niet gedwongen kunnen worden borgtocht te betalen; zij dienen wel het rechtmatige zoengeld te voldoen.

Vgl. nr. ZH 386. Zie ook de kopnoot aldaar, over het moment van registratie.

Wi Willaem^b grave etc. maken cond etc. dat wi mid goeder jonste ghegheven hebben ende gheven mid desen brieve onsen ghetrouwen luden die wonachtich sien jof wonachtich worden sullen binnen Berghen ende Berch ambocht^c, van den Niewen caedijc, van Coelwijc^d, van Stolwijc^e ende van Beyers roden, also verre alse desen voirs. ambochten toe behoren onsen trouwen ridder heren Janne here van Arkel ende Janne sinen broeder, ende hebben hem sulke gracie ghedaen als hier na bescreven staet eweliken durende: dat soe wie die wonet nu ter wilen^f of namaels sal comen wonen binnen den ambochten voirscreven, die en sal en ghene borchtochte van doitslaghe noch van leemten mid ghenen rechte noch bi bedwanghe worden ghewonnen, hi noch sijn goed, wart gheleghen es binnen onsen lande van Zuitholland^g, hi en wil borghe worden mid sinen vrien wille, maer hi sal sinen maghen gheven hore rechte machsoene, dats te verstane elken achtersuster kind V s. Hollands^h ende elken mach dair na gherekent also als hi dair in gheboren es.

Ende om dat wi willen dat desen voirs. luden dese voerscreven gracieⁱ ewelike^j wel ghehouden worde hem ende allen den ghenen die na hem comen sullen ende wonachtich sullen sijn in den ambochten voirscreven van ons van onsen nacomelinghen ende van allen den ghenen ende onser nacomelinghe voeren sullen, so hebben wi desen brief dair^k op ghegheven open bezeghelt mid onsen seghel. Ghegheven tote Sinte Gherden^l berghe des donresdaghes voir sente Marien Magdalenen dach int jaer ons Heren M CCC^o ende XXX^o.