Registers van de Hollandse grafelijkheid 1299-1345

Graaf Willem III gelast Jan heer Gillisz., rentmeester van Zuidholland, dat hij Dirk van Waardhuizen op 11 november eerstkomende 100 pond Tournois uitkeert wegens trouwe dienst door hem en zijn ouders geleverd, en wegens het feit dat hij zijn ouders in grafelijke dienst heeft verloren.

Wi Willem^a grave etc. ombieden u Jan ser^b Gillijs f., onsen rentemeester van Zuytholland^c, dat ghi van onsen weghen ghevet te sente Martins^d messe in den winter^e naist comende Dieric van Waerthuzen^f hondert pond Tornoize^g omme trouwen dienst die sijn ouders ons ghedaen hebben ende hi ons noch doen zal, ende omme verlies van sinen ouders die hi in onsen dienste verloren heeft; ende van also vele sullen wi u quiten in juwer eerster rekeninghe mid desen brieve bezeghelt mid onsen zeghel.

Ghegheven te Sente^h Gherden berghe des dinxendaghes voir sente Jacobs dach int jaer ons Heren M^o CCC^o een ende dortich.