Rijmkroniek van Holland (366-1305)

vanwege ruimtegebrek boven de laatste e het afkortingsteken 9 (hier wel voor s) hier een doorgestreepte g tussen D en e een brede spatie, vanwege een beschadiging van het perkament e verbeterd uit iets anders hier an doorgestreept in hem de e verbeterd uit iets anders, mogelijk een i, en de eerste d van dienden verbeterd uit een letter beginnend met rechte stok in de marge vóór de lombarde een representant n wes achter de volgende regel een kleine spatie tussen de letters g en u vanwege gaatjes in het perkament de abbreviatuur een niet afgemaakte afkortingsstreep mede met de eind-e doorgestreept en de d verbeterd tot t Want met de letters ant geëxpungeerd en met rode inkt doorstreept, en elc erboven geschreven tussen moch en te een spatie vanwege gaatjes in het perkament

Vergelijk regels 10029 tot en met 10104

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
10029			Die onscamele achtens niet		Die onscamel achtens niet		De ontscamele en achtens niet
10030			Watmen hoert of siet		Watmen hoert ofte347 siet		Wat men hoert of wat men siet
10031			Hine scamets hem niet sijts ghewes612		Hine scames hem niet sijts ghewes		Hine scamets hem niet des sijt ghewes344
10032			Trec hem an die sculdich es		Trect an hem dies sculdich es		Trechke hem an dies scoudich es
10033	VII 1005		Manlic kent hem seluen wale		Manlijc kent hem seluen wale		Mallic kent hem zeluen wale
10034			Nu keer ic ter eerster tale		Nv keer ic ter eerster tale		Nv keric weder ter eerster tale
10035		¶	Nu ist hier aldus vergaen	¶	Nu ist hier aldus vergaen		NV eist hier aldus vergaen
10036			Als die graue613 heuet verstaen		Alse die graue heuet verstaen		Alst de graue heeft verstaen
10037			Jn henegouwen daer hi was		Jn henegouwen daer hi was		Jn 345 henegouwen daer hi was
10038	VII 1010		Dancte hi onsen here das		Dancte hi onsen here das		Dancti onsen here das
10039			Ende peynsde also houde		Ende peinsde alsoe houde		Ende pensede also houde
10040			Datti hi in hollant varen soude		Dat hi in hollant varen soude		Dat hi in hollant varen soude
10041			Ende setter an sijn ghedochte		Ende setter an sijn ghedochte		Ende setter an sijn ghedochte
10042			Ende quam daer in als hi eerst mochte		Ende quam daer in als hi eerst mochte		Ende quammer in als hi eerst mochte
10043	VII 1015		Als hi comen was int lant		Alse hi comen was int lant		Als hi comen was int lant
10044			Sette hi toe alte hant		Sette hi toe alte hant		Sette hi doe alte hant
10045			Ende sprac an sine vrienden		Ende sprac an sinen vrienden		Ende sprac an sine vriende
10046			Ende bat elken dat hi hem diende		Ende bat elken dat si hemdienden348		Ende bat elken dat hi hem diende
10047			Die vrient waren teser noet		Die vrient waren teser noot		Dien vrient waer teser noet
10048	VII 1020		Ende deder om bede groet		Ende deder om bede groot		Hi deder om bede groet
10049			Om sinen broeder te kiesen recht		Om sinen broeder te kiesen recht		Om sinen broeder te kiesene recht
10050			Te wesen bisscop van vtrecht		Te wesen bisscop van vtrecht		Te sijn bisscop van vtrecht
10051			Het gheuiel als hi begherde		Het gheuiel als hi begaerde		Het gheuiel als hi begherde
10052			Dattet luttel yement werde		Dat het luttel yement waerde		Datten lettel yement werde
10053	VII 1025		Dus wart her ghye bisscop ghecoren		Dus wart her ghye bisscop ghecoren		Dus was her ghye bisscop ghecoren
10054			Ende besat al sonder toren		Ende besat al sonder toren		Ende beset al sonder toren
10055			Dat bisscopdom weetmen wale		Dat bisscop doem weet men wale		Dat bisscopdoem weet men wale
10056			Wat helpt hier of lange tale		Wat hulpt hier af langhe tale		Wat holpe hier of langhe tale
10057			Alse die broeders hadden bede		Alse die broeders hadden bede		Als dese twee broedere hadden beide
10058	VII 1030		Dese twee landen in hare gelede		Dese twee landen in hare ghelede		Dese twe lande in haer gheleide
10059			Stont mallic anderen614 doe in staden		Stont manlijc anderen doe in staden		Stont mallic andren doe in scaden
10060			Bede met615 rade ende met daden		Bede met rade ende met daden		Bede met rade ende met daden
10061			Dus mochten si te bet gheduren		Dus mochten si te bet ghedueren		Dus mochten si te bet gheduren
10062			Welc616 van hem tween mochte617 geburen		Welc van hem tween mochte ghebueren		Welc van hem tween mochte ghebueren
10063	VII 1035		Datti woude varen sire straten		Dat hi woude varen sire straten		Dat hi woude varen siere straten
10064			Die mochte doe den anderen laten		Die mochte doe den anderen laten		De mochte doe den anderen laten
10065			Jnden lande in sire steden		Jnden lande in sire steden		Jn den lande in sijnre steden
10066			Diet al hilde in goede vreden		Diet al hilden in goeden vreden		Diet al hilden in goeden vreden
10067			Dus gheuelt so dattie graue		Dus gheuielt soe dattie graue		Dus gheuielt so dattie gracie
10068	VII 1040		Weder achter wart trac aue		Weder achter waert trac aue		Weder achter waert trac aue
10069			Ende voer te henegouwen waert		Ende voer te henegouwen waert		Ende voer te henegouwen waert
10070			Jan sijn sone bleef andie vaert		Jan sijn sone bleef an die vaert		Jan sijn sone bleef ande vaert
10071			Jn hollant ende berechte dat		Jn hollant ende berechte dat		Jn hollant ende berechte dat
10072			Die bisscop die bleef indie stat		Die bisscop die bleef in die stat		De bisscop bleef inde stat
10073	VII 1045		Ende willem bleef in zeelant		Ende willem bleef in zeelant		Ende willem bleef in zeelant
10074			Daer na gheuiel alte hant		Daer na gheuiel alte hant		Daer na gheuiel alte hant
10075			Dat ian wech voer daer naer		Dat ian wech voer daer naer		Dat ian wech voer daer naer
10076			Jn henegouwen weet vorwaert		Jn henegouwen weet voerwaer		Jn henegouwen weet vor waer
10077			NV hoert hoet hier na verghinc		Nv349 hoert hoet hier na verghinc		NV hoert hoet hier na verginc
10078	VII 1050		Jnden zomer quam die coninc		Jnden somer quam die coninc		Jn den zomer quam de coninc
10079			Van vrankerike in vlaender lant		Van vrankerike in vlaender lant		Van vrancrike in vlaendren lant
10080			Ende het ghinc hem al in hant		Ende het ghinc hem al in hant		Ende het ginc hem al in hant
10081			Bede lant ende steden		Bede lant ende steden		Bede lant ende steden
10082			Ende waren doe in groten vreden		Ende waren doe in groten vreden		Ende waren doe in groten vreden
10083	VII 1055		Dat onlanghe moste staen		Dat onlanghe moeste staen		Dat on langhe moeste staen
10084			Alst also verre was vergaen		Alst alsoe verre was vergaen		Doet also verre was vergaen
10085			Dattie coninc voer te lande		Dattie coninc voer te lande		Dattie coninc voer te lande
10086			Roerde daer ene nuwe scande		Roerde daer een nyewe scande		Roerde daer ene niwe scande
10087			Also alsmen heeft ghehoert		Alsoe alsmen heeft ghehoert		Also als men heuet ghehoert
10088	VII 1060		Datte brugghe indie poert		Datte brugghe in die poert		Datte brugghe in de poert
10089			Die ghemeente wart ontbonden		Die ghemeente wert ontbonden		De346 ghemeente wort onbonden
10090			Ende enen nuwen coninc vonden		Ende enen nyewen coninc vonden		Ende enen niwen coninc vonden
10091			Ende sloeghen des coninx lieden vter poert		Ende sloeghen des coninx lude wter poert		Ende sloeghen sconinx luden vut
10092			Alsmen wel heuet ghehoert		Alsmen wel heuet ghehoert		Ende iaghetse stille ende ouer luut
10093	VII 1065		Die kindren van vlaendren quamen in		Die kindere van vlaenderen quamen in		De kindre van vlaendren quamen in
10094			Ende peynsden om haer ghewin		Ende peinsden om hare ghewin		Ende pensden om haer ghewijn
10095			Dies die meente was wel blide		Dies die meente was wel blide		Des de ghemeente was wel blide
10096			Ende ontfinghense ten seluen tide		Ende ontfinghense ten seluen tide		Ende ontfinghen ten seluen tiden
10097			Van haren ieesten latic staen		Van haren ieesten latic staen		Van haren geesten laet ic staen
10098	VII 1070		Daer om heb ics niet ane vaen		Daer om hebbics niet ane vaen		Daer om heb ics niet ane vaen
10099			Te tellen wat hem daer na gheuel		Te tellen wat hem daer na gheuel		Te telne wat hem daer na gheuel
10100			Watsi daden weetmen wel		Wat si daden weetmen wel		Wat si daden weet men wel
10101			Dus wart vlaendren al in roere		Dus wart vlaenderen al in roere		Dus wort vlaendren al in roere
10102			Ende keerden hem an hare voere		Ende keerden hem an hare voere		Ende kerden 347 hem an haer voere
10103	VII 1075		Datsi ouer een droeghen		Dat si ouer een droeghen		Dat si ouer een droeghen
10104			Ende vele volx versloeghen		Ende vele volx versloeghen		Ende vele volx versloeghen
vorige 50 regels   | volgende 50 regels | Ga naar regel
		612: wes achter de volgende regel 613: een kleine spatie tussen de letters g en u vanwege gaatjes in het perkament 614: de abbreviatuur een niet afgemaakte afkortingsstreep 615: mede met de eind-e doorgestreept en de d verbeterd tot t 616: Want met de letters ant geëxpungeerd en met rode inkt doorstreept, en elc erboven geschreven 617: tussen moch en te een spatie vanwege gaatjes in het perkament		347: e verbeterd uit iets anders 348: in hem de e verbeterd uit iets anders, mogelijk een i, en de eerste d van dienden verbeterd uit een letter beginnend met rechte stok 349: in de marge vóór de lombarde een representant n		344: vanwege ruimtegebrek boven de laatste e het afkortingsteken 9 (hier wel voor s) 345: hier een doorgestreepte g 346: tussen D en e een brede spatie, vanwege een beschadiging van het perkament 347: hier an doorgestreept