Rijmkroniek van Holland (366-1305)

lezing van de t is zeker in de marge vóór de lombarde een representant d lombarde ter hoogte van één regel

Vergelijk regels 10859 tot en met 10908

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
10859			Jnden lande datmen hem riet		Jnden lande datmen hem riet		Jnden lande dat men hem riet
10860			Ende pijnde vriende int lant te maken		Ende pijndem vriende int lant te maken		Ende pijnde hem vreende intlant te maken
10861			Tote dien dat begonde naken		Tot dien dat begonde naken		Tote dien dat begonde naken
10862			Die tijt dat die vrede wt ghinc		Dattie tijt ende vrede wt ghinc		De tijt datte vrede vut ginc
10863	VIII 580		Doe bat hi teser dinc		Doe bat hi te deser dinc		Doe bat hi ter seluer tijt
10864			Den edelen lieden ghemeenlike		Den edelen luden ghemeenlike		Den edelen luden ghemeenlike
10865			Bede die arme ende die rike		Beide die arme ende die rike		Beide arm ende rike
10866			Dat si hem holpen tesen stonden		Dat si hem hulpen te desen stonden		Dat si hem helpen tesen stonden
10867			Op haren cost want hine conde		Op haren cost want hine conden		Op haren cost want hine conden
10868	VIII 585		Nu den cost niet verghelden		Nv den cost niet verghelden		Nv den cost niet volghelden
10869			Dit heeftmen ghehoert selden		Dit heeftmen ghehoort selden		Dit heeftmen ghehoert selden
10870			Dattie wel gheboren liede		Dattie wel gheboren lude		Datte wel gheboerne liede
10871			Ongheleuert ende sonder miede		Ongheleuert ende sonder miede		Ongheleuert ende sonder miede
10872			Dienen den graue tenighen tiden		Dienen den graue tenighen tide		Dienden den graue tenigher tide
10873	VIII 590		Sonder doe. des was hi blide		Sonder doe. des wi blide		Sonder doe des was hi blide
10874			Ende nam den oem met hem te rade		Ende nam den oem met hem te rade		Ende nam den oem met hem te rade
10875			Den biscop. wat hi best dade		Den biscop wat hi best dade		Den bisscop wat hi best dade
10876			Men wart te rade datmen boet		Men wart te rade datmen boot		Men wort te rade dat men gheboet
10877			Ene hereuaert also groet		Ene heeruaert alsoe groot		Ene heeruaert also groet
10878	VIII 595		Alse oyt in hollant was gegheuen		Alse ye in hollant was ghegheuen		Als oyt in hollant was ghegheuen
10879			Ende die oec also bedreuen		Entie oec alsoe bedreuen		Entie oec also bedreuen
10880			Dattie meente al twiuout		Dattie meente al tweeuout		Datte meente al twiuout
10881			Den graue dienden ionc ende out		Den graue diende ionc ende out		Den graue dienden ionc ende out
10882			Ende die edel liede ghemeenlike		Entie edel lude ghemeenlike		Ente edele liede ghemeenlike
10883	VIII 600		Op haren cost arm ende rike		Op haren cost arm ende rike		Op haren cost arm ende rike
10884			Die654 vrede ghinc wt wat wildijs mee		Die378 vrede ghinc wt wat wildijs mee		De vrede ghinc vut wat wilgis me
10885			Ende die porters van zericzee		Entie porters van zierixzee		Ente porters van sirixe
10886			Streken wt ten seluen stonden		Streken wt ten seluen stonden		Streken vut ten seluen stonden
10887			Te blodemborch daer si vonden		Te blodenboerch daer si vonden		Te blodenborch daer si vonden
10888	VIII 605		Lieden die hem ter were setten		Lude die hem te weren setten		Luden de hem ter were setten
10889			Si liepen toe al sonder letten		Si liepen toe al sonder letten		Si liepen toe sonder letten
10890			Ende woeden ouer die gracht		Ende woeden ouer die gracht		Ende woeden ouer de gracht
10891			Ende vochter an met sulker cracht		Ende vochter na met sulker cracht		Ende vochter an met zulker cracht
10892			Dat si boden al wast scande		Dat si boden al waest scande		Dat si boden al wast scande
10893	VIII 610		Die daer op waren al haer hande		Die daer op waren al hare hande		Diere op waren hare hande
10894			Die porters woudense niet ontfaen		Die poorters woudense niet ontfaen		De porters woudse niet ontfaen
10895			Haers danx souder niet .i. ontgaen		Haers dancs souder niet een ontgaen		Haers dancs souder niet een ontgaen
10896			Si hadden hem so lede ghedaen		Si hadden hem soe leyde ghedaen		Si hadden hem so lede ghedaen
10897			Ten lesten ist also vergaen		Ten lesten eest alsoe vergaen		Ten lesten eist also vergaen
10898	VIII 615		Dat sise niet ne verdroeghen		Dat sise niet en verdroeghen		Dat sise niet en verdroeghen
10899			Mer dat sise also versloeghen		Maer dat sise alsoe versloeghen		Maer dat sise also ver sloeghen
10900			Also alsmen gheweten conde		Alsoe alsmen gheweten conde		Also als men gheweten conde
10901			Ende keerden weder ter seluer stonde		Ende keerden weder ten seluen stonde		Ende keerden weder ter seluen stonde
10902			Jndie poert al onghescent		Jn die poort al onghescent		Jn de porte al onghescent
10903	VIII 620		Stappans men doe boden sent		Stappans men doe bode sent		Staphans men doe boden sent
10904			An willem den ionghen here		An willem den ionghen here		An willem den ionghen here
10905			Dat hijt en late in ghenen kere		Dat hijt ne late in ghenen kere		Dat hijt ne late in ghenen kere
10906			Hine quame het ware gewonnen		Hine quame het ware ghewonnen		Hine quame het waer ghewonnen
10907			Want het ware also begonnen		Want het ware alsoe begonnen		Want het es also begonnen
10908	VIII 625		Si hoepten tlant te crigen wale		Si hoepten dlant te crighen wale		Si hopent lant te trighen376 wale
vorige 50 regels   | volgende 50 regels | Ga naar regel
		654: lombarde ter hoogte van één regel		378: in de marge vóór de lombarde een representant d		376: lezing van de t is zeker