Rijmkroniek van Holland (366-1305)

vóór de h een doorgestreepte w d verbeterd uit p tstant met de laatste t geëxpungeerd en uitgeveegd en (tussen t en a) een kleine letter e bovengeschreven in de marge, deels bedekt door de lombarde, een representant d te achter de volgende regel voert met v doorgestreept en geëxpungeerd en n erboven geschreven

Vergelijk regels 11824 tot en met 11873

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
11824			Hi voer weder al thant		Hi voer weder alte hant		Hi voer weder alte hant
11825			Daer hi den anmirael vant		Daer hi den ammierael vant		Daer hiden ammyrael vant
11826	IX 125		Ende seidem vanden lande tstaen		Ende seiden vanden lande tstaen427		Ende seide hem vanden lande staen
11827			Dammirael ghereide saen		Dammierael ghereyde hem saen		Dammirael ghereedde hem saen
11828			Ende quam ten graue al sonder merren		Ende quam ten graue al sonder merren		Ende quam ten graue sonder merre
11829			Hier binnen wast ghegaen so verre		Hier binnen waest ghegaen soe verren		Hier binnen wast ghegaen so verre
11830			Dat her ghye was wedercomen		Dat her ghie was weder comen		Dat her gye was weder comen
11831	IX 130		Met groten here als hi vernomen		Met groten heere als hi ver nomen		Met groten here als hi422 vernomen
11832			Heuet dat graue willem		Heuet die graue willem		Heuet dattie graue willem
11833			Vter poert ontfaren is hem		Wter poort ontfaren es hem		Vter porten ontfaren es hem
11834			Daer hi harde cleen op achte		Daer hi harde clene op achte		Daer hi herde clene vp achte
11835			Ende waent die poert winnen met crachte702		Ende waent die porte winnen met crachte		Ende waende de423 porte winnen met crachte
11836	IX 135		Of dat sise sullen opgheuen		Of dat sise sullen op gheuen		Of dat si se zullen op gheuen
11837			Ende es daer voer liggende bleuen		Ende es daer voer liggende bleuen		Ende is daer voren liggende bleuen
11838			Met groter cracht met sconen here		Met groter cracht met sconen heere		Met groter crachte met sconen here
11839			Die porters setten hem ter were		Die poorters setten hem ter weere		De porters setten hem ter were
11840			Als goede ghetrouwe liede		Alse goede ghetrouwe liede		Als goede ghetrouwe liede
11841	IX 140		Nu hoert wat aldaer ghesciede		Nv hoort wat al daer ghesciede		Nv hoert wat aldaer ghesciede
11842			Her ghye die wort te rade		Her ghye die wort te rade		Her gye de wort te rade
11843			Datmen niet bet en dade		Datmen niet bet en dade		Dat men niet bet en dade
11844			Dan men die hauen ouersloeghe		Datmen die hauen ouersloeghe		Dan men de hauene ouer sloeghe
11845			Ende die vol corens droeghe		Entie vol corens droeghe		Ende de volcorens droeghe
11846	IX 145		Ende enen dijc daer oeuer make		Ende enen dijc daer ouer make		Ende enen dike daer ouer make
11847			So machmen legghen met gemake		Soe machmen legghen met ghemake		So machmen liggen met ghemake
11848			Al om die poert met onsen lieden		Al om die port met onsen lieden		Als omme de porte met onsen lieden
11849			Sprac hijt ende deet ghebieden		Sprac hijt ende deedt ghebieden		Dit seide hi ende deet ghebieden
11850			Datmen droeghe coren toe		Datmen droeghe coren doe		Dat men droeghe coren toe
11851	IX 150		Hadden die porters geweten doe		Hadden die porters gheweten doe		Hadden de porters gheweten doe
11852			Hoe verre si hadden moghen scieten		Hoe verre si hadden moghen scieten		Hoe verre si hadden moghen scieten
11853			Sine haddens niet mogen genieten		Sine haddens niet moghen ghenieten		Sine haddens niet moghen ghenieten
11854			Dat si den dam hadden gheslagen		Dat si den dam hadden gheslaghen		Dat si den dam hadden gheslaghen
11855			Men souder hebben wech ghedragen		Men souder hebben wech ghedraghen		Men souder hebben weech ghedraghen
11856	IX 155		.C. doden ofte mee		Hondert doden ofte mee		Hondert doet ofte mee
11857			So verre scoten si wt zericzee		Soe verre scoten si wte zierixzee		So uerre scoten si vut sirixe
11858			Met ostelen grote pilen		Met oestelen grote pilen		Met hoestelle grote pile
11859			Mer sine wistens niet ter wilen		Maer sine wistens niet ter wilen		Mar sine wistens niet ter wile
11860			Doe die hauen was beslaghen		Doe428 die hauen was beslaghen		DOe de hauene was verslaghen
11861	IX 160		Ende den dam ouer gedraghen		Ende den dam ouer ghedraghen		Ende de dam ouer ghedraghen
11862			Ghinc si logieren op dat velt		Ghinghen si logieren op dat velt		Ghinghen si logieren op dat velt
11863			Ende sloeghen daer haer ghetelt		Ende sloeghen daer haren telt		Ende sloeghen daer haer ghetelt
11864			Also als elc hadde te doene		Alsoe als elc hadde te doene		Also als elc hadde te doene
11865			Oec so sloeghen si hare pawelioene		Oec soe sloeghen si haer paulioene		Sloeghen si haer pauwelioene
11866	IX 165		Ende haren tenten om die poert		Ende haer tenten om die poort		Ente tenten om de port
11867			Die vlaminge laghen recht noert703		Die vlaminghe laghen rechte noort		De vlaminghe laghen rechte voert
11868			Ende die zeelanders in dat zuut		Entie zeelanders in dat zuut		Ente zelanders in dat zuut
11869			Ende maecten dic groot gheluut		Ende maecten dic groot gheluut		Ende maecten dicke groet gheluut
11870			Ende liepen dicke op die grafte		Ende liepen dicke op die grafte		Ende liepen dicke op de gracht
11871	IX 170		Die porters dedense of met crafte		Die porters dedense met crafte		De porters dedense of met crachte
11872			Ende deden hem dicke scade groot		Ende deden hem dicke scade groot		Ende deden hem dicke scade groet
11873			Ende scoten menighen man doet		Ende scoten menighen man doot		Ende scoten menighen man ter doet
vorige 50 regels   | volgende 50 regels | Ga naar regel
		702: te achter de volgende regel 703: voert met v doorgestreept en geëxpungeerd en n erboven geschreven		427: tstant met de laatste t geëxpungeerd en uitgeveegd en (tussen t en a) een kleine letter e bovengeschreven 428: in de marge, deels bedekt door de lombarde, een representant d		422: vóór de h een doorgestreepte w 423: d verbeterd uit p