Rijmkroniek van Holland (366-1305)

Contact

l verbeterd uit h door de tweede haal daarvan te expungeren w verbeterd uit d in de marge vóór de lombarde een representant n i verbeterd uit een bovenschacht hier g doorgestreept lb in eerste instantie mogelijk bedoeld als bb-ligatuur

Vergelijk regels 11872 tot en met 11921

			Handschrift C (ga naar pagina)		Handschrift B (ga naar pagina)		Handschrift A (ga naar pagina)




11872			Ende deden hem dicke scade groot		Ende deden hem dicke scade groot		Ende deden hem dicke scade groet

11873			Ende scoten menighen man doet		Ende scoten menighen man doot		Ende scoten menighen man ter doet

11874			Die vlaminghen op die noert ziden		Die vlaminghe optie noort ziden		De vlaminghe op dier nort siden

11875			Deder voren rechten bliden		Dedender vore rechten bliden		Deder voreren rechten bliden

11876	IX 175		Ende worper mede sware stene		Ende worper mede sware stene		Ende worper mede sware stene

11877			Weghende iij^c pont allene		Weghende. iij^c. pont allene		Weghende drehondert pont allene

11878			Benoerden der hauene stonder twee		Benorden der hauenen stonter twee		Benorder hauene stonder twee

11879			An die zuutzide ende niet mee		An die zuutside ende niet mee		Ande zuut side ene ende niet mee

11880			Binnen hadden si bliden vele		Binnen hadden si bliden vele		Binnen hadden si bliden vele

11881	IX 180		Die nutte waren te sulken spele		Die nutte waren te sulken spele		De nutte waren te sulken spele

11882			Die meester conste mede wale		Die meesters conden mede wale		De meester conster mede wale

11883			Hi warp wt te sulken male		Hi warp wt te sulken male		Hi warp vut te sulken male

11884			Dat hi den steen bestede wel		Dat hi den steen besteede wel		Dat hi den steen bestede wel

11885			Al waren dander meesters fel		Al waren dandere meesters fel		Al waren dander meesters fel

11886	IX 185		Hine spaerder nimmer ⁷⁰⁴ een		Sine spaerden nummer een		Hine spaerde nemmer ene

11887			Alse daer wel enen sceen		Alse daer wel eenen sceen		Als daer wel enen scene

11888			Die hadde gheworpen met sinen werke		Die hadde gheworpen met sinen werke		Hi hadde gheworpen met sinen werke

11889			Enen steen al op die kerke		Enen steen al op die kerke		Enen steen tot opden kerke

11890			Ter iacoppinen indie poert		Ter iacopinen in die poort		Ter iacopinen inde port

11891	IX 190		Als die meester dat verhoert		Alse die meester dat verhoort		Als de meester dat verhort

11892			Dedi den steen halen doe		Dede hi den steen halen doe		Dede hi den steen halen doe

11893			Ende deden in sinen scoe		Ende deden in sinen scoe		Ende deden in scinen scoe

11894			Aldus heb ic onder vonden		Aldus heb ic onder vonden		Aldus hebbict onder vonden

11895			Als dander te haluen hadde ghewonden		Alse dandere te haluen hadden ghewonden		Als dander te haluen hadde ghewonden

11896	IX 195		Trac hi die clinke ende warp wt		Trac hi die clincke ende warp wt		Trac hi de clinke ende werp vut

11897			Die steen maecte groot gheluut		Die steen maecte groot gheluut		De steen maecter groet gheluut

11898			Ende raecte twindaes mitten stene		Ende raecte dwindaes metten stene		Ende raecte twindaes metten steen

11899			Want die worp en was niet clene		Want die worp en was niet clene		Want de worp en was niet cleen⁴²⁴

11900			Twindaes vloech al te sticken		Dwindaes vloech al te sticken		Twindaes vloech alte sticken

11901	IX 200		Ende raecte den meester ende deden nicken		Ende raecte den meester ende deden nicken		Hi raecte den meester ende deden nicken

11902			Op die hant also sere		Op die hant alsoe sere		Vp de hant also sere

11903			Dat hire ghesonde nimmermere		Dat hire ghesonde nummermere		Dat hire ghesonde nemmermere

11904			Ane ghecreech in sinen daghen		An ghecreech in sinen daghen		Ane ghecrech in sinen daghen

11905			Dat mochte hi te rechte clagen		Dit mochti te rechte claghen		Dit mochte hi te rechte claghen

11906	IX 205		Dat hine verloes sine ghesonde		Dat hi verloos sine ghesonde		Dat hire verloes sine ghesonde

11907			Hi mochte vloeken wel die stonde		Hi mochte vloeken wel die stonde		Hi mochte vloeken wel de stonde

11908			Dat ye wart beleghen zericzee		Dat ye wart beleghen zierixzee		Dat wort beleghen zirixe

11909			Het moghen oec claghen lieden mee		Het moghen oec claghen lude mee		Het moghen oec claghen lude mee

11910			Die hare vriende hebben verloren		Die hare vriende hebben verloren		De haer vriende hebben verloren

11911	IX 210		Des si int herte hadden toren		Des si int herte hadden toren		Des si int herte hadden toren

11912			Nv keer ic weder daer ict liet		Nv⁴²⁹ keer ic weder daer ict liet		Nv keeric weder⁴²⁵ daer ict liet

11913			Die ammirael ne lette niet		Die ammierael en lette niet		De ammirael en lette niet

11914			Hine quam ten graue in hollant		Hine quam ten graue in hollant		Hine quam ten graue in hollant

11915			Ende brochte an sine hant		Ende brochte an sijn hant		Ende brochte an sijn hant

11916	IX 215		Een deel lieden in galeiden		Een deel luden in galeiden		Een deel luden in galeyden

11917			Doene woudemen niet langher beiden		Doen woudemen niet langer beiden		Diene op de zee mochte gheleyden

11918			Doe hi was comen daer		Doe was hi comen daer		Doe hi comen was aldaer

11919			Toghedemen hem al openbaer		Toendemen hem openbaer		Toghedemen hem al openbaer

11920			Van zericzee die grote noet		Van zierixzee die groten noot		Van sirixe de grote noet

11921	IX 220		Hi seide weder doe albloet⁷⁰⁵		Hi seide⁴³⁰ weder doe albloot		Hi seide weder doe al bloet

vorige 50 regels \| volgende 50 regels \| Ga naar regel
		704: hier g doorgestreept 705: lb in eerste instantie mogelijk bedoeld als bb-ligatuur		429: in de marge vóór de lombarde een representant n 430: i verbeterd uit een bovenschacht		424: l verbeterd uit h door de tweede haal daarvan te expungeren 425: w verbeterd uit d