Rijmkroniek van Holland (366-1305)

links naast de lombarde, en vrijwel geheel erdoor bedekt, een representant t holl’s hede achter de voorafgaande regel boven de e een overtollige afkortingsstreep holl’ c verbeterd uit iets anders, mogelijk uit t onder de kolom in de marge de custode Jn enen scepe

Vergelijk regels 12417 tot en met 12466

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
12417			Gheliker wijs datmen ziet		Ghelijckerwijs datmen siet		Gheliker wijs dat men siet
12418	IX 715		Dat ene vonke ontsteket al		Dat ene vonke onsteket al		Dat ene vonke onsteket al
12419			Ende verbarnt groet ende smal		Ende verbrant groot ende smal		Ende verbornt groet ende smal
12420			Al dat is in ene stede		Al dat is in ene stede		Aldat es mene stede
12421			Dus is tbeghin van alre quaethede745		Dus is dbeghin van alre quaethede		Dus eest beghijn van alre quaethede
12422			Die tonghe diet wel merken wille		Die tonghe diet wel merken wille		De tonghe diet wel merken wil
12423	IX 720		Men siet datmen hout al stille		Men siet datmen hout al stille		Men siet dat men hout al stille
12424			Met enen breydel ene starc rosside		Met enen breydel een starke rossie		Metten breidele een starc rosside
12425			Al houment met sporen indie zide		Al houtment mit sporen in die zide		Al houwement met sporen inde side
12426			Men houtet nochtan inden monde		Men houdet nochtan in den monde		Men houtet nochtan indeen monde
12427			Dat staende bliuet ene stonde		Dat staende bliuet ene stonde		Dat staende bliuet ene stonde
12428	IX 725		Ende al die lede sijn bedwonghen		Ende alle die lude sijn bedwonghen		Ende alle de lede sijn bedwonghen
12429			Metten breidele die opter tonghen		Metten breydel die opter tonghen		Metten breidele die vp der tonghe
12430			Hem leghet al ist starc		Hem leghet al ist starc		Hem leget al est starc
12431			Datment stille hout in een parc		Datment stille hout in een parc		Dat ment stille hout inder parc
12432			Dien mensche soudic prisen mere		Dien mensche soudic prisen mere		Dien mensche woudic prisen mere
12433	IX 730		Jn allen doene in allen kere		Jn allen doene in allen kere		Jn allen doen in allen kere
12434			Ende dat hi starker ware allene		Ende dat hi starker ware allene		Ende dat hi starker waer allene
12435			Dan een lantscap al ghemene		Dan een lantscap al ghemene		Dan een lantscap al ghemene
12436			Die sine tonghe dwinghen can		Die sine tonghe dwinghen can		De sine tonghen dwinghen can
12437			Men souden heten een machtich man		Men soude hem heyten een machtich man		Men soudene heten een machtich man
12438	IX 735		Ende starker als wi proeuen connen		Ende starker als wi proeuen connen		Ende sterker als wi proeuen connen
12439			Dan of hi enen rose hadde verwonnen		Dan of hi enen rese hadde verwonnen		Dan of hi enen. Ruse verwonnen
12440			Tfolc hadde langhe tijt ghelegen		Tfolc454 hadde langhen tijt gheleghen		Tfolc hadde langhe tijt ghelegen
12441			Op den watre sere versleghen		Opten watre sere versleghen		Vp den watre ende seer verslegen
12442			Langhe wile met nauwer746 spise		Langhe wile mit nauwer spisen		Langhe wile met nauwer spise
12443	IX 740		So datter somighe voeren lise		Soe datter someghe voeren lisen		So datte sommighe voeren lise
12444			Vten here daer si mochten		Wten here daer si mochten		Vten here daer si mochten
12445			Ende spise te copen sochten		Ende spise te cope sochten		Ende spise te cope sochten
12446			Want men noyt te voren en sach		Want men noyt te voren en sach		Want men noyt te voren sach
12447			Dat hollants747 here op twater lach		Dat hollants455 here op dwater lach		Dat hollansche here vpt water lach
12448	IX 745		Also langhe sonder lant		Alsoe langhe sonder lant		Also langhe sonder lant
12449			Want ic dat ter waerheit vant		Want ic dat ter waerheit vant		Want ic dat ter waerheit vant
12450			Dat leden waren der daghen xv		Dat leden ware der daghe .xv.		Dat leden was der daghe .xv.
12451			Ende sijt nye hadden so siene		Ende sijt nie hadden soe siene		Dat sijt mede hadden so siene
12452			Dat si in husen waren comen		Dat si in huse waren comen		Dat si in husen waren comen
12453	IX 750		Al hadt hem groot goet mogen vromen		Al hadt hem groot goet moghen vromen		Hadt hem groet goet moghen vromen
12454			Si mosten ligghen indie scepen		Si moesten ligghen in die scepen		Sine mosten ligghen inden scepen
12455			Recht aldus wast begrepen		Recht aldus waest begrepen		Recht aldus was begrepen
12456			Ende recht op enen sondaghe		Ende recht op enen sondaghe		Ende recht op enen sonnendaghe
12457			Sinte laurens auont leide laghe		Sente laurens auont leyde laghe		Sente laurens auont leidde laghe
12458	IX 755		Die van zeelant al ghemene		Die van zeelant al ghemene		De van zeelant al ghemene
12459			Te nemen die spise allene		Te nemen die spise allene		Te nemene die spise al rene
12460			Sonder der hollander danc748		Sonder der hollander danc		Sonder der hollanders danc
12461			Vier coggen namen tsgrauen dranc		Vier cogghen namen tsgrauen dranc		Vier cogghen namen sgrauen dranc
12462			Si namen daer ten seluen male		Si namen daer ten seluen male		Si namen daer ten seluen male
12463	IX 760		Vor bridorp dat weet men wale749		Voer bridorp dat weet men wale		Voer bridorp dat weet men wale
12464			Jn enen scepe viue min		Jn enen scepe viue min		Jn enen scepe viue min
12465			Dan c vate biers wasser in		Dan hondert vate biers wasser in		Dan .c. vate biers wasser in
12466			Ende zouten salme ende vleisch		Ende souten zalm ende vleischs		Ende zoten zalm ende vleesch
vorige 50 regels   | volgende 50 regels | Ga naar regel
		745: hede achter de voorafgaande regel 746: boven de e een overtollige afkortingsstreep 747: holl’ 748: c verbeterd uit iets anders, mogelijk uit t 749: onder de kolom in de marge de custode Jn enen scepe		454: links naast de lombarde, en vrijwel geheel erdoor bedekt, een representant t 455: holl’s