Rijmkroniek van Holland (366-1305)

Contact

de eerste n verbeterd uit r vanaf hier hand D dit vers onder aan de kolom, na vers 13213, met ervóór een kleine letter b, terwijl in de marge tussen verzen 13178 en 13180 een kleine a staat sijn achter het voorafgaande vers t klein bovengeschreven doet met de t doorgestreept en een afkortingsstreep boven de e geplaatst d verbeterd uit iets anders, mogelijk uit de eerste haal van een v of w nn verbeterd uit iets anders

Vergelijk regels 13146 tot en met 13215

			Handschrift C (ga naar pagina)		Handschrift B (ga naar pagina)		Handschrift A (ga naar pagina)




13146	X 55		Men hadse tsdaghes niet ghesien		Men hadse dsaghes niet ghesien		Hadden si nachts moghen ontflien

13147			Sine pinen hem wech te vlien		Sine pijnden hem wech te vlien		Men hadse daghes niet mogen ghesien

13148			Dat toechden si wel in ghelate		Dat toechden si wel in ghelate		Dat togheden si wel in ghelate

13149			Vanden galeyden quam die bate		Vanden galeyden quam die bate		Van galeiden quamen dese bate

13150			Die some achter laghen doe		Die some achter laghen doe		De somme achter lagen doe

13151	X 60		Oec benamen si dat daer toe		Oec benamen si dat daer toe		Oec benamen si datter toe

13152			Die clene scepen niet en quamen		Die clene scepe niet en quamen		De clene scepe niet en quamen

13153			Woude icse nomen al bi namen		Woudicse noemen al bi namen		Woude icse noemen oec bi namen

13154			Men mochte segghen dat ic bi nide		Men mochte segghen dat ic bi nide		Men mochte seggen dat ic benide

13155			Liede lachterde inden stride		Lude lachterde in den stride		Liede lachter de inden stride

13156	X 65		Ende dor miede gauem prijs		Ende dor miede gaue prijs		Of om miede gaue prijs

13157			Jc ne sal niet doen⁷⁹³ in alre wijs		Jc en sal niet doen in alre wijs		Des doe ic niet in geenre wijs

13158			Yement te prisen vor sijn oghen		Yement te prisen voer sijn oghen		Niemene te prisen voer sijn ogen

13159			Want wi alle merken moghen		Want wi wel merken moghen		Want wi alle merken moghen

13160			Dat hem die goede scaemde sere		Dat hem die goede scaemden sere		Dat hem de goede scaemden sere

13161	X 70		Ende pensde om die ere		Ende peinsden om die ere		Ende pensden om de ere

13162			Ende oec sijn lijf wilde verweren		Ende sijn lijf wilden verweren		Ende oec sijn lijf wilde verweren

13163			Jn gauen te lone niet .ij. peren		Jn gaue te lone niet .ij. peren		Jn gaue te lone niet twe peren

13164			Die mi den prijs gaue allene		Die mi den prijs gaue allene		De mi den prijs gaue allene

13165			Die al die goede liede ghemene		Die alle die goede luden ghemene		Die alde goede liede ghemene

13166	X 75		Metten liue verdienden daer		Metten liue verdienden daer		Metten liue verdienden daer

13167			Jc dar⁷⁹⁴ wel segghen ouer waer		Jc dar wel segghen ouer waer		Jc dart wel segghen ouer waer

13168			Dat edel lude vochten wale		Dat edel luden vochten wale		Dat edele lude vochten wale

13169			Ende die porters ten seluen male		Entie porters ten seluen male		Ende tt porters ten seluen male

13170			Ende die ghemeente vacht oec wel		Entie ghemeente vacht oec wel		Entie ghemeente vacht oec wel

13171	X 80		Jn weet wat daer toe seggen el		Jn weet wat daer toe segghen el		Jn weet wart daer toe secghen el

13172			Jc mochte misscien prisen den enen		Jc mochte misscien prisen den enen		Jc mochte messcien prisen den enen⁴⁷⁵

13173			Een ander zout also niet menen		Een ander sout alsoe niet menen		Een ander sout also niet nemen

13174			Jc mochte oec zwigen dien		Jc mochte oec swighen dien		Jc mochte oec verswighen dien

13175			Diement vele bet hadde ghesien		Diement vele bet hadde ghesien		De ment vele bet hadde ghesien

13176	X 85		Doen. dant enich ander dede		⁴⁸⁵ Doen dat enich ander dede		Doen dan enich ander dede

13177			Dat ware grote dorperhede		Dat ware grote dorperhede		Dat waer grote dorperhede

13178			Dat ic bi namen prijs hier gaue		Dat ic bi namen prijs haer gaue		Dat ic bi namen prijs hier gaue

13179			Een vroetman wilde om ghene haue		Een vroet man wilde om gene haue⁴⁸⁶		Een vroet man wilde om geen haue

13180			Dat menne⁷⁹⁵ prijsde openbare		Datmen prijsde openbare		Dat menne prijsde openbare

13181	X 90		Oec sal ic v seggen tware		Oec sal ic v segghen tware		Oec sal ic secghen tware

13182			Die quade willen niet ghelachert sijn		Die quade willen niet ghelachtert sijn⁴⁸⁷		De quade wil niet ghelachert sijn

13183			Dat seghet mi tgheloue mijn		Dat seit mi tgheloue mijn		Dat seghet mi tgheloue mijn

13184			Manlic ken hem seluen wale		Manlijc ken hem seluen wale		Mallic kent hem seluen wale

13185			Dat ic segge dese tale		Dat ic segghe dese tale		Dat ic seghe dese tale

13186	X 95		Dats om dat ic beghere		Dats om dat ic beghere		Dat omme dat ic beghere

13187			Dattie goede hem echter were		Dat die goede hem echter were		Datte goede hem echter were

13188			Ende doe bet dan hi doe dede		Ende doe bat dan hi doe dede		Ende hi bed doe dan hi doe dede

13189			Ende houde altoes sulke zede		Ende houde altoes sulken sede		Ende houde altoes zulke sede

13190			Datmen van hem spreken mach		Datmen van hem spreken mach		Dat men van hem spreken mach

13191	X 100		Na sire doet menighen dach		Na zijnre doot menighen dach		Na sijnre doot menighen dach

13192			Dus sal leuen na sine doet		Dus sal leuen na sine doot		Dus sal leuen na sijnre doot

13193			Sinen name dats ere groet		Sine name dats ere groot		Sine name dats ere groot

13194			Gaue men hem prijs in sijn leuen		Gaue men hem prijs in sijn leuen		Gaue men hem prijs in sinen leuen

13195			Ende woude hi der doghet begheuen		Ende woudi der doghet begheuen		Ende hider doghet dan wilde begeuen

13196	X 105		So waert quader dan te voren		Soe waert quader dan te voren		So waert quader dan te voren

13197			Soe ware aldie prijs verloren		Soe ware al die prijs verloren		Ente prijs waer al verloren

13198			Ende wart in spot verkeert al		Ende wart⁴⁸⁸ in spot verkeert al		Ende wort in spotte verkeert al

13199			Hoert wat ic v seggen sal		Hoert wat ic v segghen sal		Hort wat ic v segghen zal

13200			Wart dat ic worde des te rade		Waert dat ic worde des te rade		Wart dat ic worde des te rade

13201	X 110		Dat ic lachteren woude die quade		Dat ic lachteren woude die quade		Dat ic lachteren woude de quade

13202			Jc mochte sulken spreken lachter		Jc mochte sulke spreken lachter		Jc mochte sulken spreken lachter

13203			Bi namen hi soude mi volgen achter		Bi namen hi soude mi volghen achter		Bi namen hi soude mi volghen achter

13204			Ende slaen mi doet of oec dien		Ende slaen mi doot ende oec dien		Ende slaen mi doot of oec dien

13205			Die dit lase mochte ghescien		Die dit lase mochte ghescien		Bien dit laze mocht hem ghescien

13206	X 115		Daer om spreke ic int ghemene		Daer om sprekic int ghemene		Daer om sprekic int ghemien

13207			Die vroede weet wel wat ic mene		Die vroede weet wel wat ic mene		De vroede weet wel wat ic meen

13208	X 117		Ende salre om pensen dach ende nacht		>Ende salre om pensen dach ende nacht		Ende salre om pensen dach ende nacht

13209							Ende houdent voert met alre cracht

13210							De blode deere niet en vacht

13211	X 120		Kenne hem seluen dats die macht		Ken hem seluen dats die macht		Ken hem seluen dats de macht

13212			Ende pense dat hi daer misdede		Ende peinse dat hi daer misdede		Ende pense dat hi daer mesdede

13213			Ende beter hem tere ander stede		Ende beter hem teenre ander stede		Ende beter hem teenre ander stede

13214			Dat is vele bet mijn raet		Dat is vele bet mijn raet		Dats vele bet mijn raet

13215			Dan hi verdient datmen heet quaet		Dan hi verdient datmen heit quaet		Dan hi verdient dat men heet quaet

vorige 50 regels \| volgende 50 regels \| Ga naar regel
		793: doet met de t doorgestreept en een afkortingsstreep boven de e geplaatst 794: d verbeterd uit iets anders, mogelijk uit de eerste haal van een v of w 795: nn verbeterd uit iets anders		485: vanaf hier hand D 486: dit vers onder aan de kolom, na vers 13213, met ervóór een kleine letter b, terwijl in de marge tussen verzen 13178 en 13180 een kleine a staat 487: sijn achter het voorafgaande vers 488: t klein bovengeschreven		475: de eerste n verbeterd uit r