Rijmkroniek van Holland (366-1305)

vander met de eerste drie letters geëxpungeerd hier een brede spatie vanwege een zwakke plek in het perkament r boven het woord toegevoegd f geëxpungeerd, wel om aan te geven dat een s gelezen dient te worden hier een punt, wel eerder een onwillekeurige haal dan een bewust gezet leesteken

Vergelijk regels 1467 tot en met 1516

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
1467			Ende lude gheuaen tien stonden		Ende lude gheuanghen tien stonden		Ende luden gheuaen tien stonden
1468			Aldaer si den graue doe vonden		Al daer si den graue doe vonden		Aldaer si doe den graue vonden
1469			Mer dese seghe was tonseghe		Maer dese seghe was tonseghe		Maer dese zeghe was tonseghen
1470			Bina al hollant ghedeghe		Byna al hollant ghedeghe		Wel naer al hollant ghedeghen
1471	II 155	¶	Graue diederic had een broeder	¶	Graue diederic hadde enen broeder		Graue dideric had enen broeder
1472			Sijns vader kint ende sire moeder		Sijns vaders kint ende sijnre moeder		Sijns vader kint ende ziere moeder
1473			Die graue florens hiet die zwerte		Die graue florens hiet die swarte		Die graue florans hiet de zwarte
1474			Ende was van fieren herte		Ende was van fieren harte		Ende was van eenre fierre herten
1475			Wel sprekende ende hoesch sere		Wel sprekende ende hoesch sere		Wel sprekende63 ende houesch sere
1476	II 160		Ende staende nader warelt ere		Ende staende na der werelt ere		Ende staende na der werelt ere
1477			So datter hem vele waren hout		Soe datter hem vele waren hout		So datter hem vele waren hout
1478			Monike ridders ionc ende out		Monike ridders ionc ende out		Ridders knapen ionc ende out
1479			Donsienlicste wast sine vianden		Dontsienlijcste waest sinen vianden		Donsienlicste wast sinen vianden
1480			Diemen vant in menigen landen		Diemen vant in menighen landen		Die men vant in menighen landen
1481	II 165		Met dullen rade bi sire sculde		Met dullen rade bi sire sculde		Bi dullen rade bi siere sculden
1482			Verloes hi der107 moeder hulde		Verloos hi der moeder hulde		Verloof64 hi der moeder hulden
1483			Die nochtoe al hollant		Die noch toe al hollant		Die nochtoe al hollant
1484			Gheweldich had in hant		Gheweldich had in hant		Gheweldelike hadde in hant
1485			Den broeder had hi verwrocht mede		Den broeder had hi verwrocht mede		Den broeder had hi ver wrocht mede
1486	II 170		Met sire ouermoedichede		Met siere ouermoedichede		Met sijnre ouermoedichede
1487			Mer soene meer hate die sine		Maer soene meer hate die sine		Maer sone meer haetten de zine
1488			So hi dede te meerre pine		Soe hi dede te meerre pine		So hi hem dede mere pine
1489			Om te hebben der vreemder hulde		Om te hebben der vremder hulde		Om te hebbene der vreemder hulde
1490			Daer hi rieselic ane dulde		Daer hi rieselijc ane dulde		Daer hi riesliken ane dulde
1491	II 175		Der edelinghe som een deel		Der elindegher som een deel		Der edelinghen somme een deel
1492			Warens hem hout al gheheel		Warens hem hout al gheheel		Warens hem hout al gheheel
1493			Entie meente was hem mede		Entie meente was hem mede		Entie meente was hem mede
1494			Die emmer wil niewe pijnlichede		Die emmer wil niewe pijnlijchede		Die vmmer wil nie pijnlijchede
1495			Op auenture oft quame in desen		Op auentuere oft quame in desen		Op auonture oft quame in desen
1496	II 180		Dat si te vrier mochten wesen		Dat si te vrier mochten wesen		Dat si te vrier mochten wesen
1497		¶	Nu sijn die vriesen verblijt	¶	Nv sijn die vriesen verblijt		Nv sijn de vriesen verblijt
1498			Als si vernamen der broeders strijt		Alsi vernamen der broeders strijt		Als si vernamen des broeder strijt
1499			Ende senden 108 tot florens boden		Ende sonden tot florens boden		Ende sende tote florense boden
1500			Ende deden hem haer hulpe noden		Ende deden hem hare hulpe noden		Ende deden hem haerre helpen noden
1501	II 185		Wilde hi hem wesen beneuen		Wilde hi hem wesen beneuen		Wildi wesen hem beneuen
1502			Si wilden hem westvrieslant gheuen		Si wilden hem westurieslant gheuen		Si wilden hem west vrieslant geuen
1503			Entie ionghelinc altehant		Entie ionghelinc alte hant		Entie ioncghelinc alte hant
1504			Voer in westvrieslant		Voer in west vrieslant		Voer in west vrieslant
1505			Ende vantse onder sijn beheet		Ende vantse onder sijn beheet		Ende vantse onder sijn gheheet
1506	II 190		Beyde ghewillich ende bereet		Beyde ghewillich ende bereet		Bede ghewillich ende ghereet
1507			Dus was hi met hem .i. iaer		Dus was hi met hem een iaer		Dus was hi met hem .i. iaer
1508			Sinen broeder fel ende swaer		Sinen broeder fel ende swaer		Den broeder fel ende 65 zwaer
1509			Ende hi dede daer toe sinen lande		Ende hi dede daer toe sinen lande		Ende hi dede daer toe sinen lande
1510			Waer so hi mochte scade ende scande		Waer hi mochte scade ende scande		Waer so hi mochte scade ende scande
1511	II 195	¶	Haren scade wraken die vriesen sware	¶	Hare scade wraken die vriesen sware		Haren scade wraken de vriesen swaer
1512			Want si die kerke van alcmare		Want si die kerken van alcmare		Want si de kerke van alcmaer
1513			Entie marct bornde dat si stoef		Entie maerct bornde dat si stoef		Entie marct brande dat si stoof
1514			Ende namenre wel swaren roef		Ende namenre wel swaren roef		Ende namenre wel zwaren roof
1515			Hier binnen vele liede waren		Hier binnen vele lude waren		Hier binnen vele lieden waren
1516	II 200		Ende tmeeste deel van kenemaren		Ende tmeeste deel van kenemaren		Ende tmeeste deel van kenemaren
vorige 50 regels   | volgende 50 regels | Ga naar regel
		107: vander met de eerste drie letters geëxpungeerd 108: hier een brede spatie vanwege een zwakke plek in het perkament				63: r boven het woord toegevoegd 64: f geëxpungeerd, wel om aan te geven dat een s gelezen dient te worden 65: hier een punt, wel eerder een onwillekeurige haal dan een bewust gezet leesteken