Rijmkroniek van Holland (366-1305)

e verbeterd uit een rechte stok lombarde ter hoogte van één regel voert achter de volgende regel h verbeterd uit de aanzet van een andere letter

Vergelijk regels 1881 tot en met 1930

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
1881	II 565		Ende rekende ghene scade buten		Ende rekenden ghene scade buten		Ende rekenden ghene scade buten
1882			Mochten si haer viande besluten		Mochten si hare viande besluten		Mochten si haer viande besluten
1883			Dat si keren niet en mochten		Dat si keren niet en mochten		Dat si keren niet en mochten
1884			Donse die des niet en rochten		Donse die des niet en rochten		Dander de des niet en rochten
1885			Pensden al om haren roef		Pensden al om haren roef		Penseden al om haren roof
1886	II 570		Ende om die brant die verre stoef		Ende om die brant die verre stoef		Ende om den brant de verre stoof
1887			Ende traken voert bi wegen bi diken		Ende traken voert bi wege bi diken		Ende traken voert bi weghen bi diken
1888			Sulke seiden die vriesen wiken		Sulke seiden die vriesen wiken		Sulke seiden de vriesen wiken
1889			Nu sijn die vriesen opghesprongen		Nv sijn die vriesen op ghesprongen		Nv sijn de vresen op ghespronghen
1890			Die hem hadden ondronghen		Die hem hadden ondrongen		Die hem hadden onder dronghen
1891	II 575		Dien wech127 die si souden keren		Dien wech die si souden keren		Den wech de si souden keren
1892			Ende als si hene willen die heren		Ende alsi henen willen die heren		Ende alse si weder willen de heren
1893			Sijn die vriesen hem te moete		Sijn die vriesen hem te moete		Sijn hem de vriesen te ghemoete
1894			Met fellen voerhoefde ende onsoete		Met fellen voerhoefde ende onsoete		Met fellen voerhoefde ende onsoete
1895			Sulke vanden riddren waren		Sulke vanden ridderen waren		Sulke vanden ridderen waren
1896	II 580		Die hem traken teenre scaren		Die hem traken teenre scaren		De hem traken tere scaren
1897			Ende setten tlijf in dauenture		Ende setten dlijf in dauontuere		Ende setten tlijf in dauenture
1898			Ende reden die vianden dure		Ende reden die viande dure		Ende reden de viande duere
1899			Ende quamen aldus toten haren		Ende quamen aldus toten haren		Ende quamen aldus toten haren
1900			Daer die graue ende dandre waren		Daer die graue ende dandre waren		Daer de graue ende dandre waren
1901	II 585		Alle dandre bleuen doet		Alle andre bleuen doot		Alle dandre bleuen doot
1902			Sonder menighe bure groet		Sonder menige bure groot		Sonder menighe bore groot
1903			Diere waren gheuaen hilden tleuen		Diere waren gheuaen behilden tleuen		Die si vinghen behilden tleuen
1904			Dit waren dedelinghe dire bleuen		Dit waren dedelinge diere bleuen		Dit waren dedelinghe diere bleuen
1905			Van andworpen her symon		Van antwerpen her symoen		Van andwarpen her symoen
1906	II 590		Scoenre no vromer in sijn doen		Scoenre no vromer in sijn doen		Scoenre noch vromer in sijn doen
1907			Ne was gheen ende buer out		Ne was geen ende buer out		Ne was doe gheen buer out
1908			Mijn her willem van voerhout		Mijn her73 willem van voerhout		Mijn here willam van vorhout
1909			Ende van haerlaem her braendaen		Ende van harlam her braendaen		Ende van haerlem her brandaen
1910			Her florens roest ne conde ontgaen		Her florens roest ne conde ontgaen		Her florens roest en conste ontgaen
1911	II 595		Ende die drussate her gheraert		Ende die drussate her gheraert		Ende de drossate her gheraert
1912			Ende van egmonde allaert		Ende van egmonde allaert		Ende van egmonde her alaert
1913			Her brune van sastrichem. ionge gheraet		Her brune van castrichem ionge gheraet		Heer brune van castrichem. jonghe gerat
1914			Van monstre. van noertich her eueraet		Van monstre. van nortich her eueraert		Van monstre. van nortic heer eueraet
1915			Die dode als mense ghewinnen conde		Die dode als mense ghewinnen conde		De doden als mensche ghewinnen conde
1916	II 600		Waren ghebrocht tegmonde		Waren ghebrocht tegmonde		Waren brocht tote egmonde
1917			Daer si waren beweent wel sware		Daer si waren beweent wel sware		Daer si waren beweent wel sware
1918			Ende dit was binnen den seluen iare		Ende dit was binnen den seluen iare		Ende dit was binnen den seluen iare
1919			Dat dit wonderlike lam		Dat dit wonderlike lam		Dat dit wonderlike lam
1920			Tegmonde te bescouwen quam		Tegmonde te bescouwen quam		Tegmonde te scouwene quam
1921	II 605		Opten dach alsmen bekent		Opten dach alsmen bekent		Vp den dach als ment bekent
1922			Datmen viert sinte vincent		Datmen viert sente vincent		Dat men viert sente vicent
1923			Ten128 naesten zomer dire lach		TEn naesten zomer dire lach		Den naesten somere dierre lach
1924			Quamen op sinte ypolitus dach		Quamen op sinte ypolitus dach		Quamen op sente ypolitus dach
1925			Die westvriesen teenre scaren		Die west vriesen teenre scaren		Die west vriesen tiere scare
1926	II 610		Ouer rekene tot alcmare		Ouer rekene tot alcmare		Ouer de rekene tote alcmare
1927			Ende hebben onsteken die poert		Ende hebben ontsteken die poert		Ende hebben onsteken de poort
1928			Dan ghinc hem niet ten besten voert129		Dan ginc hem niet ten besten voert		Dan ginc hem niet ten besten voert
1929			Want luttel riddere entie ghebure		Want luttel ridderen entie ghebure		Want lettel ridderen ende ghebuere
1930			Hebbense wederstaen sture		Hebbense wederstaen sture		Hebbense weder staenden sture
vorige 50 regels   | volgende 50 regels | Ga naar regel
		127: e verbeterd uit een rechte stok 128: lombarde ter hoogte van één regel 129: voert achter de volgende regel		73: h verbeterd uit de aanzet van een andere letter