Rijmkroniek van Holland (366-1305)

Contact

iaer met er meteen uitgeveegd en geradeerd, en een afkortingsstreep boven de a gezet h verbeterd uit ronde r s verbeterd uit iets anders onnutte met de eerste twee letters geëxpungeerd h mogelijk verbeterd uit de aanzet van een andere letter

Vergelijk regels 2056 tot en met 2105

			Handschrift C (ga naar pagina)		Handschrift B (ga naar pagina)	Handschrift A (ga naar pagina)




2056	II 740		Watmen te sulker noet best rade		Watmen te sulker noot best rade	Wat men tsulker noot best dade

2057			Als dit hoerde die coninc wijt		Als dit horde die coninc wijt	Alse dit hoerde de coninc wijt

2058			Halen hiet hi aldaer ter tijt		Halen hiet hi al daer ter tijt	Aldaer hiet hi halen tier tijt

2059			Enen ridder hiet heer ian¹³⁷		Eenen ridder hiet heer ian	Enen ridder hiet her ian

2060			Die was .i. besceiden man		Die was een besceiden man	Die was .i. besceiden man

2061	II 745		Ende hadde met torken vor desen		Ende hadde met torken voer desen	Ende hadde mit torken vor desen

2062			Dicke in stride ghewesen		Dicke in stride ghewesen	Dicken in striden ghewesen

2063			Ende hi kennetse bi haren namen		Ende hi kennetse bi haren namen	Ende hi kennedse bi haren namen

2064			Die si waren ende wanen si quamen		Die si waren ende wanen si quamen	Wie si waren deder quamen

2065			Bi haren ridderliken vanen		Bi haren ridderlike vanen	Bi haren ridderliken vanen

2066	II 750		Hem dedi vraghen ende vermanen		Hem dedi vragen ende vermanen	Hem dede hi vraghen ende vermanen

2067			Watmen teser stont best dade		Watmen teser stont best dade	Wat men deser stont best dade

2068			Hi sprac in ghetrowen¹³⁸ rade		Hi sprac in ghetrouwen rade	Hi sprac in ghetrouwen rade

2069			Datmen best bestonde die scare		Datmen best begonste die scare	Dat men best bestonde de scare

2070			Daer saladijns baniere ware		Daer saladijns baniere ware	Daer saladijns beniere in ware

2071	II 755		Want waert datmen die vellen mochte		Want waert datmen die vellen mochte	Want waert dat men de vellen mochte

2072			Dandre verwonne men sochte		Dandere verwonnen sochte	Tander dat verwonnemen zochte

2073			Hem allen dochte wel an desen		Hem allen dochte wel an desen	Hem allen dochte wel an desen

2074			Nutte raet ende wijs¹³⁹ oec wesen		Nutte raet ende wijs oec wesen	Nutten raet ende wijs oec wesen

2075		¶	Jn desen quam sijnre scare	¶	Jn desen quam sijnre scaren	Jn desen quam met sijnre scaren

2076	II 760		Van triple graue hughe gheuaren		Van triple graue hughe geuaren	Van triplen graue hughe gheuaren

2077			Een kerstijn quaet al onuersien		Een kersten quaet al onuersien	Een kerstijn quaet al onuersien

2078			Men mochte wel merken an dien		Menich mochte wel merken an dien	Men mochte merken wel andien

2079			Dat hi den heidinen was hout		Dat hi den heidenen was hout	Dat hiden heidinen was hout

2080			Want hi vloecte met ghewout		Want hi vloecte met ghewout	Ende hi vloukede met ghewout

2081	II 765		Hem die gaf al sulken raet		Hem die gaf al sulken raet	Hem de gaf alsulken raet

2082			Ende seide hets .i. vernoyert quaet		Ende seide hets⁷⁹ een uernoyaert quaet	Ende seide hets een vernoiert quaet

2083			Hi heeft met heydine ghesproken		Hi heeft mit heidine ghesproken	Hi heuet met heidinen ghesproken

2084			Sijn raet is nuttelic te broken		Sijn raet is nuttelijc te broken	Sijn raet es nutteliken te broken

2085			Laet ons in dit gheberchte riden		Laet ons in dit gheberchte riden	Laet ons in dit ghebereichte riden

2086	II 770		So moghen wi coenlic op hem striden		Soe mogen wi coenlijc op hem striden	So moghe wi coenlic op hem striden

2087			Daer is tfoerdeel ons altemale		Daer is tfoerdeel ons altemale	Daer es tfordeel ons alte male

2088			Aldus bi des grauen tale		Aldus by des grauen tale	Aldus bi des grauen tale

2089			Wart die nutte¹⁴⁰ raet ontseit		Wart die nutte raet ontseit	Wort de nutte raet ontseit

2090			Om dat onse dorperheit		Om dat onse dorperheit	Om dat god onse dorperheit

2091	II 775		Die wi indat heilige lant dreuen		Die wi in dat heilige lant dreuen	Die wi int heilighe lant daer dreuen

2092			Wreken wilde op onse leuen		Wreken wilde op onse leuen	Wreken wilde op onse leuen

2093		¶	There reyde hem alte gader	¶	There reyde hem alte gader	There rede hem alte gader

2094			Den raet te doen dien die verrader		Den raet te doen dien die verrader	Den raet te doene de de verrader

2095			Kerstenheit riet te verliesen		Kerstenheit riet te verliesen	Kerstineit riet te verliese

2096	II 780		Dus was dat heer brocht te riesen		Dus was dat heer brocht te riesen	Dus was dat heer brocht te riese

2097			Want so si op die heidine quamen		Want soe si op die heidene quamen	Want doe si op de heidene quamen

2098			Vanden berghe was alte samen		Vanden berghe was alte samen	Van den berghe was alte samen

2099			Die sonne recht in haer oghen		Die sonne recht in haer oghen	De zonne recht in haer oghen

2100			Die hitte conden si niet gedogen		Die hitte conden si niet ghedogen	Die hitte ne conden si ghedoghen

2101	II 785		Ende dat stof vloech als reghen		Ende dat stof vloech als reghen	Ende dat ghescot vloech alse reghen

2102			Dus was hem dauenture ieghen		Dus was hem dauonture ieghen	Dus was hem dauonture teghen

2103			Den onsen ende hem moste misscien		Den onsen ende hem moeste messcien	Den onsen ende hem moste messcien

2104			Die graue van triple ghinc vlien		Die graue van triple ghinc vlien	De graue van triplen de ginc vlien

2105			Die dit ghedaen hadde al		Die dit ghedaen hadde al	De dit hadde gheraden al

vorige 50 regels \| volgende 50 regels \| Ga naar regel
		137: iaer met er meteen uitgeveegd en geradeerd, en een afkortingsstreep boven de a gezet 138: h verbeterd uit ronde r 139: s verbeterd uit iets anders 140: onnutte met de eerste twee letters geëxpungeerd		79: h mogelijk verbeterd uit de aanzet van een andere letter