Rijmkroniek van Holland (366-1305)

wout achter de volgende regel k’ e verbeterd uit o i verbeterd uit iets anders lombarde I ter hoogte van drie regels .k’.

Vergelijk regels 2247 tot en met 2296

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
2247	II 930		Doch quam hi dore ende die zine		Doch quam hi dore ende die sine		Doch quam hi doer ente zine
2248			Ende den soudaen van yconine		Ende den soudaen van yconine		Ende den soudaen van iconine
2249			Verwan hi in vele striden		Verwan hi in vele striden		Verwan hi in vele striden
2250			Ende verheerde indie tiden		Ende verheerde in dien tiden		Ende verheerde in den tiden
2251			Vele sijns lants ende vacht zege		Vele sijns lants ende vacht sege		Vele sijns lants ende vacht zeghe
2252	II 935		Op die heidine alle weghe		Op die heidene alle wege		Op de heidine alle weghe
2253			Al wast dat hi sonder verlies		Al waest dat hi sonder verlies		Al was dat hi zonder verlies
2254			Niet ne quam te bouen dies		Niet en quam te bouen dies		Niet en quam te bouen dies
2255			Jn desen swaren arbeit		Jn desen swaren arbeit		In83 allen desen swaren arbeit
2256			Was hem bi ende ghereit		Was hem bi ende ghereit		Was hem bi ende ghereit
2257	II 940		Die graue florens van hollant		Die graue florens van hollant		Die graue florans van hollant
2258			Die in orloghe metter hant		Die in orloghe metter hant		Die in orloghen metter hant
2259			Beiaechde dicke eren vele		Beiaechde dicke eren vele		Beiaghede dicken eren vele
2260			Als si wel naer alte spele		Alsi wel naer al te spele		Als si wel naer alte spele
2261			Tellen waenden hare pine		Tellen waenden hare pine		Tellen waenden hare pine
2262	II 945		Ende die keyser ende die zine		Ende die keyser ende die sine		Entie keyser entie sine
2263			Tiden tantyochen waert		Tyden tantiochen waert		Tiden tantiochem waert
2264			Te vaerne haren rechten vaert		Te varen haren rechten vaert		Te vaerne hare rechte vaert
2265			Gheuel hem dat si quamen sciere		Gheuiel hem dat si quamen sciere		Tgheuel hem dat si quamen sciere
2266			Gheuaren op .i. clene riuiere		Gheuaren op ene clene riuiere		Gheuaren op ene cleine riuiere
2267	II 950		Die salef bi namen hiet		Die salef bi namen hiet		Die salef bi namen hiet
2268			Ende als die keiser twater siet		Ende als die keyser dwater siet		Ende alse de keyser twater ziet
2269			Lopende claer ende wit		Lopende claer ende wit		Lopende claer ende wit
2270			Ende was besweet ende zeer verhit		Ende was besweet ende zee uerhit		Hi was bezweet ende seer verhit
2271			Ende wilde dwaen sine lede		Ende wilde dwaen sine lede		Ende wilde wasschen sine lede
2272	II 955		Hi ontclede hem tier stede		Hi ontcleede hem tier stede		Hi ontclede hem ter stede
2273			Alse die swemmen conde wel		Alse die swemmen conde wel		Alse de swimmen conde wel
2274			Mer teerst dat hi inden stroem vel		Maer tierst dat hi in den stroem vel		Ende tiersten dat hi in den stroom vel
2275			Droechen die stroem wech met ghewout149		Droechen die stroem wech met gewout		Droughene de stroom wech met ghewout
2276			Ende verdranc int water cout		Ende verdranc in dwater cout		Ende hi verdranc int water cout
2277	II 959/1		Die roemsche keiser150 recht in sijn here		Die roemsche keiser84 recht in sijn here
2278	II 959/2		Bleef aldus doet sonder were		Bleef aldus doot sonder were
2279	II 960		Daer rouwe groet ende zerichede		Daer rou groot ende serichede		Daer rouwe groot ende zerichede
2280			Omme dreef al kerstijnhede		Om dreef al kerstenhede		Om dreef al kerstinede
2281			Sijn gheweyde was wt ghedaen		Sijn gheweyde was wt ghedaen		Sijn ghewade was wt ghedaen
2282			Ende sijn lichaem ghesouten saen		Ende sijn lichaem ghesouten saen		Ende zijn lichaem ghesouten zaen
2283			Want het was inder heidine bedwanc		Want het was in der heidene bedwanc		Het was inder heidine beduanc
2284	II 965		Ende die wech was starc ende lanc		Ende die wech was starc ende lanc		Entie wech was starc ende lanc
2285			Ouer busch ende ouer menighe toche		Ouer busch ende ouer menighe toche		Ouer bosch ende ouer roche
2286			Eer men quam tot antyoche		Eer men quam tot antyoche		Eer men quam tote antioche
2287			Daer was hi met groter hauen		Daer was hi mit groter hauen		Daer was hi met groter hauen
2288			Jn sinte pieters kerc begrauen		Jn sinte pieters kerke begrauen		Jn sinte peters kerke begrauen
2289	II 970	¶	Die graue florens van hollant	¶	Die graue florens van hollant		DE graue florans van hollant
2290			Dire mede menighe swaren pant		Diere mede menigen swaren pant		Dier mede meneghen swaren pant
2291			Ghedoecht hadde in dese vaert		Ghedoecht hadde in dese vaert		Ghedoghet hadde in deze vaert
2292			Doer151 gode die ghecruust waert		Dor god die ghecruust waert		Doer gode de ghecrucet waert
2293			Ne leefde niet langhe hier naer		Ne leefde niet lange hier naer		Ne leuede niet langhe daer naer
2294	II 975		Hi starf tantiochen152 ende daer		Hi starf tantyochen ende daer		Hi starf tantiochem ende daer
2295			Wart hi begrauen op enen dach		Wart hi begrauen op eenen dach		Wort hi begrauen op enen dach
2296			Niet verre van danen die keiser lach		Niet verre van danen die keiser lach		Niet verre van daer de keiser lach
vorige 50 regels   | volgende 50 regels | Ga naar regel
		149: wout achter de volgende regel 150: k’ 151: e verbeterd uit o 152: i verbeterd uit iets anders		84: .k’.		83: lombarde I ter hoogte van drie regels