Rijmkroniek van Holland (366-1305)

e verbeterd uit o i verbeterd uit iets anders rade achter de volgende regel wijf boven de regel toegevoegd met verwijsteken tussen Sijn en was

Vergelijk regels 2282 tot en met 2331

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
2282			Ende sijn lichaem ghesouten saen		Ende sijn lichaem ghesouten saen		Ende zijn lichaem ghesouten zaen
2283			Want het was inder heidine bedwanc		Want het was in der heidene bedwanc		Het was inder heidine beduanc
2284	II 965		Ende die wech was starc ende lanc		Ende die wech was starc ende lanc		Entie wech was starc ende lanc
2285			Ouer busch ende ouer menighe toche		Ouer busch ende ouer menighe toche		Ouer bosch ende ouer roche
2286			Eer men quam tot antyoche		Eer men quam tot antyoche		Eer men quam tote antioche
2287			Daer was hi met groter hauen		Daer was hi mit groter hauen		Daer was hi met groter hauen
2288			Jn sinte pieters kerc begrauen		Jn sinte pieters kerke begrauen		Jn sinte peters kerke begrauen
2289	II 970	¶	Die graue florens van hollant	¶	Die graue florens van hollant		DE graue florans van hollant
2290			Dire mede menighe swaren pant		Diere mede menigen swaren pant		Dier mede meneghen swaren pant
2291			Ghedoecht hadde in dese vaert		Ghedoecht hadde in dese vaert		Ghedoghet hadde in deze vaert
2292			Doer151 gode die ghecruust waert		Dor god die ghecruust waert		Doer gode de ghecrucet waert
2293			Ne leefde niet langhe hier naer		Ne leefde niet lange hier naer		Ne leuede niet langhe daer naer
2294	II 975		Hi starf tantiochen152 ende daer		Hi starf tantyochen ende daer		Hi starf tantiochem ende daer
2295			Wart hi begrauen op enen dach		Wart hi begrauen op eenen dach		Wort hi begrauen op enen dach
2296			Niet verre van danen die keiser lach		Niet verre van danen die keiser lach		Niet verre van daer de keiser lach
2297			Daer theer an nam grote scade		Daer theer an nam grote scade		Daer there nam groten scade
2298			Want hi was stout ende wijs van rade153		Want hi was stout ende wijs van rade		Want hi was stout ende wijs van rade
2299	II 980		Ende van kerstine manieren		Ende van kerstenen manieren		Ende van kerstinen manieren
2300			Meer dan ic can visieren		Meer dan ic can visieren		Meer dan ic v can visieren
2301			Storuen daer lude ghemene		Storuen daer die lude gemene		Storuen daer lude ghemene
2302			Grote heren ende daer toe clene		Grote heren ende daer toe clene		Grote heren ende daer toe clene
2303			Want si had den hongher ghehat		Want si hadden honger gehat		Want si hadden hongher ghehat
2304	II 985		Ende aten hem daer alte zat		Ende aten hem daer alte sat		Ende aten hem daer alte zat
2305			Dies wart there zeer ondaen		Dus wart there sere ontaen		Dies was theer seer ondaen
2306			Graue florens heb wi verstaen		Graue florens hebben wi uerstaen		Graue florans hebben wi verstaen
2307			Starf metten keyser vrederike		Starf mitten keyser vrederike		Starf metten keiser vredelike
2308			Jnt iaer ons heren zekerlike		Jnt iaer ons heren sekerlike		Jnt iaer ons heren zekerlike
2309	II 990		Xic ende xc iaer		Xic. ende .xc. iaer		.Xjc. ende neghentich iaer
2310			Ende was graue van hollant vorwaer		Ende was graue van hollant vor waer		Graue van hollant was hi vorwaer
2311			Xxxiij iaer met eren		Xxxiij. iaer met eren		.Xxxiij. iaer met eren
2312			Sijn wijf154 was als ons die yeeste leren		Sijn wijf was als ons die ieste leren		Sijn wijf was als de gheesten leren
2313			Van scotlant ada die grauinne		Van scotlant ada die grauinne		Van scotlant ade de grauinne
2314	II 995		Die wan an haer als ict kinne		Die wan an hare als ict kinne		Die wan an haer als ict bekenne
2315			Diederic die hier voren staet		Diederic die hier voren staet		Diedrike de hier voren staet
2316			Hi dede menighe vrome daet		Hi dede menighe vrome daet
2317							Dien dat graefscap in hant gaet
2318							Die vrouwe aleiden had van cleuen
2319							Als hier te voren staet bescreuen
2320	II 1000		Ende enen andren die willem hiet		Ende enen anderen die willem hiet		Ende enen anderen de willam hiet
2321			Dienode van sinen vader sciet		Die node van sinen vader sciet		Die node van sinen vader sciet
2322			Want hi den vader volchde naer		Want hi den vader volgede naer		Want hi den vader volghede naer
2323			Jn al die vrese in al die vaer		Jn al die vrese in al die vaer		Jn alle die pine in alle den vaer
2324			Die hi hadde in domme vaert		Die hadde in dommen vaert		Die hi hadde in domme vaert
2325	II 1005		Ten arme sinte iorijs waert		Ten armen sente iorijs waert		Ten arme sinte ioris waert
2326			Ende hi was tantyochen mede		Ende hi was tantyochen mede		Ende hi was tantiochem mede
2327			Aldaer hi starf indie stede		Al daer hi starf in die stede		Aldaer hi starf in de stede
2328			Ende doe hi had den vader verloren		Ende doe hi hadde den vader verloren		Ende doe hi hadde de vader verloren
2329			Heuetten met hem vercoren		Heuetten met hem vercoren		Heeften met hem vercoren
2330	II 1010		Des keisers sone bouen vele grauen		Des keisers sone bouen vele grauen		Des keiser zone bouen vele grauen
2331			Hi die hertoghe was van swauen		Hi die hertoghe was van swauen		Hi de hertoghe was van zwauen
vorige 50 regels   | volgende 50 regels | Ga naar regel
		151: e verbeterd uit o 152: i verbeterd uit iets anders 153: rade achter de volgende regel 154: wijf boven de regel toegevoegd met verwijsteken tussen Sijn en was