Rijmkroniek van Holland (366-1305)

Contact

verzen 2342 en 2343 in omgekeerde volgorde, met de juiste rangschikking aangegeven door de kleine letters a en b in de marge vóór de regels was achter de volgende regel de eind-s half op een geradeerde andere letter, mogelijk een e onder de kolom in de marge de custode Die .ij. coninghen daer quamen in de marge vóór de lombarde een representant n de e verbeterd uit iets anders, mogelijk uit een o

Vergelijk regels 2329 tot en met 2378

			Handschrift C (ga naar pagina)		Handschrift B (ga naar pagina)	Handschrift A (ga naar pagina)




2329			Heuetten met hem vercoren		Heuetten met hem vercoren	Heeften met hem vercoren

2330	II 1010		Des keisers sone bouen vele grauen		Des keisers sone bouen vele grauen	Des keiser zone bouen vele grauen

2331			Hi die hertoghe was van swauen		Hi die hertoghe was van swauen	Hi de hertoghe was van zwauen

2332			Om sine grote vromichede		Om sine grote vromichede	Om sine grote vromichede

2333			Ende voerde met hem takers mede		Ende voerden met hem takers mede	Ende voerden met hem takers mede

2334			Mer die hertoghe starf aldaer		Maer die hertoge starf al daer	Maer de hertoghe starf aldaer

2335	II 1015		Alsmen screef xci iaer		Alsmen screef .xci. iaer	Als men screef .xci. iaer

2336			Ende xi^c int incarnatioen		Ende .xi^c. int incarnatioen	Ende .xj^c. in carnacioen

2337			Jnt selue orloge int selue doen		Jnt selue orloghe int selue doen	Jnt selue orloghe int selue doen

2338			Starf oec takers vor die stede		Starf oec takers vor die stede	Starf oec takers voer de stede

2339			Philips die graue van vlaendren mede		Philips die graue van vlaenderen mede	Philips de graue van vlaendren mede

2340	II 1020		Van iunius opten eersten dach		Van iunius opten eersten dach	Jn iunius op den iersten dach

2341			Opten tienden diere na lach		Opten tienden diere na lach	Op den tienden diere na lach

2342			Opten dach sinte barnabas¹⁵⁵		Opten dach sente barnabas	Op den dach sente barnabas

2343			Leestmen dat akers ghewonnen was¹⁵⁶		Leestmen dat akers gewonnen was	Leestemen dat akers ghewonnen was

2344			Dat bi naer als wijt weten		Dat bi naer als wijt weten	Dat binaer als wijt weten

2345	II 1025		Twee iaer had sijn beseten		Twee iaer hadde sijn beseten	Twe iaer hadde ghesijn beseten

2346			Eer rijchaert ende philips te zamen		Eer rijchaert ende philips tsamen⁸⁵	Eer philips ende richaerd te samen

2347			Die .ij. coninghen daer quamen		Die ij. coninghen daer quamen	Die twe coninghe aldaer quamen

2348			Nv florens sophien sone		NV⁸⁶ florens sophien sone	Nv florens soffien zone

2349			Tantyochen starf als die gone		Tantyochen starf als die gone	Tantiochem starf als de gone

2350	II 1030		Die porrede van sinen lande		Die porrede van sinen lande	De porrede van sinen lande

2351			Om te wreken ons heren scande		Om te wreken ons heren scande	Om te wrekene ons heren scande

2352			Bleef diederic sijn sone graue		Bleef diederic sijn sone graue	Bleef dideric sijn zone graue

2353			Willem daer ic eerst sprac aue		Willem daer ic eerst sprac aue	Willem daer ic eer sprac aue

2354			Als sijn vader doet was bleuen		Als sijn vader doot was bleuen	Als sijn vader doot was bleuen

2355	II 1035		Ende sijn meester die hem ghegheuen		Ende sijn meester die hem gegeuen	Ende sijn meester de hem ghegheuen

2356			Gaerne hadde vele hauen		Garne hadde vele hauen	Wel gherne hadde vele hauen

2357			Dat was die hertoghe van zwauen		Dat was die hertoghe van zwauen	Dat was de hertoghe van zwauen

2358			So tide hi te lande waert		Soe tide hi te lande waert	So tijdde hi te lande waert

2359			Als die daer comen begaert		Als die daer comen begaert	Als de daer comen begaert

2360	II 1040		Daer hi gaerne wesen soude		Daer hi garne wesen soude	Daer hi gherne wezen soude

2361			Onder sijns¹⁵⁷ selue broeder houde		Onder sijns selfs broeder houde	Onder sijns sels broeder behoude

2362			Ende es aldus te lande comen		Ende is aldus te lande comen	Ende is aldus te lande comen

2363			Wel ontfanghen vanden somen		Wel ontfangen vanden somen	Wel ontfanghen van hem somen

2364			Vanden graue diederike		Vanden graue diederike	Van den graue diedrike

2365	II 1045		Was hi ontfanghen broederlike		Was hi ontfanghen broederlike	Was hi ontfanghen broederlike

2366			Mer niet langhe stont die minne		Maer niet langhe stont die minne	Maer niet langhe stont de minne

2367			Diederic ne keerde van zinne		Diederic ne keerde van sinne	Diedric en verkeerde van zinne

2368			So dats willem wart gheware		Soe dats willem⁸⁷ wart gheware	So dats willam wort gheware

2369			Ende hi nam thant aldare		Ende hi nam thant al dare	Ende hi nam te hant al dare

2370	II 1050		Some dies hem waren hout		Some dies hem waren hout	Some dees hem waren hout

2371			Ende hi vloe in sijn behout		Ende hi vloe in sijn behout	Ende hi vlo in sijn behout

2372			Toten vriesen van drechter lant		Toten vriesen van drechter lant	Toten vriesen van drechter lant

2373			Diene ontfinghen altehant		Diene ontfenghen alte hant	Diene ontfinghen alte hant

2374			Bi hare helpe bi haren rade		By hare hulpe bi haren rade	Bi haerre helpen bi haren rade

2375	II 1055		Dede hi den broeder dicke scade		Dede hi den broeder dicke scade	Dede hi den broeder dicke scade

2376		¶	Om dit te wreken quam tier stonde	¶	Om dit te wreken quam tier stonde	Om dit te wreken quam tier stonde

2377			Grauinne alijt tot egmonde		Grauinne alijt tot egmonde	Grauinne aleid tote egmonde

2378			Den cloester te groter scade		Den cloester ter groter scade	Den clooster ter groter scade

vorige 50 regels \| volgende 50 regels \| Ga naar regel
		155: verzen 2342 en 2343 in omgekeerde volgorde, met de juiste rangschikking aangegeven door de kleine letters a en b in de marge vóór de regels 156: was achter de volgende regel 157: de eind-s half op een geradeerde andere letter, mogelijk een e		85: onder de kolom in de marge de custode Die .ij. coninghen daer quamen 86: in de marge vóór de lombarde een representant n 87: de e verbeterd uit iets anders, mogelijk uit een o