Rijmkroniek van Holland (366-1305)

Contact

de i is de diagonale aanzet van een andere letter, waarschijnlijk een w of v de eerste e verbeterd uit iets anders ren achter de volgende regel der achter de volgende regel doeter met een verticaal streepje tussen e en t om de woorden te scheiden bleef achter de volgende regel holl’. na de f een geëxpungeerde s

Vergelijk regels 2553 tot en met 2602

			Handschrift C (ga naar pagina)		Handschrift B (ga naar pagina)	Handschrift A (ga naar pagina)




2553			Coninc rijchaert van inghelant		Coninc rijchaert van ingelant	Coninc richaert van inghelant

2554			Ende van hollant graue diederike		Ende van hollant⁹³ den graue diederike	Ende van hollant graue didrike

2555			Den graue van vlaendren des ghelike		Den graue van vlaenderen des gelike	Den graue van vlaendren des ghelike

2556	II 1235		Met cracht ende met groter haue		Met craft ende met groter haue	Met crachte ende met groter haue

2557			Brochte hi van potyers den graue		Brochte hi van potyers den graue	Brochte hi van poitiers den graue

2558			Otten inden stoel tot aken		Otten in den stoel tot aken	Otten in den stoel tot aken

2559			Ende lieten aldus coninc maken		Ende lieten aldus coninc maken	Ende lieten aldus coninc maken

2560			Filips had scoenre inden rike		Fylips hadde scoenre in sijn rike	Philips hadt scoenre inden rike

2561	II 1240		Mer hi wart daer na cortelike		Maer hi wart daer na cortelike	Maer hi wart daer na cortelike

2562			Ghesleghen doet in zine sale		Ghesleghen doot in sine zale	Ghesleghen doot in zine zale

2563			Van enen graue gheboren wale		Van enen graue gheboren wale	Van enen graue gheboren wale

2564		¶	Drie dochtren sijn van hem bleuen	¶	Drie dochtren sijn van hem bleuen	Dre dochteren sijn van hem bleuen

2565			Dene was in behem ghegheuen		Dene was in behem gegeuen	Die ene was in beheem ghegeuen

2566	II 1245		Die zident den coninc droech		Die sident den coninc droech	Die seder oec den coninc droech

2567			Die den coninc roedolf sloech		Die den coninc roedolf⁹⁴ sloech	De den coninc roedolf sloech

2568		¶	Dander was in spangen ghesent	¶	Dander was in spangen gesent	Dander was in spaengen ghesent

2569			Daer dit oer of quam alsment kent		Daer dit oer a quam alsment kent	Daer dit oer of quam als ment kent

2570			Dat nv die spanssche crone draecht		Dat nv die spaensche crone draecht	Dat nu de spaensche crone draghet

2571	II 1250	¶	Jn brabant quam die derde maecht	¶	Jn brabant quam die derde maecht	Jn brabant quam de derde maghet

2572			Die den aerdschen heynric wan		Die den ardschen heinric wan	Die den lesten henric wan

2573			Sijn sone hiet hertoghe ian¹⁷³		Sijn sone hiet hertoghe ian	Sijn sone hiet hertoghe ian

2574			Nu wil ic te mijnre materien¹⁷⁴ keren¹⁷⁵		Nv willic te mijnre natueren keren	Nv willic te mier materien keren

2575			Ende voert van onse grauen leren		Ende voert van onsen graue leren	Ende vort van onsen grauen leren

2576	II 1255	¶	Graue willem van oestvrieslant	¶	Graue willem van oest vrieslant	Graue willem van oest vrieslant

2577			Als hi sijn goet hadde in hant		Als hi sijn goet hadde in hant	Als hi sijn goet hadde inde hant

2578			Soet hem hiervoer gaf sijn broeder¹⁷⁶		Soet hem hier voer gaf sijn broeder	Alst hem hier voeren gaf de broeder

2579			Keerde hi hier ouer tsire moeder		Keerde hi hier ouer tsiere moeder	Kerde hi hier ouer tsiere moeder

2580			Ter grauinnen diene wel ontfinc		Ter grauinnen diene wel ontfinc	Grauinne ade diene wel ontfinc

2581	II 1260		Mer si riet hem eenen dinc		Maer si riet hem een dinc	Maer soe riet hem ene dinc

2582			Also lief als hi heuet sijn eren		Alsoe lief alse hi heuet sijn eere	Also lief alse hi heuet sijn ere

2583			Dat hi ten broeder niet en kere		Dat hi ten broeder niet en kere	Dat hi ten broeder niet ne kere

2584			Hi ware gheuaen al sonder vorst		Hi ware geuaen al sonder vorst	Hi ware ghevanghen sonder vorst

2585			Nu lach sijn broeder doe ter¹⁷⁷ horst		Nv lach sijn broeder doe ter horst	Doe lach sijn broeder toter horst

2586	II 1265		Als die noch hilt ouer recht		Als die noch hielt ouer recht	Als de noch toe hilt ouer recht

2587			Die voechdie van vtrecht		Die voechdie van vtrecht	De voghede van vtrech

2588			Ende was int selue iaer dat doet bleef¹⁷⁸		Ende was int selue iaer dat doot bleef	Ende was int selue iaer dat doot bleef

2589			Keiser heynric als ic screef		Keyser heinric alsic screef	Keiser heinric als ic screef

2590			Mer so wat datmen hem riet		Maer soe wat dat men hem riet	Maer so wat dat men hem riet

2591	II 1270		Dat ne mochte dieden niet		Dat ne mochte dieden niet	Dat ne diedde algader niet

2592			Hine woude sinen broeder sien		Hine woude sinen broeder sien	Hine woude sinen broeder sien

2593			Ter horst so quam hi mettien		Ter horst soe quam hi mettien	Ter horst quam hi toe mettien

2594			Daerne die broeder op dien dach		Daer ne die broeder optien dach	Daer ne de broeder opden dach

2595			Niet lieflike ane sach		Niet liefelike ane en sach	Niet lieflike aen en zach

2596	II 1275		Want sijn viant heynric die crane		Want sijn viant heinric die graue	Want sijn viant heinric de crane

2597			Vinken daert die broeder sach ane		Vincken daert die broeder sach ane	Vinghene daert de broeder sach ane

2598			Diere niet ieghen en seghet		Diere niet iegen en seghet	Diere teghen niet en zeghet

2599			Hi heeften int prisoen gheleghen		Hi heeften int prisoen gheleget	Ende heeften int prisoen gheleget

2600			Doch so is hi ontlopen dane		Doch soe is hi ontlopen dane	Doch es hi ontlopen dane

2601	II 1280		Ende quam den graue van ghelre ane		Ende quam den graue van ghelre ane	Ende quam den graue van gelre ane

2602			Daer hi seker onthout vant		Daer hi seker onthout vant	Daer hi seker onthout vant

vorige 50 regels \| volgende 50 regels \| Ga naar regel
		173: de i is de diagonale aanzet van een andere letter, waarschijnlijk een w of v 174: de eerste e verbeterd uit iets anders 175: ren achter de volgende regel 176: der achter de volgende regel 177: doeter met een verticaal streepje tussen e en t om de woorden te scheiden 178: bleef achter de volgende regel		93: holl’. 94: na de f een geëxpungeerde s