Rijmkroniek van Holland (366-1305)

Contact

t verbeterd uit iets anders quam later, met lichtere inkt, boven de regel toegevoegd boven de r de aanzet van een bovenschacht d verbeterd uit een rechte stok a verbeterd uit e verzen 2671 en 2672 in omgekeerde volgorde, met de juiste rangschikking aangegeven door kleine letters a en b in de marge vóór de regels r verbeterd uit e t verbeterd uit iets anders, mogelijk uit een n t verbeterd uit een bovenschacht v verbeterd uit w door de eerste haal daarvan te expungeren de eerste e verbeterd uit een rechte stok

Vergelijk regels 2631 tot en met 2680

			Handschrift C (ga naar pagina)		Handschrift B (ga naar pagina)		Handschrift A (ga naar pagina)




2631	II 1310		Quam een ridder van dode te liue		Quam een ridder van dode te liue		Quam .i. ridder van dode te liue

2632			In vermendoys die openbare		In vormendoys die openbare		Jn vermendois de openbare

2633			Sprac vele dat te sciene ware		Sprac vele dat te ghesciene ware		Sprac vele dat te ghesciene ware

2634		¶	Alsmen screef xcix iaer	¶	Alsmen screef .xcix. iaer		Als men scref .xcix iaer.

2635			Ende xi^c doe belach zwaer		Ende .xi^c. doe belach zwaer		Ende elf. hondert doe belach zwaer

2636	II 1315		Coninc rijchaert van inghelant		Coninc rijchaert van ingelant		Coninc richaert van inghelant

2637			Bi limogien. als .i. stout viant		By linogien als een stout viant		Bi lymogien als .i. stout viant

2638			Een burch vast ende groet		Een boerch vast ende groot		Ene borch vast ende groot

2639			Ende wort ghescoten¹⁸³ doet		Ende wort ghescoten doot		Ende was daer voren ghescoten doot

2640			Tote romen was hi begrauen		Tote romen was hi begrauen		Ende tote rueme was hi begrauen

2641	II 1320		Van sinen rike van sire hauen		Van sinen rike van sijnre hauen		Van ziere rikeit van siere hauen

2642			So bleef oer sijn broeder ian		Soe bleef oer sijn broeder ian		So bleef oir sijn broeder ian

2643			Een sochte goedertieren man		Een sochte goedetieren man		Een sachte goedertieren man

2644			Die verloes des lands so vele		Die verloos des lants soe vele		Die verloos des lants so vele

2645			Dat noch gaet al vten spele		Dat noch gaet al vten spele		Dat noch gaet al vten spele

2646	II 1325		Als noermandie ende des ghelike		Alse normandie ende des gelike		Als normandien ende des ghelike

2647			Dese ian wan coninc heynrike		Dese ian wan coninc heinrike		Dese wan den coninc heinrike

2648			Ende heynric wan eduwaerde		Ende heinric wan eduwaerde		Ende henric wan edwarde

2649			Die al nv met sinen swaerde		Die al nv met sinen swaerde		De al nv met sinen zwarde

2650			Tlant van waels heuet onderdaen		Tlant van waels heuet onderdaen		Tlant van wales heeft onder ghedaen

2651	II 1330		Ende noch crone draecht sonder waen		Ende noch crone draecht sonder waen		Ende noch crone draghet sonder waen

2652		¶	Jnt iaer gods xij^c ende twee	¶	Jnt iaer gods .xij^c. ende twee		Jnt iaer goods .xij^c. en twee

2653			Worden onderlinghe ghevee		Worden onderlinge ghevee⁹⁵		Worden onderlanghe gheuee

2654			Die bisscop diederic van vtrecht		Die bisscop diederic van vtrecht		De bisscop didric van vtrecht

2655			Ende die graue van hollant echt		Ende die graue van hollant echt		Ente graue van hollant echt

2656	II 1335		So dat die graue quam¹⁸⁴ in sijn lant		Soe dat die graue quam in sijn lant		So dat de graue voer insijn lant

2657			Ende stichter in roef¹⁸⁵ ende brant		Ende stichter in roef ende brant		Ende stichter in roof ende brant

2658			Ten lesten wasser vrede ghenomen		Ten lesten wasser vrede genomen		Ten lesten wasser vrede ghenomen

2659			Oec was hem gheuangen comen		Oec was hem gheuangen comen		Oec was hem gheuanghen comen

2660			Des hertoghen broeder willem		Des hertoghen broeder willem		Des hertoghen broeder willem

2661	II 1340		Ende die here van kuuc met hem		Ende die here van kuuc met hem		Ende heer⁸⁷ van kuuc met⁸⁸ hem

2662			Ende riddren ende ander liede		Ende ridderen ende andere liede		Ende riddren ende ander liede

2663			Als den hertoghe dus messciede¹⁸⁶		Als den hertoghe dus messciede		Als den hertoghe dus messciede

2664			Ghewan hi doe an sine side		Ghewan hi doe an sine side		Ghewan hi doe an sine zide

2665			Groet ridderscip tsinen stride		Groot ridderscap tsinen stride		Groot ridderscap ghereet ten stride

2666	II 1345		Van colen vter groter stede		Van colen vter groter stede		Van kuelne der groter stede

2667			Den bisscop van ludic mede		Den bisscop ludic mede		Den bisscop van ludeke mede

2668			Van¹⁸⁷ limburch den hertoghe		Van limboerch den hertoghe		Van limborch den hertoghe

2669			Van vlaendren den graue hoghe		Van vlaenderen den graue hoghe		Van vlaendren den graue hoghe

2670			Ende andre die ic niet can nomen		Ende andre die ic niet can nomen		Ende andre de ic niet can noemen

2671	II 1350		Ende is aldus te huesden comen¹⁸⁸		Ende diederic lach met ouermode		Ende es aldus te huesden comen

2672			Ende diederic lach met ouermoede		Ende es aldus te huesden comen		Daer didric lach met ouer moede

2673			Met luttel volx met cleenre hoede		Met luttel volx met cleenre hode		Met⁸⁹ lettel volcs met cleenre hoede

2674			Ende hi verloes ter seluer tijt		Ende hi uerloos ter seluer tijt		Ende hi verloos ter seluer tijt

2675			Bi sijnre ouermoede den strijt		Bi sijnre ouermoede den strijt		Bi sijnre ouermoet den strijt

2676	II 1355		Ende wort aldaer gheuaen		Ende wort al daer gheuaen		Ende hi wort aldaer gheuaen

2677			Ende gaf eer hi mocht ontgaen		Ende gaf eer hi mochte ontgaen		Ende gaf eer hi mochte ontgaen

2678			Twee M lib. met desen doene		Twee .M. pont met desen doene		Twe dusent pont met desen doene

2679			Was aldaer ghemaect die soene		Was al daer ghemaect die soene⁹⁶		Was aldaer ghemaect de zoene

2680			Jnt Jaer gods xij^c ende drie		Jnt iaer gods .xij^c. ende drie		Jnt iaer ons heren .xij^c. ende dre

vorige 50 regels \| volgende 50 regels \| Ga naar regel
		183: t verbeterd uit iets anders 184: quam later, met lichtere inkt, boven de regel toegevoegd 185: boven de r de aanzet van een bovenschacht 186: d verbeterd uit een rechte stok 187: a verbeterd uit e 188: verzen 2671 en 2672 in omgekeerde volgorde, met de juiste rangschikking aangegeven door kleine letters a en b in de marge vóór de regels		95: v verbeterd uit w door de eerste haal daarvan te expungeren 96: de eerste e verbeterd uit een rechte stok		87: r verbeterd uit e 88: t verbeterd uit iets anders, mogelijk uit een n 89: t verbeterd uit een bovenschacht