Rijmkroniek van Holland (366-1305)

W’den be bovengeschreven naem achter de voorafgaande regel m verbeterd uit iets anders er lijkt eerder alem dan alein te staan bedwanc met de w geëxpungeerd en erboven een r geschreven lombarde ter hoogte van één regel vermoedelijk verbeterd uit Wlden: de tweede l uit waarschijnlijk een d, de d uit n, en de u in tweede instantie tussengeschreven

Vergelijk regels 3046 tot en met 3121

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
3046			Van al des men behoefde doe		Van al des men behoefde doe		Van alle dies men behoeuede doe
3047			Tfolc was blide ende vroe		Tfolc was blide ende vroe		Tfolc was blide ende vro
3048			Om graue lodewic haren graue		Om graue lodewijc haren graue		Om heren lodewijc haren graue
3049			Mer een dinc droech hem den sanc aue		Maer een dinc droech hem den sanc aue		Maer .i. dinc drouch hem den zanc aue
3050	III 305		Want onderlopen waren hem214		Want onderlopen waren hem		Want onder lopen so waren hem
3051			Die heer ysenbrant van haerlem		Die here ysebrant van harlam		Een hiet her ysebrant van haerlem
3052			Ende die here alem215 sijn oem daer toe		Ende die here alem sijn oem daer toe		Ende heer aleyn sijn oem daer toe
3053			Ende waren toutdorp geuangen doe		Ende waren toutdorp geuangen doe		Ende waren tout dorp gheuanghen doe
3054		¶	Hier na quam .i. ander mare	¶	Hier na quam een ander mare		Hier na quam een ander mare
3055	III 310		Dat dat volc van zelant ware		Dat dat volc van zelant ware		Dat dat volc van zelant ware
3056			An graue willem ghesworen dare		Ane graue willem ghesworen dare		An graue willam ghesworen dare
3057			Ende al dat volc van kenemare		Ende al dat volc van kenemare		Ende al dat volc van kenemaer
3058			Te rine ende grauen souden		Te rine ende grauen souden		Ten rine quamen ende grauen zouden
3059			Grachten daer si mede wouden		Graften daer si mede wouden		Grachten daer si mede wouden
3060	III 315		There sluten dat van dien		There sluten dat van dien		There sluten dat van dien
3061			Een man niet soude ontvlien		Een man niet en soude vlien		Een man niet en soude ontflien
3062			Dus so soudemense harde saen		Dus soe soudemense herde saen		Dus so soudemense harde saen
3063			An beide siden daer bestaen		An beiden siden daer bestaen		An beden siden daer bestaen
3064		¶	Graue lodewic die nam raet	¶	Graue lodewijc die nam raet		Graue lodewich de nam raet
3065	III 320		Watmen best doet na dat staet		Watmen best doet na dat staet		Wat men best doet na den staet
3066			So dat hem dochte sonderlinghe		Soe dat hem dochte sonderlinghe		So dat hem dochte sonderlinghe
3067			Best datmen te ghemoete ghinge		Best datmen te ghemoete ghinghe		Best dat men te ghemoete ghinge
3068			Den vianden tote dien gaten		Den vianden toten gaten		Den vianden toten gaten
3069			Daer men weren wilde die straten		Daer men weren wilde die straten		Daer men weren wilde die straten
3070	III 325		Met desen rade sijn gheuaren		Met desen rade sijn si geuaren		Met desen rade sijn si ghevaren
3071			Lieden die wijs van stride waren		Lude die wijs van stride waren		Lude de wijs van stride waren
3072			Te leyden ieghen die kenemaren		Te leyden ieghen die kenemaren		Te leyden tieghen de kenemaren
3073			Ende met coerne ende met ruwaren		Ende met corne ende met ruwaren		Ende met corne ende met ruwaren
3074			Volleden si die niewe gracht		Volleden si die niewe graften		Wulleden99 si de nie gracht
3075	III 330		Die kenemaren met groter cracht		Die kenemaren met groten craften		De kenemaren met groter cracht
3076			Die bouen indie veste waren		Die bouen in die veste waren		De bouen inder vesten waren
3077			Weerden hem met hare scaren		Weerden109 hem met haren scaren		Weerden hem met haren scaren
3078			Mer onberecht ende sonder sin		Maer onberecht110 ende sonder sin		Maer onberecht ende sonder sijn
3079			Vochten si also vele te min		Vochten si alsoe vele te min		Mochten si also vele te min
3080	III 335		Diede haer ouermoede		Diede hare ouermoede		Diedde haer ouermoede
3081			Dandre vochten inder hoede		Dander vochten inder hoede		Dandre vochten inder hoede
3082			Wiselike als dander beste		Wiselike als dander beste		Wiselike alse dalre beste
3083			Ende wonnen hem of die veste		Ende wonnen hem of die veste		Ende wonnen hem of de veste
3084			Oec waren si also begrepen		Oec waren si alsoe begrepen		Oec waren si also begrepen
3085	III 340		Dat si weder tot die scepen		Dat si weder tot die scepen		Dat si weder toten scepen
3086			Ne conden comen mitter vaert		Ne conden comen mitter vaert		Ne conden comen metter vaert
3087			Doe liepen si ter brugghen waert		Doe liepen si ter bruggen waert		Doe liepen si ter brugghe waert
3088			Die te inghe was ende te cranc		Die te inghe was ende te cranc		Die te enghe was ente cranc
3089			Onder also swaer bedranc216		Onder alsoe swaer bedranc		Onder also swaer bedwanc
3090	III 345		Want die viande streden hem an		Want die viande streden hem an		Want de vianden streden hem an
3091			Die brugghe brac daer menich man		Die brugge brac daer menich man		Die brugghe brac daer menich man
3092			Vallen moste. ende versmoren		Vallen moeste ende versmoren		Vallen moste ende versmoren
3093			Philips van wassenaer siet verloren		Philips van wassenaer siet uerloren		Philips van wassenaer ziet verloren
3094			Ende ontvlo metten sinen saen		Ende ontfloe mitten sinen saen		Ende ontflo metten zinen saen
3095	III 350		Els wort versleghen ende gheuaen		Els wort gheslegen ende geuaen		Els wort ghesleghen ende gheuaen
3096			Her wouter ende her aelbrecht		Her wouter ende her aelbrecht		Heer wouter ende heer aelbrecht
3097			Die sijn oec ontweken echt		Die sijn oec ontweken echt		Die sijn oec ontweken echt
3098			Met haren met groter cracht		Met haren ende met groter craft		Metten haren met groter cracht
3099			Her willem van teylinghe vacht		Her willem van teylinghen vacht		Her willam van teilinghen vacht
3100	III 355		Ende die sine manne ende neuen		Ende die sine manne ende neuen		Entie sine manne ende neuen
3101			Doch so mosten si hem op gheuen		Doch soe moeten si hem op geuen		Doch so mosten si hem op gheuen
3102			Ende waren daer gheuaen		Ende waren daer gheuaen		Ende worden daer gheuaen
3103			Die kenemaer ende sijn ondaen		Die kenemaren ende sijn ondaen		Die kenmaren sijn ondaen
3104			Ende lieten daer goet ende liede		Ende lieten daer goet ende liede		Ende lieten daer goet ende liede
3105	III 360		Haer haest dedet dat hem messciede		Haer haest dede dat haer messciede		Haer haest dede dat hem messciede
3106			Ende oec dat si ne daden niet		Ende oec dat si ne daden niet		Ende dat si oec en daden niet
3107			Dat hem die graue willem riet		Dat hem die graue willem hiet		Dat hem de graue willem hiet
3108			Die wilde datmen ghenen wijch ne naem		Die wilde datmen ne genen wijch ne naem111		De wilde dat hi ghenen wich name
3109			Eer hi selue ende sijn volc quaem		Eerhi selue ende sijn volc quaem		Eer hi selue ende sijn volc quame
3110	III 365	¶	Lodewijc keert te voerscoten vro	¶	Lodewijc keert te voerscoten vroe		Lodewijc keert te vorscoten vro
3111			Als dient gheuallen is so		Als dient gheuallen is soe		Als dient gheuallen is also
3112			Met roue ende met sine gheuane		Met rouen ende met sinen gheuane		Met roue ende met sine gheuane
3113			Nu waent hi wel voert ane		Nv waent hi wel voert ane		Nv waent hi wel voort ane
3114			Seker bliuen int lant		Seker bliuen int lant		Seker bliuen datten viant
3115	III 370		Datten nemmermeer soeke viant		Datten nemmermeer soeke viant		Nummermeer en soect int lant
3116			Mer dauenture heft menighen hoghe		Maer dauontuere heeft menige hoge		Maer dauenture heeft menighen hoghe
3117			Om datse wil dat hi ghedoghe		Om dat si wille dat hi ghedoghe		Om dat si wille dat hi ghedoghe
3118			Den swaren val als sijt ghebiet		Den swaren val als sijt ghebiet		Den swaren val als si dat ziet
3119			Ende dit selue is hem ghesciet		Ende dit selue is hem ghesciet		Ende dat selue es hem ghesciet
3120	III 375		Willem217 die in zeelant was		Willem die in zeelant was		Willem de in zelant was
3121			Als hi die mare verhoerde das		Als hi die mare uerhorde das		Als hi de mare ver hoerde das
vorige 50 regels   | volgende 50 regels | Ga naar regel
		214: m verbeterd uit iets anders 215: er lijkt eerder alem dan alein te staan 216: bedwanc met de w geëxpungeerd en erboven een r geschreven 217: lombarde ter hoogte van één regel		109: W’den 110: be bovengeschreven 111: naem achter de voorafgaande regel		99: vermoedelijk verbeterd uit Wlden: de tweede l uit waarschijnlijk een d, de d uit n, en de u in tweede instantie tussengeschreven