Rijmkroniek van Holland (366-1305)

t vermoedelijk verbeterd uit r boven de n een overtollige afkortingsstreep de eerste haal van de w verbeterd uit een rechte stok os verbeterd uit iets anders sal achter de voorafgaande regel

Vergelijk regels 355 tot en met 404

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
355	I 355		Ende ontfinghen sine bede		Ende ontfingen sine bede		Ende ontfinghen sine bede
356			Als recht was ende billic mede		Als recht was ende billic mede		Alst recht was ende billic mede
357			Ende gheuen onsen ghetrouwen man		Ende gheuen onsen ghetrouwen man		Ende gheuen onsen ghetrouwen man
358			Wies name dat staet hier bouen an		Wies name staet hier voren an		Wies name dat staet hier bouen an
359			Metten dienstluden diere in sijn al		Metten dienst luden diere in sijn al		Metten dienstluden diere in sijn al
360	I 360		Ende diemen daer noch in hebben sal		Ende die men daer noch in hebben zal		Ende diemer noch in hebben sal
361			Ghemeenlike datmen hier bouen seide		Ghemeenlike dat men hier bouen zeide		Ghemeenlike datmen hier bouen seide
362			Met bosch41 mersch water ende weide		Met busch merch water ende heide		Met bossche meersche water ende weide
363			Wi heten ende ghebieden dit		Wi heten ende ghebieden dit		Wi heten ende ghebieden dit
364			Gheliker wijs als hi besit		Gheliker wijs als hi besit		Gheliker wijs als hi besit
365	I 365		Ander goet ende ander steden		Ander goet ende ander steden		Ander goet ende ander steden
366			Inder gherechter erfachticheden		Jn gherechter arfachticheden		Jn gherechter eerwachticheden
367			Dat hi van onser houeschede		Dat hi van onser houeshede		Dat hi van onser houesscheden
368			Dies ghelike bruken mede		Dies ghelike bruke mede		Des ghelike ghebruke mede
369			Sekerlike te sinen liue		Sekerlike te sinen liue		Sekerlike te sinen liue
370	I 370		Ende so wat dat na hem bliue		Ende so wat dat na hem bliue		Ende so wat so na hem bliue
371			Ende om dat hem sulle bliuen		Ende om dat hem zullen bliuen		Ende om dat hem sulle bliuen
372			So ghebieden wi indit scriuen		So ghebieden wi in dit scriuen		So ghebiede wi in dit scriuen
373			Dat hi vrilic houde ditte		Dat hi vrilic houde dit		Dat hi vrilike houde ditte
374			Ende nutte ende besitte		Ende nutte ende besit		Ende oec mitte ende besitte
375	I 375		Ende hi doe ende ordinere		Ende hi doe ende ordineer		Ende hi doe ende oerdinere
376			Na sinen wille na sinen ghere		Na sinen wille na sinen gheer		Na sinen wille na sinen ghere
377			Daer bi gods ghenadichede		Daer bi goeds ghenadichede		Daer mede bi goeds ghenadichede
378			Dats hem niement doe onvrede		Dats hem niement en doe onvrede		Dats hem niement doe onvrede
379			Ende wi willen dat onse gheuen		Ende wi willen dat onse gheuen		Ende want wi willen dat onse gheuen
380	I 380		Ewelike na onsen leuen		Ewelike na onse leuen		Ewelike na onsen leuen
381			Worde ghehouden sonder breken		Worde ghehouden zonder breken		Woerde ghehouden sonder breken
382			Hebben wire die hant toe gesteken		Hebben wiere die hant toe gesteken		Hebben wire de hant toe ghesteken
383			Ende hieten datment segelen zoude		Ende hieten19 dat ment zegelen20 zoude		Ende hieten dat ment seghelen soude
384			Met onsen vingherlijn van goude		Met onsen vingerlijn van goude		Met onsen vingherlijn van goude
385	I 385		Ghegheuen in ons heren iaer		Ghegheuen in ons heeren iaer		Ghegheuen in ons heren iaer
386			Viijc ende daer naer		.ViijC. ende daer naer		Achte hondert ende daer naer
387			Drief warf xx ende .iij. mede		Drie warf twintich ende .iij. mede		Driewerf twintich ende .iij. mede
388			Tote bladele teenre stede		Tote bladele teenre stede		Tote bladele tere stede
389			Dats .i. dorp dat soe heet		Dats een dorp dat so heet		Dat een dorp is ende so heet
390	I 390		Neghen daghe alsmen weet		Negen daghen als men weet		Neghen daghe als ment weet
391			Voer midzomer sinte ians dach		Voer midde zomer sinte ians dach		Voor midde zomer sinte ians dach
392			Als sine ghebornesse lach		Als sine gheboernesse lach		Als sine gheboernesse lach
393			Dus als wijt connen gheuinden		Dus als wijt connen ghevinden		Dus als wijt connen bevinden
394			So begonst hem eerst onderwinden		So begonst hem eerst onderwinden		Be gonstem eerst onder winden
395	I 395		Hollant dattet graue ontfinc		Hollant dattet graue ontfinc		Hollant dattet graue ontfinc
396			Noch gheuel na dese dinc		Noch gheuel na desen dinc		Noch gheviel na dese dinc
397			Dat des karels kalewen broeder		Dat des kaerls kalewen broeder		Dattes kaerlen kaelwen20 broeder
398			Die coninc was ende behoeder		Die coninc was ende behoeder		De coninc was ende behoeder
399			Ouer aelmangien alsmen las		Ouer almaengen als men las		Ouer aelmaenghen als men las
400	I 400		Hier voren daer sijns gewagen was		Hier voren daer sijns ghewagen was		Hier voren daer sijns ghewagen was
401			Desen seluen dederike		Desen zeluen dederike		Desen seluen diderike
402			Hi gaf hem ende maecte rike		Hi gaf hem ende maecten rike		Gaf hi ende makeden rike
403			Daer ic of die hantveste al		Daer ic of die hantueste al		Daer ic of de hantveste al
404			Jn duutsche woort ontbinden sal42		Jn duutsche wort ontbinden zal		Jn duutsche woort ombinden sal
vorige 50 regels   | volgende 50 regels | Ga naar regel
		41: os verbeterd uit iets anders 42: sal achter de voorafgaande regel		19: t vermoedelijk verbeterd uit r 20: boven de n een overtollige afkortingsstreep		20: de eerste haal van de w verbeterd uit een rechte stok