Rijmkroniek van Holland (366-1305)

er staat eerder louen dan lonen dochte achter de volgende regel na de d een doorgestreepte e w verbeterd uit z c boven het woord geschreven en een verwijsteken tussen s en a

Vergelijk regels 4839 tot en met 4888

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
4839			Ende gaderde dat hi gaderen mochten		Ende gaderde dat hi gaderen mochte		Ende gaderde wat hi gaderen mochte
4840			Tthuys tontsetten was sijn ghedochte300		Thuus tontsetten want sijn ghedochte		Thuys tontsettene was sijn ghedochte
4841	IV 335		Ende quam te lonen op enen dach		Ende quam te louen162 op eenen dach		Ende quam te loenen op enen dach
4842			Als tsgrauen volc dat versach		Alst tsgrauen volc dat versach		Doe sgrauen volc dat versach
4843			Bespraken si hem ende berieden		Bespraken si hem ende berieden		Bespraken si hem ende berieden
4844			Dat si een deel van haren lieden		Dat si een deel van haren lieden		Dat si een deel van haren lieden
4845			Lieten ligghen vorden casteel		Lieten legghen vorden casteel		Lieten ligghen voer deen casteel
4846	IV 340		Ende voeren ouer met volx een deel		Ende voeren ouer met volx een deel		Ende voeren voert met volc .i. deel
4847			Dandre hadden volx so vele		Dandre hadden volcx so vele		Dandre hadden volcs so vele
4848			Dat onghelike sceen tsulken spele		Dat onghelike sceen tsulken spele		Dat onghelike sceen te sulken spele
4849			Doe si haer lieden hadden ghescaert		Doe si haer luden hadden ghescaert		Doe si haer lieden hadden ghescaert
4850			Ghinghen si voert onueruaert		Ghinghen si voert onueruaert		Ghinghen si uoert onueruaert
4851	IV 345		Die selue lieden die daer waren		Die selue lude die daer waren		Die selue lieden deder waren
4852			Ende doeruochten ghene scaren		Ende doervochten ghene scaren		Ende door vochten dandre scaren
4853			Daer wart haer ghisebrecht gheuaen		Daer wart her ghisebrecht gheuaen		Daer wort heer ghisebrecht gheuaen
4854			Dander waren also ondaen		Die ander waren so ontdaen		Dandre worden also ondaen
4855			Ende ghesconfiert altemale		Ende ghescofiert alte male		Ende ghesconfiert alte male
4856	IV 350		Wat holpe hier of langhe tale		Wat hulpe hier of langhe tale		Wat holpe hier op langhe tale
4857			Men brochte heren ghisebrecht voert		Men brochte heren ghisebrecht voert		Men brocht heer ghisebrecht vort
4858			Als her aernout dit verhoert		Als her arnout dit verhoert		Als her arnout dit verhort
4859			Sprac hi metten broeder thant		Sprac hi metten broeder te hant		Sprac hi mitten broeder te hant
4860			Ende boet op te gheuen vredelant		Ende boet op te gheuen vredelant		Ende gaf op vredelant
4861	IV 355		Behouden lijf ende lede		Behoude lijf ende lede		Behouden lijf ende lede
4862			Men ontfincken daer ter stede		Men ontfincken daer ter stede		Men ontfinghen daer ter stede
4863			Ende men voerdse in zeelant doe		Ende men voerdse in zeelant doe		Ende voeretse jn zeelant doe
4864			Die graue florens zette toe		Die graue florens settede toe		De graue florens zette toe
4865			Ende belacht thant montfoord301		Ende belach te hant montfoerde		Ende belach te hant montfort
4866	IV 360		Ende bleef ligghen rechte voert		Ende bleef liggende rechte voerde		Ende bleef ligghende rechte vort
4867			Den zomer ende den winter302 dure		Den somer ende den winter doer		Den zomer ende den winter dure
4868			Ende warp hem in te menigher vre		Ende warp hem in te meniger vre		Ende waerp hem in te menegher vre
4869			Menighen swaren bliden steen		Menighen zwaren bliden steen		Meneghen swaren blide steen
4870			Als den ghenen wel sceen		Als den ghenen wel sceen		Alst den ghenen wael sceen
4871	IV 365		Die binder burch waren beseten		Die binnen der borch waren beseten		De binnen der borch waren beseten
4872			Ten lesten most wesen als ghi sult weten		Ten lesten most wesen als ghi sult weten		Jnt tende most sijn als ghi sult weten
4873			Dat si in hant mosten gaen		Dat si in hant mosten gaen		Dat si in hant moesten gaen
4874			Die graue ne woudse niet ontfaen		Die graue ne woudse niet ontfaen		Die graue ne woudse niet ontfaen
4875			Hine mochte mede doen sinen wille		Hine moster mede doen sine wille		Hine mochter mede sinen wille
4876	IV 370		Openbaer lude ende stille		Openbaer lude ende stille		Doen beide lude ende stille
4877			Het verghinc alst wesen soude		HEt verghinc alst wesen soude		HEt verghinc alst wesen zoude
4878			Hi deder mede al dat hi woude		Hi deder mede al dat hi woude		Hi deder mede aldat hi woude
4879			Dat huys dedi doe besetten		Dat huus dedi doe bezetten		Dat huys dede hi doe besetten
4880			Tsinen wille al sonder letten		Te sinen wille al zonder letten		Tsinen wille ende sonder letten
4881	IV 375		Harman bleef vten lande		Harman bleef vten lande		Herman bleef vten lande
4882			Dandre gheuaen al had sijs scande303		Dandre gheuaen al hadden sijs scande		Dander gheuaen al wast hem scande
4883			Menighen dach ende menighe wile		Menighen dach ende menigen wile		Menighen dach ende menighe wile
4884			Daer na gheuelt al sonder ghile		Daer na gheuielt al zonder ghile		Daer na gheuielt al sonder ghile
4885			Dat si versoenden ieghen den graue		Dat si versoenden ieghen den graue		Dat si versoenden teghen den graue
4886	IV 380		Ende sette borghen van groter haue		Ende sette borghe van groter haue		Ende setten borghen van groter haue
4887			Dat si nemmermee so coene		Dat si nemmermee so coen		Dat si nemmermeer so coene
4888			Waren ieghen den graue te doene		Waren ieghen den graue te doen		Waren teghen den graue te doene
vorige 50 regels   | volgende 50 regels | Ga naar regel
		300: dochte achter de volgende regel 301: na de d een doorgestreepte e 302: w verbeterd uit z 303: c boven het woord geschreven en een verwijsteken tussen s en a		162: er staat eerder louen dan lonen