Rijmkroniek van Holland (366-1305)

Contact

g verbeterd uit een rechte stok en verbeterd uit iets anders ij verbeterd uit n de eerste e bovengeschreven hier een bovenschacht e bovengeschreven o verbeterd uit een rechte stok heden achter de volgende regel de eerste e mogelijk verbeterd uit iets anders brocht achter de volgende regel

Vergelijk regels 5696 tot en met 5745

			Handschrift C (ga naar pagina)		Handschrift B (ga naar pagina)		Handschrift A (ga naar pagina)




5696			Daer icse liet ende daer ic aue		Daer icse liet ende dar ic aue		Daer icse liet ende daer ic aue

5697			Began te spreken doe die graue		Beghan te spreken doe die graue		Began te sprekene doe de graue

5698			Comen was vanden coninc		Comen was van den coninc		Comen was vanden coninc

5699	IV 1110		Pijnde hi hem om een dinc		Pijnde hi em om een dijnc²¹²		Pijnde hi hem om ene dinc

5700			Hoe hi dat beste conde geraken		Hoe hi dat beste conde geraken		Hoe hi dat soendinc zoude maken

5701			Dat hi soendinc soude maken		Dat hi soendinc soude maken		Of hi tbeste conde gheraken

5702			Tusschen den heren vanden gestichte		Tusschen den hern van den gestichte		Tusschen den heren van den ghestichte

5703			Dat te doene was niet lichte		Datte doene was niet lichte		Dat de doene was niet lichte

5704	IV 1115		Want hi die van woerden minde		Want hi die van worden mijnde		Want hi de van woerden minde

5705			Ende van aemstel hi oec kinde		Ende van aemstel²¹³ hi oc kinde		Die van amestelle hi oec kinde

5706			Ende die van zulen machtich zere		Ende die van sulen machtich sere		Entie van zulen machtich zere

5707			Hier om pijnde hem dese here		Hier om pijnde hem dese here		Hier omme pijnde hem de here

5708			Dit te bringhen ouer een		Dit te bringhen ouer een		Dit te bringhene ouer een

5709	IV 1120		Alst kenlike daer na sceen		Alst kenlijc daer na schen		Alst cortelike daer na sceen

5710			Bin deser tijt gheuel hem soe		BJnnen deser tijt gheuiel em soe		Binnen deser tijt gheuielt hem so

5711			Des hi met rechte was onvroe		Dat hi met rechte was onvroe		Des hi met rechte was onvro

5712			Dat sijn vrouwe sijn wijf versciet		Dat sin vrou sin wijf versciet		Dat de grauinne sijn wijf versciet

5713			Vander warelt alst god ghebiet		Vander werelt alst god ghebiet		Van deser werelt alst god ghebiet¹⁸²

5714	IV 1125		So moeten wi alle gader doen		Soe moeten wi alle gader doen		Soe moete wi alle gader doen

5715			Alsmen screef tincarnatioen		Als men schref int carnacioen		Als men screef incarnacioen

5716			Ons heren .M. cc mede		Ons heeren M cc mede		Ons heren .M. cc. mede

5717			Ende xcvi teenre stede		Ende xcvi tenre stede		Ende .xcvj. teenre stede

5718			Diemen noch³⁵³ heet indie haghe		Die men noch heet in die hage		De men noch heet de haghe

5719	IV 1130		Recht opten goeden vridaghe		Recht op den guden vridage		Recht op den goeden vridaghe

5720			Alsmen pleghet ons heren doet		Alsmen pleget ons hern doot		Als men pleghet ons heren doot

5721			Te ghedenken met oetmoede groot		Te ghedenken met otmode groot		Te dinkenen met oetmoeden groot

5722			Versciet die vrouwe vanden liue		Versciet ²¹⁴ die vrou van den liue		Versciet de vrouwe van den liue

5723			Die prijs hadde bouen alle wiue		Die prijs hadde bouen alle viue		De prijs hadde bouen andren wiuen

5724	IV 1135		Jn doechden ende in oetmoedicheden		Jn doechden ende in oetmodicheden		Jn dogheden ende in oetmoedicheden

5725			Noch prijstmense opten dach van heden³⁵⁴		Noch prijst mense op den dach van heden		Noch prijsmen opden dach van heden

5726			Die horen ghewach van haren leuen		Die horen gewach van haren leuen		De horen spreken van haren leuene

5727			Hoe lieflic si die begheuen		Hoe lijflijc si die begeuen		Hoe lieflike si de begheuene

5728			Ende al die lieden plach tontfaen		Ende alle die liede plach ontfaen²¹⁵		Ende alde lieden plach ontfaen

5729	IV 1140		Alst aldus was vergaen		Alst aldus was vergan		Alst aldus was vergaen

5730			Most bliuen alst was ghesciet		Moest bliuen alst was gedaen		Most bliuen alst was ghesciet

5731			Die graue ne wilde laten niet		Die graue ne wilde laten niet		De graue wilde laten niet

5732			Hine dede³⁵⁵ die vrouwe doen ter aerde		Hine dede die vrou doen ter arden		Hine dede de vrouwe doen ter erde

5733			Met eren ende met groter waerde		Met eren ende met groter waerden		Met eren ende met groter werde

5734	IV 1145		Te reynsburch leghet si begrauen		Te reynsborch leghet si begrauen		Te reinsborch leget si begrauen

5735			Jn enen cloester van groter hauen		Jn enen cloester van groter hauen		Jn .i. cloester van groter hauen

5736			Daer in wonen zwarte nonnen		Daer inne wonen swarte nonnen		Daer in woenen swerte nonnen

5737			Die lesen ende singhen connen		Die lesen ende singhen connen		De lesen ende singhen connen

5738			Dus was die vrouwe ter aerden brocht³⁵⁶		Dus was die vrou ter arden bracht		Dus was de vrouwe ter erden brocht

5739	IV 1150		Des was die graue wel bedocht		Des was die graue wel bedacht		Des was de graue wel bedocht

5740			Dat hise beghinc also wel		Dat hi se beghinc alsoe wel		Dat hise beginc also wel

5741			Nu hoert vanden verraders fel		Nv horet van den verraders fel		Nv hort vanden verrader fel

5742			Wat si dochten ende wat si rieden		Wat si dochten ende wat si rieden		Wat si dochten ende wat si rieden

5743			Alsmen selue hoerde bedieden		Alsmen selue horde bedieden		Alsmen selue hoort bedieden

5744	IV 1155		Gheraet van velsen den mordenare		Gheraert van velsen den mordenar		Gheraerde van velsen den mordenare

5745			Daer hijs lyede openbare		Daer hijs liede openbaer		Daer hijs liede al openbare¹⁸³

vorige 50 regels \| volgende 50 regels \| Ga naar regel
		353: o verbeterd uit een rechte stok 354: heden achter de volgende regel 355: de eerste e mogelijk verbeterd uit iets anders 356: brocht achter de volgende regel		212: ij verbeterd uit n 213: de eerste e bovengeschreven 214: hier een bovenschacht 215: e bovengeschreven		182: g verbeterd uit een rechte stok 183: en verbeterd uit iets anders