Rijmkroniek van Holland (366-1305)

de tweede d verbeterd uit e de achter de volgende regel lombarde ter hoogte van één regel

Vergelijk regels 5996 tot en met 6031

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
5996	IV 1340		Ende deedse ombieden oec bi namen		Ende deedse ontbieden oec bi namen		Ende omboot si oec bi namen
5997			So dat si quamen alle ghemene		Soe dat si quamen al ghemeen		So dat si quamen alle ghemene
5998			Van beiden siden groet ende clene		Van beiden siden groot ende cleen		Van beiden siden groot ende clene
5999			Ende bleuens op sijn segghen daer		Ende bleuens op sijn segghen daer		Ende bleuens op sijn segghen daer
6000			Doe beriet hi hem daer naer		Doe beriet hi hem daer naer		Doe beriet hi hem daer naer
6001	IV 1345		Dat hi daer so langhe lach		Dat hi daer so lange lach		Dat hi daer so langhe lach
6002			Dat hi recht op enen dach		Dat hi recht op enen dach		Dat hi recht op enen dach
6003			Sijn segghen seide vander soene		Sijn segghen seide vander soene		Sijn segghen seide vander zoene
6004			Nu hoert wat hi achte te doene		Nu hoert wat hi achte te doene		Nv hoert wat hi achte te doene
6005			Om dat hem dochte op die stont		Om dat hem docht op die stont		Om dat hem dochte op de stont
6006	IV 1350		Dat ghelt te groet vc. pont		Dat ghelt te groot vc pont		Tghelt te groot vijf hondert pont
6007			Gaf hi daer toe van sinen goede		Gaf hi daer toe van sinen goede		Gaf hi der toe van sinen goede
6008			Dats hem te bet soude sijn te moede370		Dats hem te bet soude sijn te moede		Dats hem te bet soude sijn te moede
6009			Ende te min souden bescelden		Ende te min soude bescelden		Ende te mijn soude bescelden
6010			Die die penninghen soude ghelden		Die die penninge soude ghelden		Die de penninghe soude gelden
6011	IV 1355		Doet was gheseit ende ghedaen		Doet was gheseit ende gedaen		Doet was gheseghet ende ghedaen
6012			Hiet hi staphans eten gaen		Hiet hi staphans eten gaen		Hiet hi te hants eten gaen
6013			Hi371 deedse alle met hem eten		HJ deedse alle met hem eten		Hi deedse191 alle mit hem eten
6014			Bi sire ziden waren gheseten		By sijnre siden waren geseten		Bi siere side waren gheseten
6015			Harman van woerden ende her ghisebrecht		Harman van woerden ende ghijsbrecht		Herman van woerden ende ghisebrecht
6016	IV 1360		Here van aemstel die ouer recht		Here van aemstel die ouer recht		Van amestelle de ouer recht
6017			Altoes tsijnre taflen saten		Altoes tsire tafel saten		Altoos te siere taefle saten
6018			Ende met hem dronken ende aten		Ende met hem droncken ende aten		Ende met hem aten ende dronken
6019			Dander waren gheseten daer		Dander waren gheseten daer		Dandre waren gheseten daer
6020			Dene voren dander naer		Deen voer ende dander naer		Denen voren dandre naer
6021	IV 1365		Als daer betaemde een yghelike		Als daer betaemde een ygheliken		Als daer betaemde haer ghelike
6022			Men at ende dranc blidelike		Men at ende dranc blidelike		Men at ende dranc daer blidelike
6023			Ouer al inden houe		Ouer al inden houe		Ouer al daer inden houe
6024			Die herberghe was van goeden loue		Die hertoghe was van goeden loue		De herberghe was van goeden loue
6025			Want .i. hoghe auont was		Want een hoghe auont was		Want .i. hoghe auont was
6026	IV 1370		Was mens vele te blider das		Soe wasmen veel te blider das		Was men vele de blider das
6027			Mer dat hof moste sceden		Maer dat hof moeste sceden		Maer dat hof moeste sceiden
6028			Noch eer auont met droefheden		Noch eer auont met droefheden		Eer auont quam met droefheiden
6029			Dat peynsde van woerden die verrader		Dat peinsde van woerden die verrader		Dat pensde van woerden de verrader
6030			Ende sine ghesellen alte gader		Ende sijn ghesellen alle gader		Ende sine ghesellen allegader
6031	IV 1375		Mocht na haren willegaen		Mocht na haren wille gaen		Mocht na haren wille gaen
vorige 50 regels   | volgende 50 regels | Ga naar regel
		370: de achter de volgende regel 371: lombarde ter hoogte van één regel				191: de tweede d verbeterd uit e