Rijmkroniek van Holland (366-1305)

w verbeterd uit iets anders l op rasuur na de t nog een rechte stok, geëxpungeerd c bovengeschreven

Vergelijk regels 6306 tot en met 6355

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
6306			Daer stac hine ten seluen stonden		Daer stac hine ten seluen stonden		Daer stac hine ten seluen stonden
6307	V 65		Metten swaerde doer den liue		Metten zwaerde dor den liue		Metten sweerde dor den liue
6308			Ende gaf hem wonden meer dan viue		Ende gaf hem wonden meer dan viue		Ende gaf hem wonden meer dan viue
6309			Oec stac hine int hert aldaer		Oec stac hine in herte al daer		Oec stac hine int herte dats waer
6310			Datmen vant al openbaer		Dat men vant al openbaer		Dat ment vant al openbaer
6311			Si gauen hem ten seluen stonden		Si gauen hem ten seluen stonden		Si gauen hem ten seluen stonden
6312	V 70		So diepe ende so menighe wonden		So diep ende so menighe wonden		So diepe ende so vele wonden
6313			Dat hi daer den gheest op gaf		Dat hi daer den gheest op gaf		Dat hi daer den gheest op gaf
6314			Eer die van naerden yet wisten daer af		Eer die van naerden yet wisten af		Eer de van naerden wisten der af
6315			Doe sijt vernamen liepen si toe		Doe sijt vernamen liepen si toe		Doe sijt vernamen liepen si toe
6316			Ende gheraerde van velsen was doe		Ende gheraet van velsen was doe		Ende gheraerde van velsen vas doe
6317	V 75		Sijn paert so verre van hem ghegaen		Sijn paert so verre van hem gegaen		Sijn paert so verre van hem ghegaen
6318			Dat hijs niet en mochte vaen		Dat hijs niet ne mochte vaen		Dat hijs niet en mochte vaen
6319			Een sijn knape gaf hem sijn paert		Een sijn knape gaf hem sijn paert		Een sijn kape gaf hem sijn paert
6320			Hi sat op ende ontreet ter vaert		Hi sat op ende ontreet ter vaert		Daer hi mede ontreet ter vaert
6321			So deden si die op paerde waren		So deden si die op paerden waren		So deden de op eerde waren
6322	V 80		Ende die knape wart beuaren		Ende die knape wart gheuaren		Ente knape wert beuaren
6323			Vandien van naerden die niet verbeiden		Van dien van naerden die niet verbeiden		Van dien van naerden de nieten beiden
6324			Dan sine op een rade leyden		Dan sine op eene rade leiden		Dan sine op enen rade leiden
6325			Ende hebben sine lede te broken		Ende hebben sine lede te broken		Ende hebben hem sine lede te broken
6326			Dus wart die graue eerst ghewroken		Dus wart die graue eerst ghewroken		Dus wart de graue eerst ghewroken202
6327	V 85		Alsi den graue dus vonden doet		Alse si den graue dus vonden doot		DOe si den graue vonden doot
6328			Hadden sijs alle rouwe groet		Hadden sijs alle rouwe groet		Hadden si alle rouwe groot
6329			Ende namen den dode met zericheden		Ende namen den doden met zericheden		Ende namen den doden met zericheden
6330			Si droeghen daer vander steden		Si droghen daer vander steden		Si droegene vandeer steden
6331			Ter ander stat daer sine ontcleden		Ter ander stat daer sine ontcleden235		Tere ander stat daer sine ontcleden203
6332	V 90		Ende balsemden ende bereden		Ende balsemden ende bereden		Ende balsmeden ende bereden
6333			Ende leyden in enen scrine		Ende leiden in eene scrine		Ende leidene in een scrine
6334			Des si int herte dogheden pine		Des si int herte dogheden pine		Daer menich mede doghede pine
6335			Ende sceepten cortelic daer naer		Ende sceepten cortelic daer naer		Ende scepeden kortelike daer naer
6336			Ende voerden tot alcmaer		Ende voerden tot alcmaer		Ende voerdene tote alcmaer
6337	V 95		Daer settemen inden chore		Daer settemen in eenen coere		Daer settenmen in den chore
6338			Die wonder horen wil die hore		Die wonder horen wille die hoere		De wonder horen wil de hore
6339			Twee winden waren hem ghegheuen		Twe winden waren hem ghegeuen		Twe winde waren hem ghegheuen
6340			Van een sijnre nichten die bi hem bleuen		Van eenre sijnre nichte die bi hem bleuen		Van .i. siere nichten de bi hem bleuen
6341			Waer hi ghinc of waer hi stont		Waer hi ghinc of waer hi stont		Waer hi ghinc of waer hi stont
6342	V 100		Oec was mi ghemaket cont		Oec was mi ghemaket cont		Oec was mi ghemaect cont
6343			Dat si liepen mede andie vaert		Dat si liepen mede an die vaert		Dat si liepen mede ande vaert
6344			Daer die graue gheuanghen waert		Daer die graue gheuangen waert		Daer de graue gheuanghen waert
6345			Ende liepen mede tote muden		Ende liepen mede tote muden		Ende oec mede al tote muden
6346			Dit marcten ende saghen vele luden		Dit mercten ende saghen vele luden		Dit merkeden ende zaghen vele luden
6347	V 105		Ende bleuen tot op dien dach		Ende bleuen tot op dien dach		Ende bleuen daer toe op deen dach
6348			Datmen hem gaf den doetslach		Datmen hem gaf die dootslach		Dat204 men hem gaf den doot slach
6349			Doe sine voerden liepen si mede		Doe sine voerden liepen si mede		Doe sine voerden liepen si mede
6350			Recht aldaer ter seluer stede		Recht al daer ter seluer stede		Recht aldaer ter seluer stede
6351			Doemen moorde si saghent toe		Doe men moerde si sagen toe		Doe menne moorde si saghen toe
6352	V 110		Als hi was doet si ghinghen doe		Als hi was doot si ghingen doe		Als hi doot was si ginghen doe
6353			Bi hem ligghen bede gader		Bey hem ligghen beide gader		Bi hem ligghen bede gader
6354			Als tkint doet bi sinen vader		Alst tkint doet bi sinen vader		Alst kijnt doet biden vader
6355			Die van naerden vondense daer		Die van naerden vondense daer		De van naerden vondense daer
vorige 50 regels   | volgende 50 regels | Ga naar regel
				235: c bovengeschreven		202: w verbeterd uit iets anders 203: l op rasuur 204: na de t nog een rechte stok, geëxpungeerd