Rijmkroniek van Holland (366-1305)

Rijmkroniek van Holland (366-1305)

 
English | Nederlands
c verbeterd uit een bovenschacht

Vergelijk regels 6401 tot en met 6450

vorige 50 regels   | volgende 50 regels | Ga naar regel
Handschrift C
(ga naar pagina) 		Handschrift B
(ga naar pagina) 		Handschrift A
(ga naar pagina)
6401     Van sinen here hoe groet het si   Van sinen heer hoe groet dat si   Van sinen here hoe groot et si
6402 V 160   Hi come tot hem op dat hi   Hi come tot hem op dat hi   Hi coemt tot hem op dat hi
6403     Hem anespreke lieflike   Hem ane spreke lieflike   Hem ane spreket vriendelike
6404     Ende vergheuet ewelike   Ende vergheuet ewelike   Ende vergheuet hem ewelike
6405     Al had hi hem gheslegen den voet   Al haddi hem of gheslegen den voet   Al haddi hem of ghesleghen den voet
6406     Of mer dese moerders verwoet   Of meer dese moerders verwoet   Maer dese moerderen verwoet
6407 V 165   Hebben haren here verbeten   Hebben haren here verbeten   Hebben haren here verbeten
6408     Hem niet allene suldi weten   Hem niet allene suldi weten   Hem niet allene suldi weten
6409     Mer hem seluen ende menighen man   Maer hem seluen ende menigen man   Maer hem seluen ende menighen man
6410     Als ic een deels segghen can   Als ic een deels seggen can   Als ic een deel segghen can
6411     Daert stede heuet al openbaer   Daert stede heuet al openbaer   Ende onbinden sal hier naer
6412 V 170   Ende ontbinden sal hier naer   Ende ontbinden sal hier naer   Daert stede heuet al openbaer
6413     Kinder maghen hebben si onteert   Kinder maghen hebben si onteert   Kindre maghe sijn ondeert
6414     Die an haer doen hebben ghekeert   Die an haer doen hebben ghekeert   De an haer doen hem hebben ghekeert
6415     Die noch in haren doene houden   Die noch in hare doene houden   De noch an haren doene hem houden
6416     Sullen verraders sijn ghescouden   Sullen verraders sijn ghescouden   Sullen verraders sijn ghescouden
6417 V 175   Alle die daghe die si leuen   Alle die daghe die si leuen   Alle daghe de si leuen
6418     Ende met hem sijn verdreuen   Ende met hem sijn verdreuen   Ende met hem sijn verdreuen
6419     Wt haren lande wt haren goede   Wt haren lande wt haren goede   Wut haren lande vut haren goede
6420     Des mach hem wesen wee te moede   Des mach hem wesen wee te moede   Des mach hem wesen wee te moede
6421     Die der moert onsculdich sijn   Die der moert onsculdich sijn   De der moert onsculdich sijn
6422 V 180   Nu keer ic weder ter reden mijn   Nu keer ic weder ter redene mijn   Nv keric op de redene mijn
6423     Daer ict hier te voren liet   Daer ict hier te voren liet   Daer ict hier te voren liet
6424     Doe gheraert vanden graue sciet   Doe gheraet vanden graue sciet   Doe gheraert van den graue sciet
6425     Ende sijn knape bleef gheuaen   Ende sijn knape bleef gheuaen   Ende sijn knape bleef gheuaen
6426     Hoet met hem is vergaen   Hoet met hem is vergaen   Hoet met hem oec es vergaen
6427 V 185   Hebben verstaen ende ghehoert   Hebben verstaen ende ghehoert   Heb di verstaen ende ghehoert
6428     Gheraet van velse die reet voert   Gheraet van velsen die reet voert   Geraert van velsen de reet voort
6429     Op den huse van croneburghe   Op den huse van cronenbrugghe   Op dat huys van cronenborche
6430     Daer waendi bliuen sonder sorghe   Daer waendi bliuen sonder sorghe   Daer waende hi wesen sonder sorge
6431     Ghisebrecht die here van aemstel   Ghisebrecht die here van aemstel   Ghisebrecht de heer van amestelle
6432 V 190   Ende harman die verrader fel   Ende harman die verrader fel   Entie van woerden sijn gheselle
6433     Waren hem ontfaren beyde   Waren hem ontfaren beide   Waren hem ontfaren beide
6434     Si hadden lieuer op die heide   Si hadden lieuer op die heide   Si hadden lieuer op de heide
6435     Te wesen tot haren dele   Te wesen tot horen deele   Te wesen te haren dele
6436     Dan te bliuen opten castele   Dan te bliuen opten castele   Dan te ligghen in deen castele
6437 V 195   Al waenden si hebben goet ontset   Al waenden si hebben goet ontset   Al waenden si hebben goet ontset
6438     Dus quam gheraet indat net   Dus quam gheraet in dat net   Dus quam gheraert indat net
6439     Die ghene die aldit bedreef   Die ghene die dit al bedreef   Die ghene de aldit bedreef
6440     Dat hi op den huse bleef   Dat hi op den huse bleef   Dat hi op den huus bleef
6441     Biden verrader sinen gheselle   Biden verrader sine gheselle   Biden verrader sinen gheselle
6442 V 200   Daer ic v te voren of telle   Daer ic v te voren of telle   Daer ic v te uoren of telle
6443     Dus heeft deen verrader den ander   Dus heeft deen verrader den ander   Dus heeft die verrader den verrader
6444     Verraden ende sijn mit mallic ander   Verraden ende sijn met mallic ander   Verraden ende sijn beide gader
6445     Deen ontliuet ende dander onteert   Deen ontliuet ende tander onteert   Deene ontliuet dander ondeert
6446     Ende worden nemmermeer gheeert   Ende worden nemmermeer ghe eert   Ende worden nummermeer gheert
6447 V 205   Als gheraet op den huse quam   Alse gheraet opden huse quam   Als gheraert op den huse quam
6448     Ende dat volc dat vernam   Ende dat volc dat vernam   Ende dat volc dat vernam
6449     Dat die graue was bleuen doet   Dat die graue was bleuen doot   Dat de graue was bleuen doot
6450     Was tgheruft harde groet   Was tgheruchte237 herde groet   Was gheruchte herde groot

vorige 50 regels   | volgende 50 regels | Ga naar regel

237: c verbeterd uit een bovenschacht