Rijmkroniek van Holland (366-1305)

Contact

hem boven de regel toegevoegd in de marge vóór de lombarde een representant b r bovengeschreven de lombarde, ter hoogte van één regel, niet ingevuld die tsgrauen waren met de juiste volgorde aangegeven door middel van een verwijsteken hem boven de regel toegevoegd

Vergelijk regels 6789 tot en met 6838

			Handschrift C (ga naar pagina)		Handschrift B (ga naar pagina)		Handschrift A (ga naar pagina)




6789			Hi wort te rade dat tfolc hem swoer		Hi wort te rade dattet volc hem zwoer		Hi wort te rade dat volc hem²¹⁹ zwoer

6790			Van danen hi te delf voer		Van danen hi te delf voer		Van danen hi te delf voer

6791			Entie lieden van zuuthollant mede		Entie lude van zuuthollant mede		Ende van zuuthollant lude mede

6792	V 550		Doe hi quam aldaer ter stede		Doe hi quam al daer ter stede		Doe hi quam aldaer ter stede

6793			Wort aldaer een perlement		Wort al daer een perlement		Wart aldaer .i. parlament

6794			Eer dat pleyt wort gheent		Eer dat pleyt wort gheent		Eer dat pleit doe wort gheent

6795			Leden .vij. daghe daer		Leden .vij. daghe daer		Leden .vij. daghe daer

6796			Eer was gheeffent ende daer naer		Eert was gheeffent ende daer naer		Eert was gheeffent ende daer naer

6797	V 555		Dat die graue voer sire straten		Dat die graue voer siere straten		Datte graue voer siere straten

6798			Van cleue. ende moste daer laten		Van cleue ende mosten daer laten		Van cleue ende moeste daer laten

6799			Janne van auennes den wisen graue		Jan van auennes den wisen graue		Janne van avenes den wisen graue

6800			Diene woude laten om ghene haue		Diene woude laten om ghene haue		Die ne moste laten om ghene haue

6801			Hine woude sijns neuen orbaer doen		Hine woude sijns neuen orbar doen		Hine soude sijns neuen orbaer doen

6802	V 560		Wat holp hier of lanc sermoen		Want hulpe of lanc sermoen		Wat holpe hier of lanc sermoen

6803			isscop³⁹⁹ willem was bedroeft		Bisscop²⁴⁶ willem was bedroeft		Bisscop willem was bedroeuet

6804			Dat hi hem soe had gheproeft		Dat hi hem so hadde gheproest		Dat hi hem so hadde gheproeuet

6805			Dat hi dat huys niet had ontset		Dat hi dat huus niet en hadde ontset		Dat hi dat huys niet hadde ontset

6806			Ende hi soe langhe had ghelet		Ende hi so langhe hadde ghelet		Ende hi so langhe hadde ghelet

6807	V 565		Dat hi ghene scade en dede		Dat hi ghene scade en dede		Dat hi ghenen scade en dede

6808			Der graefscap ende sette toe ter stede		Dat graefscap ende sette toe ter stede		Der graefscap ende sette toe der stede

6809			Tu muden hadde die graue staende	¶	Te muden hadde die graue staende		Te muden hadde de graue staende

6810			Een huys des ic eer vermaende		Een huus des ic eer vermaende		Een huys des ic eer vermaende

6811			Daer sine op hilden gheuaen		Daer sine op hilden gheuaen		Daer sine op hilden gheuaen

6812	V 570		Dat dede hi beligghen saen		Dat dede hi beliggen saen		Dat dede hi beligghen saen

6813			Daer diederic op was van haerlem		Daer diederic op was van heerlem		Daer op was dideric van haerlem

6814			Ende een deel knapen met hem		Ende een deel knapen met hem		Ende een deel lieden met hem

6815			Diemen ane street met crachte		Dienen ane street met crachte		De men ane street met crachte

6816			Beide bi daghe ende bi nachte		Beide bi daghe ende bi nachte		Bede bi daghe ende bi nachte

6817	V 575		Die bliden die waren tsgrauen⁴⁰⁰		Die bliden die waren tsgrauen		De bliden de waren sgrauen

6818			Ende doen maken met sijnre hauen		Ende hadse doen maken met sijnre hauen		Ende maken dede met siere hauen

6819			Dede hi brenghen voerder borghe		Dede hi bringen voer der borghe		Dede hi bringhen voer der borghe

6820			Ende deder hem⁴⁰¹ mede grote zorghe		Ende deder²⁴⁷ hem mede grote sorghe		Ende deder hem mede anxt ende sorghe

6821			Eer si thuys op wilden gheuen		Eer si thuus op wilden gheuen		Eer si thuys op wilden gheuen

6822	V 580		Had si ij. daghe langher bleuen		Hadden si twe daghe langer bleuen		Hadden si .ij. daghe langher bleuen

6823			Op den huse dan si daden		Op den huse dan si daden		Op den huse dan si daden

6824			Die graue had hem staen in staden		Die graue hadde hem ghestaen in staden		De graue ian hadde hem te staden

6825			Ende verlost vter noet		Ende verlost vter noet		Ghestaen. ende brocht vter noot

6826			Of hi ware bleuen doet		Of hi waer bleuen doot		Of hi ware bleuen doot

6827	V 585		Want hi taemstelredam was comen		Want hi taemsterdam was comen		Want hi taemstelre damme was comen

6828			Om tontsetten te haren vromen		Om tontsettene tot haren vromen		Omme tonsettene te haren vromen

6829			Die met dederic opt huys waren		Die met dirc op huus waren		De met diedrike op thuys waren

6830			Allegader teenre scaren		Allegader tot eenre scaren		Alle gader teenre scaren

6831			Boden. hem op tot hem viuen		Boden hem op tot hoer viuen		Boden hem op tote hem uiuen

6832	V 590		Die wouden met diederic bliuen		Die wouden met dirc bliuen		De wilden met diedrike bliuen

6833			Ende ghenieten der auenturen		Ende ghenieten der aueturen		Ende ghenieten der auonturen

6834			Die dien diederic moch gheburen		Die hem ende dirc mochte gheburen		Dien didrike mochte ghebueren

6835			Doene mochte diederic vorder niet	¶	Doene mochte dirc vorder niet		Doene mochte didric vorder niet

6836			Hi most op gheuen wats gesciet		Hi moste hem op gheuen wats ghesciet		Hine most op gheuen wats ghesciet

6837	V 595		Ende moste bliuen daer gheuaen		Ende mosten bliuen daer gheuaen		Ende moste bliuen daer gheuaen

6838			Dus heuet bisscop willem bestaen		Dus heuet bisscop willem bestaen		Dus heuet de bisscop bestaen

vorige 50 regels \| volgende 50 regels \| Ga naar regel
		399: de lombarde, ter hoogte van één regel, niet ingevuld 400: die tsgrauen waren met de juiste volgorde aangegeven door middel van een verwijsteken 401: hem boven de regel toegevoegd		246: in de marge vóór de lombarde een representant b 247: r bovengeschreven		219: hem boven de regel toegevoegd