Rijmkroniek van Holland (366-1305)

Contact

l bovengeschreven h verbeterd uit l la verbeterd uit iets anders Vonde met nde doorgestreept en ere erboven geschreven

Vergelijk regels 6972 tot en met 7021

			Handschrift C (ga naar pagina)		Handschrift B (ga naar pagina)




6972			Tfolc was also verwoet		Tfolc was also uerwoet

6973	V 660/70		Dat al thant⁴¹⁴ was beroert		Dat althant²⁵¹ was beroert

6974			Ende hi tordrecht was geuoert		Dat hi van dordrecht was gheuoert

6975			Dat so weet ic harde wale		Dat so wetic herde wale

6976			Hi lach daer voren ten seluen male		Hi lach daer voren ten seluen maele

6977			Den somer ende den herfst mede		Den somer ende den herft mede

6978	V 660/75		Dat die dam behilt die stede		Dat die dam behielt die stede

6979			Bi arnemuden daer hi lach		Bi arremuden daer hi lach

6980			Jc ne hoerde noyt maken gheclach		Jc ne hoerde noyt maken gheclach

6981			Die vander poerten op den graue		Die vander poerten op den graue

6982			Dat hi hem doden ende haue		Dat hi hem dode ende haue

6983	V 660/80		Ghelden soude ende hare scade		Ghelden soude ende hare scade

6984			Al es mens nv worden te rade		Al es mens nv worden te rade

6985			Dat elc sine scade eescht		Dat elc sine scade eescht

6986			Jc waent noyt eer wort vereescht		Jc waent noyt eer wort gheeest

6987			Die poerters daden hare rechte scout		Die poerters daden hare scout

6988	V 660/85		Waren si ionc ofte out		Waren si ionc ofte out

6989			Doe si nochtan hadden verloren		Doe si nochtan hadden verloren

6990			Haren here des si toren		Haren heer des si thoren

6991			Hadden ende groten rouwe		Hadden ende groten rouwe

6992			Pensden si nochtan om die trouwe		Peinsede hi nochtan om die trouwe

6993	V 660/90		Die si sculdich waren te houden		Die si sculdich waren te houden

6994			Hier ic laticse⁴¹⁵ onbescouden		Hier laticse om bescouden

6995			Al boetmen hem seluer ende gout		Al boet men hem ziluer ende gout

6996			Ende voer hem lach mit groter gewout		Ende voer hem lach mit groter ghewout

6997			Si wouden nyeten der auenturen		Si wouden nieten der auenturen

6998	V 660/95		Ende nemen des hem mochte geburen		Ende nemen des hem mocht gheboren

6999			Ende hilden vast die poert op gode		Ende hielden vast die poerte op gode

7000			Andren troest noch andren bode		Anderen troest no anderen bode

7001			Hadden die porters onder die sonnen		Hadden die poerters onder der sonnen

7002			Als als wijt ghemerken connen		Also als wijt ghemerken connen

7003	V 660/100		Sonder dat si hadden verstaen		Sonder dat si hadden verstaen

7004			Dat in hollant dus was vergaen		Dat in hollant dus is vergaen

7005			Ende dat die graue van henegouwen		Ende dat die graue van henegouwen

7006			Hem pijnde met wel goeder trouwen		Hem pijnde met wel goeder trouwen

7007			Tlant te berechten als hi dede		Tlant te berechten als hi dede

7008	V 660/105		Ende doe hi dit verhoerde mede		Ende doe hi dit verhoerde mede

7009			Was hijs in wel groten twiste		Was hi in wel groten twiste

7010			Want hi in gheenre manieren wiste		Want hi in gheenre manieren wiste

7011			Welken eerst staen in staden		Welken eerst staen in staden

7012			Ende ontsetten ende beraden		Ende ontsetten ende beraden

7013	V 660/110		So middelburch so medemelic		So middelborch so medemelic

7014			Doe rietmen hem sekerlic		Doe riet men hem zekerlijc

7015			Voere⁴¹⁶ hi in zeelant hi vonder vriende		Voer hi in zeelant hi vonder vriende

7016			Die hem elc harde gaerne diende		Die hem elc gaerne diende

7017			Hi soude die poert ontsetten wale		Hi soude die porte ontsetten wale

7018	V 660/115		Sonder enighe wedertale		Sonder eenighe weder tale

7019			So dat hijs wort te rade		So dat hijs wort te rade

7020			Ende makede dach ende stade		Ende maecte dach ende stade

7021			Ende voer met lieden tot zericzee		Ende voer met luden tot zerixzee

vorige 50 regels \| volgende 50 regels \| Ga naar regel
		414: h verbeterd uit l 415: la verbeterd uit iets anders 416: Vonde met nde doorgestreept en ere erboven geschreven		251: l bovengeschreven