Rijmkroniek van Holland (366-1305)

Contact

la verbeterd uit iets anders Vonde met nde doorgestreept en ere erboven geschreven

Vergelijk regels 6981 tot en met 7030

			Handschrift C (ga naar pagina)	Handschrift B (ga naar pagina)




6981			Die vander poerten op den graue	Die vander poerten op den graue

6982			Dat hi hem doden ende haue	Dat hi hem dode ende haue

6983	V 660/80		Ghelden soude ende hare scade	Ghelden soude ende hare scade

6984			Al es mens nv worden te rade	Al es mens nv worden te rade

6985			Dat elc sine scade eescht	Dat elc sine scade eescht

6986			Jc waent noyt eer wort vereescht	Jc waent noyt eer wort gheeest

6987			Die poerters daden hare rechte scout	Die poerters daden hare scout

6988	V 660/85		Waren si ionc ofte out	Waren si ionc ofte out

6989			Doe si nochtan hadden verloren	Doe si nochtan hadden verloren

6990			Haren here des si toren	Haren heer des si thoren

6991			Hadden ende groten rouwe	Hadden ende groten rouwe

6992			Pensden si nochtan om die trouwe	Peinsede hi nochtan om die trouwe

6993	V 660/90		Die si sculdich waren te houden	Die si sculdich waren te houden

6994			Hier ic laticse⁴¹⁵ onbescouden	Hier laticse om bescouden

6995			Al boetmen hem seluer ende gout	Al boet men hem ziluer ende gout

6996			Ende voer hem lach mit groter gewout	Ende voer hem lach mit groter ghewout

6997			Si wouden nyeten der auenturen	Si wouden nieten der auenturen

6998	V 660/95		Ende nemen des hem mochte geburen	Ende nemen des hem mocht gheboren

6999			Ende hilden vast die poert op gode	Ende hielden vast die poerte op gode

7000			Andren troest noch andren bode	Anderen troest no anderen bode

7001			Hadden die porters onder die sonnen	Hadden die poerters onder der sonnen

7002			Als als wijt ghemerken connen	Also als wijt ghemerken connen

7003	V 660/100		Sonder dat si hadden verstaen	Sonder dat si hadden verstaen

7004			Dat in hollant dus was vergaen	Dat in hollant dus is vergaen

7005			Ende dat die graue van henegouwen	Ende dat die graue van henegouwen

7006			Hem pijnde met wel goeder trouwen	Hem pijnde met wel goeder trouwen

7007			Tlant te berechten als hi dede	Tlant te berechten als hi dede

7008	V 660/105		Ende doe hi dit verhoerde mede	Ende doe hi dit verhoerde mede

7009			Was hijs in wel groten twiste	Was hi in wel groten twiste

7010			Want hi in gheenre manieren wiste	Want hi in gheenre manieren wiste

7011			Welken eerst staen in staden	Welken eerst staen in staden

7012			Ende ontsetten ende beraden	Ende ontsetten ende beraden

7013	V 660/110		So middelburch so medemelic	So middelborch so medemelic

7014			Doe rietmen hem sekerlic	Doe riet men hem zekerlijc

7015			Voere⁴¹⁶ hi in zeelant hi vonder vriende	Voer hi in zeelant hi vonder vriende

7016			Die hem elc harde gaerne diende	Die hem elc gaerne diende

7017			Hi soude die poert ontsetten wale	Hi soude die porte ontsetten wale

7018	V 660/115		Sonder enighe wedertale	Sonder eenighe weder tale

7019			So dat hijs wort te rade	So dat hijs wort te rade

7020			Ende makede dach ende stade	Ende maecte dach ende stade

7021			Ende voer met lieden tot zericzee	Ende voer met luden tot zerixzee

7022			Ende quam daer min no mee	Ende quam daer min no mee

7023	V 660/120		Jnden auont harde zide	Jnden auont herde side

7024			Des ander daghes vro betide	Des ander daghes vroe bi tide

7025			Waren die porters wt ghestreken	Waren die poerters wt ghestreken

7026			Van middelburch hoer ic spreken	Van middelborch hoerdic spreken

7027			Eer si yet wisten hier af	Eer si yet wisten hier af

7028	V 660/125		Jn weet wie hem den raet gaf	En weet wie hem den raet gaf

7029			Stillekine sonder gheluut	Stillekine sonder gheluut

7030	V 660/127		Toten damme ende staken wt	Toten damme ende staken wt

vorige 50 regels \| volgende 50 regels \| Ga naar regel
		415: la verbeterd uit iets anders 416: Vonde met nde doorgestreept en ere erboven geschreven