Rijmkroniek van Holland (366-1305)

Contact

d verbeterd uit t verzen 7774 en 7775 in eerste instantie overgeslagen, maar met een verwijsteken in de marge onder de kolom genoteerd, door de kopiist zelf, in een wat losser schrift en met inkt van een andere kleur onder de kolom in de marge de (klein geschreven) custode want de afkortingsstreep verbeterd uit de abbreviatuur van er de laatste e verbeterd uit iets anders

Vergelijk regels 7752 tot en met 7801

			Handschrift C (ga naar pagina)		Handschrift B (ga naar pagina)		Handschrift A (ga naar pagina)




7752			Wat holpe hier of lange tale		Wat hulpe daer of langhe tale		Wat holpe hier of langhe tale

7753	VI 55		Si voeren toe al sonder vaer		Si voeren toe al sonder vaer		Si voeren toe al sonder vaer

7754			Een groet scip wonnen si daer		Een groot scip wonnen si daer		Een groet scip si wonnen daer

7755			Met crachte doe den vriesen af		Met crafte doe den vriesen af		Met crachte doe²⁶³ den vriesen af

7756			So dat hem dat volc op gaf		Soe dat hem dat volc op gaf		So dat hem dat volc op gaf

7757			Die daer mede quamen gheuaren		Die daer mede quamen gheuaren		Die daer mede quamen gheuaren

7758	VI 60		Behaluen diere versleghen waren		Behaluen diere voersleghen waren		Behaluen die daer versleghen waren

7759			Men ghinc daer houwen ende slaen		Men ghinc daer houwen ende slaen		Men ghinc daer houwen ende slaen

7760			Si vloen die mochten ontgaen		Si vloen die mochten ontgaen		Si vloen de mochten ontgaen

7761			Dat volc wart al ondaen		Dat volc wart al ontaen		Dat volc wart al ondaen

7762			Men sacher niement ter were staen		Men sacher niement ter were staen		Men sachter niement ter weren staen

7763	VI 65		Die bisscop vloe sire vaerde		Die bisscop voer sire veerde²⁷⁶		De bisscob vlo sijnre veerde

7764			Want hi hem emmer niene⁴⁶² waerde		Want hem emmer niet en vaerde		Want hi hem emmer niet en weerde

7765			Hi liet sijn scip het was te groet		Ende liet sijn scip het was te groot		Hi liet sijn scip het was so goet

7766			Ende spranc in enen minderen boet		Hi spranc in enen minderen boet		Ende spranc in enen mindren boet

7767			Daer hi mede ontvoer algader		Daer hi mede ontuoer al gader		Daer hi mede ontfoer alte gader

7768	VI 70		Nu hoert met desen heilighen vader		Nv hoert wat desen heylighen vader		Nv hoert van desen heyleghen vader

7769			Wat wonder dat hi heeft bedreuen		Wat wonder dat hi heeft bedreuen		Wat wondre dat hi heuet bedreuen

7770			Dat aldaer versleghen bleuen		Dat al daer versleghen bleuen		Dat al daer verslaghen bleuen

7771			So vele liede dat wonder was		Soe vele lude dat wonder was		So uele lude dat wonder was

7772			Ende gheuanghen sijt seker das		Ende gheuanghen sijt seker das		Ende gheuanghen sijt seker das

7773	VI 75		So vele dat si sider gauen		Soe vele dat si sider gauen		So vele dat si seder gauen

7774			Menighe marc van hare hauen		Menighe merc van hare hauen		Menighen marc van hare hauen²⁶⁴

7775			Bisscop willem heeft dit ghedaen		Bisscop willem heeft dit ghedaen		Bisscop willem heuet dit ghedaen

7776			Noch suldijs meer verstaen		Noch suldijs meer verstaen		Noch suldijs meer verstaen

7777			Als comt die tijt suldijt horen		Als coemt die tijt suldijt horen		Als de tijt coemt suldijt horen

7778	VI 80		Mer hier gaet een ander voren		Maer hier gaet een ander voren		Maer hier gaet een ander voren

7779			Als die bisscop dus hilt den strijt		Als die bisscop dus hilt den strijt		Als de bisscop dus hielt dien strijt

7780			Te menigher stede te menigher tijt		Te menigher stede te menighertijt		Te menegher stede te meniger tijt

7781			Jeghen den graue daer hi mochte		Jeghen den graue dat hi mochte		Jeghen den graue waer hi mochte

7782			Nu hoert wat haer wolfaert dochte		Nv hoert wat her wolfaert dochte		Nv hoert wat her wolfaert wrochte

7783	VI 85		Hi dede den bisscop spreken		Hi dede den bisscop spreken		Hi dede den bisscop spreken

7784			Ofmen den bisscop mochte breken		Ofmen den bisscop mochte breken		Of men den twiste mochte breken

7785			Twisschen den graue ende hem		Twisschen den graue ende hem		Tusschen den graue ende hem

7786			So dat die bisscop willem		Soe dattie bisscop willem		So datte bisscop willem

7787			Louede den pays ende quamer toe		Louede den pays ende quamer toe		Louede den pays ende quamer toe

7788	VI 90		Ende voer te dordrecht doe		Ende voer te dordrecht doe		Ende voer te dordrecht doe

7789			Ende voert ter vere ten graue		Ende voer ten vere ten²⁷⁷ graue		Ende voert ten veeren toten graue

7790			Daer hi blide doe sciet aue		Daer hi blide doe sciet aue		Daer blide doe sciet aue

7791			Also alsmen ghemerken mochte		Alsoe alsmen ghemerken mochte		Also als men ghemerken mochte

7792			Jc en weet wat hi int herte dochte		Jc en weet wat hi int herte dochte		Jn weet wat hi int herte dochte

7793	VI 95		Men mochte doe sien wat hi wrochte		Men mochte doe zien wat hi wrochte		Men mochte doe sien wat hi wrochte

7794			Alsment ten vtersten besochte		Alsment ten vtersten besochte		Als men ten vtersten besochte

7795			Doe hi was comen in sijn lant		Doe hi was comen in sijn lant		Doe hi was comen in sijn lant

7796			Berieu hem recht althant		Berien hem rechte al te hant		Berieden hem recht alte hant

7797			Dat hi den graue had beloeft		Dat hi den graue hadde beloeft		Dat hi den graue hadde gheloeft

7798	VI 100		En weet of hi was verdoeft		En weet of hi was verdoeft		Jcne weet of hi was verdoeft

7799			Dat hi emmer orloghen woude		Dat hi emmer orloghen wouden		Dat hi emmer orloghen woude

7800			Tegen den graue. ic wane hi emmer soude		Teghen den graue ic wane hi emmer soude		Den graue. jc wane hier omme soude

7801			Daer om steruen. alst gheuel		Daer om steruen alst gheuel		Steruen als zeeder gheuiel

vorige 50 regels \| volgende 50 regels \| Ga naar regel
		462: de laatste e verbeterd uit iets anders		276: onder de kolom in de marge de (klein geschreven) custode want 277: de afkortingsstreep verbeterd uit de abbreviatuur van er		263: d verbeterd uit t 264: verzen 7774 en 7775 in eerste instantie overgeslagen, maar met een verwijsteken in de marge onder de kolom genoteerd, door de kopiist zelf, in een wat losser schrift en met inkt van een andere kleur