Rijmkroniek van Holland (366-1305)

Contact

sji verbeterd uit hi door van de h de bovenschacht te voorzien van een vlag en de tweede haal van een accent de eerste h verbeterd uit iets anders brochte achter de vooorafgaande regel desde met de lange s geëxpungeerd legghenop met een verticaal streepje tussen n en o d verbeterd uit iets anders, mogelijk uit t te achter de vooorafgaande regel

Vergelijk regels 7899 tot en met 7948

			Handschrift C (ga naar pagina)		Handschrift B (ga naar pagina)		Handschrift A (ga naar pagina)




7899			So bat si datmen haer gaue		Soe bat si datmen haer gaue		So bat sjidat²⁷¹ men haer gaue

7900			Deen helft. ende die graue		Deen helft ende die graue		Die een helf entie graue

7901			Metten andren sinen wille dade		Metten anderen sinen wille dade		Metten andren sinen wille dade

7902			Doe wart men ghinder des te rade		Doe wart men ghinder des te rade		Doe wortmen ginder des te rade

7903	VI 205		Men gaue die helft die mitten lote		Men gaue die helfte die metten lote		Men gaue de helft de metten lote

7904			Haer gheuel. ende ghenote		Haer gheuel ende ghenote		Haer gheuiel ende ghenote

7905			Elc sijnre auenturen		Elc zijnre auenture		Elc sijnre auonturen

7906			Anders mochts haer niet gheburen		Anders en mochte haer niet gheburen		Anders mochts haer niet ghebueren

7907			Datmen haer iet gheuen woude		Datmen haer yet gheuen woude		Dat men haer iet gheuen soude

7908	VI 210		Ende oec op dat si soude		Ende oec op dat souden		Ende oec op dat si woude

7909			Den ghenen gheuen die tkint daer brochte⁴⁷¹		Den ghenen gheuen die tkint daer brochte²⁸²		Den ghenen deet kint daer brochte

7910			Si nams raet. hem allen dochte		Ende naems raet hem allen dochte		Si namen raet hem allen dochte

7911			Dat beter ware verre te voren		Dat beter ware verre te voren		Dat beter ware verre te voren

7912			Dan si alle waren verloren		Dat si alle waren verloren		Dan si alle waren verloren

7913	VI 215		Ende ioncfrou baerte mede		Ende ioncfrou baerte mede		Ende ioncfrou berte mede

7914			Si sprac doe wt ter seluer stede		Si sprac doe wt ter zeluer stede		Sprac doe vut der seluer stede

7915			So welc helft die comt an mi		Soe welc helft die coemt an mi		So welke helft dat coemt an mi

7916			Also alst ghesproken si				Also alst besproken si

7917			Wil ic hebben quite ende vri		Wilic hebben quite ende vri		Willic hebben quite ende vri

7918	VI 220		Men andwoerde haer dat si		Men antwoerde hare dat si		Men antworde haer dat si

7919			Die brugghe die was al te broken		Die brugghe die was al te broken		Die brugghe de was alte broken

7920			Ende die poerte was beloken		Ende die poorte was beloken		Ende de porte was gheloken

7921			Diemen ondede althant		Diemen ondede altehant		De men ontdede altehant

7922			So datmen hurden vant		Soe datmen horden vant		So dat men horden vant

7923	VI 225		Diemen leide ende ghinc in		Diemen leyde ende ghinc in		Die men ondede ende ginc in

7924			Men vanter lude meer no min		Men vanter lude meer no min		Men vanter lude meer no mijn

7925			Dan xvi die ter were		Dan xvi die ter vre		Dan .xvj. de ter weren

7926			Souden doghen. ende niet mere		Souden doghen ende niet mere		Souden doghen ende niet mere

7927			Dandre doet ende som ghewont		Dander doot ende som ghewont		Dander doot ende somme ghewont

7928	VI 230		Ende vanden liue onghesont		Ende vanden liue onghesont		Ende vanden liue onghesont

7929			Sonder den knecht die tkint verriet		Sonder den knecht diet kint verriet		Sonder den knechte de tkint verriet

7930			Hine was ghequetst niet		Hine was ghequetst niet		Diene was ghequetst niet

7931			Dien leuerde men heren hubrechte		Die leuerdemen heren hubrechte		Dien leverdmen heren hubrecht

7932			Die rechten dede ouer dien knechte		Die rechte dede²⁸³ ouer die knechte		De recht dede ouer den knechte

7933	VI 235		Teerst dat hijs hadde stade		Teerst dat hijs hadde stade		Teerst dat hi hadde stade

7934			Ende deden leggen op een rade		Ende deden legghen op²⁸⁴ enen rade		Ende deden legghen op enen rade

7935			Ende sijn kint vant hi ghesont		Ende sijn kint vant hi ghesont		Ende sijn kint vant hi ghesont

7936			Men voerde op die selue stont		Men voerde op die selue stont		Men voerde op de selue stont

7937			Die gheuanghene tordrecht		Die gheuanghen tordrecht		De gheuanghen tordrecht

7938	VI 240		Daer olout ouer dede recht		Daer olout ouer dede recht		Daer clout ouer dede recht

7939			Hi setter .viij. an deen zide		Hi setter viij aen deen side		Hi setter achte an deen side

7940			Op dander .viij. harde onblide		Op dander viij herde onblide		An dander achte herde onblide

7941			Mocht si wesen so help mi god		Mochten si wesen soe help mi god		Mocht si wesen so help mi god

7942			Daer so warpmen om een lot		Daer soe werp men om een lot		Aldaer werpmen om hem lot

7943	VI 245		Dat lot was also ghemaect		Dat lot was alsoe ghemaect		Dat lot was also ghemaket

7944			Twee bollekine wel gheraect		Twee bollekine wel gheraect		Twe bollekine wel gheraket

7945			Ront was elc als een cloet		Ront was elc als een cloet		Ront was elc als een cloot

7946			Ghelike gheuerwet euen groet		Ghelike gheuerwet euen groot		Ghelijc gheuarwet euen grot

7947			Jn dene was .i. hollantsche penninc		Jn deen was een hollants penninc		Jn deen was een hollanschen²⁷² penninc

7948	VI 250		Jn dander .i. louensch dese dinc		Jn dander een louensch dese²⁸⁵ dinc		Jn dander een louensche dese dinc

vorige 50 regels \| volgende 50 regels \| Ga naar regel
		471: te achter de vooorafgaande regel		282: brochte achter de vooorafgaande regel 283: desde met de lange s geëxpungeerd 284: legghenop met een verticaal streepje tussen n en o 285: d verbeterd uit iets anders, mogelijk uit t		271: sji verbeterd uit hi door van de h de bovenschacht te voorzien van een vlag en de tweede haal van een accent 272: de eerste h verbeterd uit iets anders