Rijmkroniek van Holland (366-1305)

Contact

z verbeterd uit iets anders c bovengeschreven h verbeterd uit iets anders .i. boven de regel toegevoegd

Vergelijk regels 947 tot en met 996

			Handschrift C (ga naar pagina)		Handschrift B (ga naar pagina)	Handschrift A (ga naar pagina)




947			Van ij lb. ghelts⁸⁰ daer ter stede		Van .ij. pont gelts daer ter stede	Van .ij. lb. gelts daer te stede

948			Leghet hi ende sijn wijf mede		Leghet hi ende sijn wijf mede	Leghet hi ende sijn wijf mede

949			Die scone clenode aldaer ter stonde		Die scone clenode al daer ter stonde	De scone clenode daer ter stonde

950	I 950		Sinte aelbrecht gaf tegmonde		Sinte aelbrecht gaf tegmonde	Sinte aelbrechte gaf tegmonde

951		¶	Jnt iaer ons heren M ende drie	¶	Jnt Jaer ons heren .M. ende drie	Jnt iaer ons heren .M. ende drie

952			Starf keyser otte ende zider nie		Starf keiser otte ende sider nie	Starf keiser otte ende sider nie

953			Sone wart daer op keiser gheboren		Sone wart daer op keiser geboren	Sone wart daer of keiser gheboren

954			Hine wart daer toe vercoren		Hine wart daer toe vercoren	Hine worter anders toe ghecoren

955	I 955		Want dese .iij. otten erfden trike		Want dese .iij. otten erfden trike	Want dese .iij. otten erfden trike

956			So dat het ghinc eruelike		So dat het ghinc eruelike	So dat het ginc eruelike

957			Vanden vader toten sone		Vanden vader toten sone	Vanden vader toten zone

958			Sonder allene dat die gone		Sonder allene dat die ghone	Sonder allene dat die gone

959			Te romen voer enten dan wiede		Te romen voer enten dan wiede	Te rome voer ende datten wiede

960	I 960		Die paeus selue ende benediede		Die paus zelue⁴⁴ ende benediede	Die paus selue ende benediede

961			Mar na dien dat otte was doet		Maer na dien dat otte was doet	Maer na dien dat otte was doot

962			Die roemsche keyser weder boet		Die roemsche keiser weder boet	De roomsche kerke weder boot

963			Entie heren vanden rike		Entie heren vanden rike	Ende de heren van den rike

964			Ende coren ghemeenlike		Ende coren ghemeenlike	Ende coren ghemeenlike

965	I 965		Vij princen die kiesen soude		.Vij. prinsen die kyesen souden	Seuen prensen de kiesen zouden

966			Die waerdich waren wie so si woude		Die waerdich waren wie so si wouden	Dies waerdich waren wien si wouden

967			Die soude roemschkeiser wesen		Die soude roemsche keiser wesen	Die roemsche keiser soude wesen

968			Nu sijn vij. heren te desen		Nv sijn vij. heren te desen	Nu sijn zeuen heren te desen

969			Drie aertschebiscoppen .iiij. leke heren		.Iij. aertsche biscopen .iiij. leke heeren	Dre ardsche biscoppe .iiij. leke heren

970	I 970		Diemen hier bi namen mach leren		Die men hier bi namen mach leren	Die men hier mach bi namen leren

971		¶	Van almangen die canselier	¶	Van almaengen die canselier	Van almaenghen de cancelier

972			Die van maletichen is .i.⁸¹ al hier		Die van maletichem is .i. al hier	Die van mensen es .i. al hier

973			Entie van triere es .i. van allen		Ende die van trier is .i. van allen	Entie van tieren es .i. van allen

974			Die is cancelier van gallen		Die is canselier van gallen	Die es cancelier van gallen

975	I 975		Entie van colen alle wale		Ende die van coellen alle wale	Entie van coelne also wale

976			Die cancelier heet van ytale		Die canselier heet van ytale	Die cancelier is van ytale

977			Dit sijn .iij. gheleerde heren		Dit sijn drie gheleerde heren	Dit sijn dre gheleerde heren

978			Die .iiij. leke wil ic v leren		Die .iiij. leke wil ic v leren	Die vier leke willic v leren

979			Daer pleecht die .i. of te sine		Daer pleecht⁴⁵ die .i. of te sijn	Daer pleghet die ene of te sine

980	I 980		Die palesgraue van den rine		Die palentsgraue vanden rijn	Die plaes graue van den rine

981			Die is drussate des riken ghenant		Die is drussate des riken genant	Die is drussaten des riken ghenant

982			Die ander is van zassen lant		Die ander is van zassen genant	Die ander es van zassen lant

983			Die hertoghe die des ghelike		Die hertoghe die des ghelike	Die hertoghe die des ghelike

984			Dat zwaert draecht vanden rike		Dat zwaert draecht vanden rike	Dat zweert voert van den rike

985	I 985		Die derde staets niet aue		Die derde staets niet aue	Die derde diene staets niet aue

986			Van brandenburch die marc graue		Van brandenborch die marc graue	Dats van brandenborch die marc graue

987			Dat is des riken camerlinc		Dat is des riken camerlinc	Dats des riken camerlijnc

988			Die vierde dat is ware dinc		Die vierde dat is ware dinc	Die vierde dat es ware dinc

989			Dat es die coninc van behem		Dat is die coninc behem	Dat is die coninc van behem

990	I 990		Scinke des rike noemt men hem		Scincker des riken nomen hem	Scinke des riken noemt men hem

991		¶	Dese vij. was die ere groet		Dese .vij. was die eere groet	Desen zeuen was dere groot

992			Ghegheuen na tsderden otten doet		Ghegheuen na tsderden otten doet	Ghegeuen na sderden otten doot

993			Dat hi keiser soude wesen		Dat hi keiser zoude wesen	Dat hi keiser soude wesen

994			Die ghecoren ware na desen		Die ghecoren waren na desen	Die ghecoren ware van desen

995	I 995		Nu keer ic tonsen grauen weder	¶	Nv keric tonsen grauen weder	Nv keric tonsen grauen weder

996			Daer ic die ieeste of leide neder		Daer ic die geest of leide neder	Daer ic die geeste of leide neder

vorige 50 regels \| volgende 50 regels \| Ga naar regel
		80: h verbeterd uit iets anders 81: .i. boven de regel toegevoegd		44: z verbeterd uit iets anders 45: c bovengeschreven