Rijmkroniek van Holland (366-1305)

de eerste e verbeterd uit een bovenschacht of lange s in de marge vóór de lombarde een representant t de eerste n verbeterd uit m door de eerste stok ervan te expungeren voor de e een geradeerde letter, vermoedelijk een T uen achter de volgende regel

Vergelijk regels 9749 tot en met 9798

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
9749			Want elc lant moet hebben here		Want elc lant moet hebben here		Want elc lant moet hebben here
9750			Sal het bliuen in sijn ere		Sal het bliuen in sijn ere		Sallet bliuen in sijn ere
9751			Jn zeelant bleef die graue doe		Jn zeelant bleef die graue doe		Jn zeelant bleef de graue doe
9752			Ende sine vianden setten toe		Ende sine vianden setten toe		Ende sine vianden setten toe
9753	VII 725		Ende gaderden dat si mochte		Ende gaderden dat si mochte		Ende gaderden dat si gaderen mochten
9754			Hoert wies si hem bedochten		Hoert wies si hem bedochten		Hoert wes si hem bedochten
9755			Si wouden soeken zuutbeuelant		Si wouden soeken zuutbeuelant		Si wouden zoeken suutbeuelant
9756			Dat hem so wel ghinc indie hant		Dat hem soe wel ghinc in die hant		Dat hem so wel ginc in hant
9757			Dat si bewesten yeerseke vonden		Dat si beweste yeerseke335 vonden		Want si bewesten. yerseke vonden
9758	VII 730		Sloeghen an hem ten seluen stonden		Sloeghen an hem ten seluen stonden		Sloech an hem ten zeluen stonden
9759			Ter goes was een beghin		Ter336 goes was een beghin		Ter339 goeds was een begijn
9760			Van enen huse daer doe in		Van enen huse daer doe in		Van enen huse daer doe in
9761			Boudijn was keruinx sone		Boudijn was kerninx sone		Bouden was kerninx sone
9762			Die hem pijnde te houden tgone		Die hem pijnde te houden tgone		De hem pijnde te houden tgone
9763	VII 735		Met den knapen die met hem waren		Metten knapen die met hem waren		Metten knapen de met hem waren
9764			Jeghen die verdreuen scaren		Jeghen die verdreuen scaren		Jegen de verdreuene scaren
9765			Si quamen nachts bider mane		Si quamen nachts bi der manen337		Si quamen nachts bider mane
9766			Jnden lande ende streden ane		Jn den lande ende streden ane		Jn den lande ende streden ane
9767			Thuys daer boudijn in was		Thuys daer boudijn in was		Thuys der bouen inne was
9768	VII 740		Den graue quam die mare das		Den graue quam die mare das		Den graue quam de mare das
9769			Te zericze indie poert		Te zierixzee in die poert		Te sirixe in de poort
9770			Als hi dit heuet ghehoert		Alse hi dit heuet ghehoert		Alse hi dit heuet ghehoort
9771			Sendi tallen poerten wt		Sendi tallen poorten vut		Sende hi tallen porten vut
9772			Sine brieuen ende ontboet saluut		Sine brieue ende ontboet saluut		Brieue ende onboot saluut
9773	VII 745		Ende bat mannen ende vrienden		Ende bat mannen ende vrienden		Ende bat manne ende vrienden
9774			Datsi tot deser noet hem dienden		Dat si tot deser noot hem dienden		Dat si teser noet hem dienden
9775			Hi souts hem danken al sijn leuen		Hi souts hem dancken al sijn leuen		Hi souds hem danken al sijn leuen
9776			Die lieden woudent niet begheuen599		Die lude woudent niet begheuen		Die lieden wouden niet begheuen
9777			Ende quamen al ghemene		Ende quamen al ghemene		Ende quamen al ghemene
9778	VII 750		Tot hem ghewapent groot ende clene		Tot hem ghewapent groot ende clene		Tote hem ghewapent groot ende clene
9779			Te cats voer die graue doe		Te cats voer die graue doe		Te kaets voer de graue doe
9780			Ende sine vianden setten toe		Ende sine viande setten toe		Ende sinen vianden setten toe
9781			Jnden lande daer si in waren		Jn den lande daer si in waren		Jnden lande dat si waren
9782			Ende deelden hem in .ij. scaren		Ende deelden hem in twee scaren		Ende deelden hem in tween scaren
9783	VII 755		Dene streec oest dander west		Deen street oest ende dander west		Die ene streech oest dander west
9784			Om tfolc dus te dwinghen best		Om tfolc dus te dwinghen best		Om tfolc dus te dwinghen best
9785			Ende dat heerscap van remmerswale		Ende dat heerscap van remmerswale		Ende dat heerscap van remerswale
9786			Gaderden ten seluen male		Gaderden ten seluen male		Gaderden ten seluen male
9787			Alse tontsetten boudine		Alse tontsetten boudine		Also tonsettene boudine
9788	VII 760		Of willer om doghen pine		Of willer om doghen pine		Of wilder om doghen pine
9789			Doe quam die boetscap harde sciere		Doen quam die boetscap harde sciere		Doe quam hem boetscap herde sciere
9790			Bi gode die viande comen hiere		By gode die viande comen hiere		Bi gode de viande comen hiere
9791			Edel heren siet vor v		Edel heren siet voer v		Edele heren siet voer v nv
9792			Tsgrauen viande comen tot v		Tsgrauen viande comen tot v		Sgrauen viande comen tot v
9793	VII 765		Wellecomen spraken si te hant		Willecome spraken si te hant		Willecome spraken site hant
9794			Hier is so menich coene seriant		Hier es soe menich coen seriant		Hier es so menich coene seriant
9795			Jeghens hem sullen wi gaen		Jeghens hem sullen wi gaen		Jeghen hem sulle wi gaen
9796			Ende vromelike weder staen		Ende vromelijc weder staen		Ende vromeliken weder staen
9797			Dattem rouwen sal die vaert		Dat hem rouwen sal die vaert		Dat hem rouwen sal de vaert
9798	VII 770		Doe ghinghen si toe onghespaert		Doe ghinghen si toe onghespaert		Doe ginghen si onghe spaert
vorige 50 regels   | volgende 50 regels | Ga naar regel
		599: uen achter de volgende regel		335: de eerste e verbeterd uit een bovenschacht of lange s 336: in de marge vóór de lombarde een representant t 337: de eerste n verbeterd uit m door de eerste stok ervan te expungeren		339: voor de e een geradeerde letter, vermoedelijk een T