toon een folio

in de marge vóór de lombarde een representant h in de marge vóór de lombarde een representant h d verbeterd uit de aanzet van een andere letter

Folio 75r uit Handschrift B

11086		Het³⁸⁶ is der hollanders maniere
11087		Verliesen si .iij. manne of viere
11088		Si seggen lieuer meer dan min
11089		Die vlaminc messaect int beghin
11090	VIII 792/15	Al verlore hire meer dan hondert
11091		Hi missakes soe wies wondert
11092		Ende soude segghen harde sciere
11093		Daer sijn verslaghen scumers viere
11094		Dit hordemen alden dach
11095	VIII 792/20	Jc en weet hoet wesen mach
11096		Minde die here alsmen seghet
11097		Die lude als elc here pleghet
11098		Te minnen sijns selues liede
11099		Soe weet ic wel dat niet ghesciede
11100	VIII 792/25	Dat hi die lude set in waghen
11101		Soe dorstmen niet daer om vraghen
11102		Dat hi enen man verlore
11103		Om .M. marc wistijt te vore
11104		Dus en ist metten heren niet
11105	VIII 792/30	Hem ne roects wats ghesciet
11106		Want dat volc hem niet en bestaet
11107		Namelijc diet niet an en gaet
11108		Al waren dusent weruen mee
11109		Hine gauer niet om een slee
11110	VIII 792/35	Op dat hi tsine mochte bedriuen
11111		Si moghen slechten den keytiuen
11112		Die hem dus verdullen laten
11113		Ende hem seluen soe sere haten
11114		Want die auontuere werket wonder
11115	VIII 792/40	Die nv is bouen is morghen onder
11116		Dit mach merken diet wel verstaen
11117	VIII 792/42	Dat recht aldus is vergaen
11118	VIII 793	HEr³⁸⁷ willem ontquam van daer
11119		Al doghedi groten vaer
11120	VIII 795	Dat gheen cleen wonder en sceen
11121		Van alden heren wasser gheen

11122		Hine woude wel ter seluer wilen
11123		Hebben ghesijn ouer dusent milen
11124		Hadde dat moghen wesen
11125	VIII 800	Soe sere barenteert waren si van desen
11126		Ghi moghet wel die waerheit weten
11127		Had dat volc al stille gheseten
11128		Opten dijc al sonder were
11129		Sine hadden in enen daghe dat here
11130	VIII 805	Niet gheslaghen met lieuer lade
11131		Al hadden sijs goede stade
11132		Die mochte ontcomen hi ontquam
11133		Des ander daghes men raet nam
11134		Datmen den luden orlof gaf
11135	VIII 810	Die meer vloen dan den draf³⁸⁸
11136		Hadden si ghelopen opter arden
11137		Si hadden gheronnen oft waer parden
11138		Deen en beide den anderen niet
11139		Soe leede was hem daer sciet
11140	VIII 815	Tfolc voer al siere straten
11141		Ende heuent den ionghen graue ghelaten
11142		Jn die poort bliuen allene
11143		Met sinen ghesinde dat was clene
11144		Maer die porters al ghemene
11145	VIII 820	Stondens hem bi met herten rene
11146		Ende diere dor sinen wille waren
11147		Ghesceiden van der vlaemscer scaren
11148		Daer hi vant trouwe claer
11149		Dit ghesciede int selue iaer
11150	VIII 825	Des vridages vor pallem dach
11151		Des hollant langhe denken mach
11152		Entie vlaemsche warens blide
11153		Des saterdaghes te vollen tide
11154		Quamen die vlaminghe vor die poort
11155	VIII 830	Met haren scepe ende lagher voort
11156	VIII 831	Tot des manendaghes in die paesch weke
11157	VIII 831/1	Dat si en hadden ghene breke